طفولة مغتصبة (كاملة)

لم أكن كاذبة ..

♣️طفولة مغتصبة♣️
‎ما ذنبي ؟!...💔
‎الجزء : 9
              °•°•°•°•°•°•°•°•°•°•°•°•°
‎فالمساء بعد حصة الفرنسية كانو خارجين من المدرسة و كيهدرو حتى صفاء كتلمح حنان هي و جليلة ..حنات راسها و مشات كتزرب فمشيتها ...حتى كتشدها من يديها و ضوراتها عندها
‎حنان : تسناي ..علاش هاربة مني راني غير بغيت نهضر معاك
‎صفاء : (بدات كتحاول تفلت يديها) طلقي ...طلقي مني ...هئ هئ ...مابغيتش نهضر معاك
‎حنان : بغيت غانهضر معاك ا بنتي ...علاش تنازلتي على داكشي لي قلتي ...علاش ؟!...
‎صفاء : بعدي مني وااا طلقي ..نتي ماالك ؟!
‎مريم : (شافت فصفاء لي كتبكي و رجعات نضرها لحنان) طلقي منها أخالتي راه مبغاتش تهضر معاك
‎حنان : واش مبغيتيهش ياخذ عقابو ...هضري أ بنتي علاش تنازلتي ...؟!
‎صفاء : طلقي مني ... بغيت نمشي بحالي
‎حنان : (يالاه جات تهضر و هي تجر صفاء من يديها)
‎خديجة : (جاية ناوية على خزيت )مالناااا منخافوش اختي مالك مع بنتي
‎حنان : راه غير بغيت نهضر معاها ..
‎خديجة : بنتي مبغاتش تهضر معاك متقيصيهاش .... سيبة هادي
‎حنان : راني غير بغيت نسولها علاش سحبتو هاديك شكاية من نيابة
‎خديجة : (عرفاتها هي مولات دعوتها و خنزرات و غوتات فوجهها)أااا قول نتي هادي يا شعالت العوافي لي محرضا ليا بنتي و ݣالسة تعمري ليها عقلها بوسخك ...(قربات ليها )أسمعي و حلي ودنك معايا وسخك خليه بعيد على بنتي و لا مغيعجبك حال ...
‎حنان : ألالة أش وصلنا لهاد الماصل...وسخ ما وسخ ..
‎خديجة : لمهم لي عندي قلتو ليك ...لمرة جاية نهار نلقاك كدوري ببنتي ... ميفارقونا غير البوليس (خنزرات فيها و جرات صفاء من يديها) مريم يالاه ... (تابعاتهم مريم و مشاو لجيهت لحومة ودعوا مريم لي دخلات لدارهم و كولا و مشا لدارو )
‎دخلات صفاء و خديجة لدار و خديجة باقا غا تعاير ...أما صفاء مشات نيشان لبيتها بدلات حوايجها و مشات تكات باش تنعس ..
بعد مدة
دخلات خديجة لبيت صفاء هاد الأخيرة لي كانت متكية و مغمضة عينيها كتسنى النعاس يزورها و مع سمعات لباب تحل حلات عينيها ...
‎خديجة : (بحنية) صفاء (مشات ݣلسات حداها و بدات كدوز ليها على شعرها) مالكي أ بنتي مالك ..؟! تبدلتي عليا مابقيتي تݣلسي معانا ... ما  تهضري معانا ..حتى ماكلتك ولات ناقصة ..؟؟
‎صفاء : مماليش ..
‎خديجة : إيوا نوضي ݣلسي معانا راه باباك كيسول عليك .. واخا مقلق منك على داكشي لي درتي ولكن متخافيش شرحت ليه بلي هاديك المرأة هي لي عمرات ليك راسك
‎صفاء : (غمضات عينيها بنفاذ صبر و عاودات حلاتهم و نطقات بحدة) فيا غير نعاس أ ماما ..خليني ...
‎خديجة : (بدات كتقلب ليها فراسها واش فيها سخانة) واش أ بنتي مريضة ... كضرك شي حاجة دوي أبنتي ..(بحدة)و لا داك المرة دارت ليك شي حاجة
‎صفاء : لا أماما راه فيا غير نعاس و صافي غير نعس و غانولي مزيان ..
‎خديجة : (تنهدات و باست ليها راسها) إلى جاك جوع أجي تاكلي ...نطفي ضوء (حركات ليها صفاء راسها بأاه ..طفات ضوء و خرجات سادة الباب من موراها ...أما صفاء غير حسات بالباب تسد بدات كتبكي و كتنخسس ... )
‎صفاء : علاش هئ هئ ..علاش متيقونيش هئ هئ علاااش ..(بقات كتبكي و كتهضر مع راسها حتى     غفات)...
                                °•°•°•°•°•°•°•°•°•°•°•°•°  
‎يتبع ... ✔️