طفولة مغتصبة (كاملة)

من تكون ؟!

♣️طفولة مغتصبة♣️
‎ما ذنبي ؟!... 💔
‎الجزء : 17
              °•°•°•°•°•°•°•°•°•°•°•°•°
‎داز وقت طويل عاد رجع شمكار جايب معاه ميكات فيهم الماكلة و عطا وحدة لصفاء
‎شمكار 2 : شدي كولي ..دابا تموتي ليا هنا و نصدق واحل
‎صفاء : (خدات الميكة و بدات كتاكل بعينيها مغمضين كان جوع غالب عليها سالات و جمعات زبل فالميكة و رجعات باللور ) شكرا
‎شمكار 2 : (مجاوبهاش جمع زبل و خرج و تبعو واحد من جوج لي كانو معاها و بقا واحد حاضيها )
‎شمكار 3 : مالك مع هاديك البنت 
‎شمكار 2 : (كيهضر و كايضحك)شوف ديك البنت غادي تجيب لينا لعاقة ..
‎شمكار 3 : من نيتك وا البنت باقا صغيرة أشمن لعاقة غادي تجيب لينا ...ياكما ناوي تخرج تسعا بيها
‎شمكار 2 : الفلوس غادي يجيو لعندي برجليهم بلا مانمشي نقلب عليهم ...
‎شمكار 3 : هادشي لي كادير فيه ممسلكش ..طلق البنت تمشي تلقا واليديها كيقلبو عليها و هي باقا صغيرة
‎شمكار 2 : واليديها كون بغاوها كون حضاوها ميخليوهاش تخرج بوحدها ... و نتا إلى معجبكش لحال سير بحالك متبقاش فارع ليا راسي ...
‎شمكار 3 : دابا وصلنااا حتااال هاد الماصل أ صاحبي(شافو ساكت و هو يكمل) .. عرفتي شنو هاني خليتلك خربتك ربح بيها .. نمشي نقلب على راسي أما لابقيت تابعك غادي طيحني غير فشي مصيبة بحال كمارتك
‎شمكار 2 : وا شتك وليتي تعاير ... ولكن عاذرك راك دايخ دابا سير ولكن نهار تحتاجني راك عارف فين تلقاني (و دخل لبيت لي فيه صفاء أما لاخر خرج من داك الدار و مشا بحالو و هو كيفكر فصفاء بقات فيه حتى هو عندو ختو صغيرة و مايبغيش لي يقيسها ...فاش شافها منين جابها صاحبو شبهات ليه فختو و صباح فاش شافها كتبكي ضميرو بدا كيأنبو مقدرش يزيد يبقا تماك فضل أنه يمشي من الأحسن ...)
‎.*.*.*.*.*.عند صفاء
‎شمكار 1 : فين هو صلاح
‎شمكار 2: مشا بحالو قالك غادي نجبد ليه صداع
‎شمكار 1 : وراه قال غا الحق ... راك بهادشي لي درتي جبدتي علينا النحل ... واش من نيتك خاطف درية
‎شمكار 2 : شفتكم تحاميتو إلى ماعجبك حال راه لباب قاد بشغلي راسي ...
‎شمكار 1 : هادي هي العشرة وليتي تجري عليا ...ولكن هانية دابا دور ليام (و خرج حتى هو كيجري تابع صاحبو صلاح)
‎شمكار 2 : كان كيصحابلي معاشر مع الرجال ساعة صدقت معاشر غا مع الشمايت واا الخواف على خوه (شاف فصفاء مقنة و جامعة رجليها عندها و كتشوف فيه بخوف كبير و هو يخنزر فيها ) مالنا نتي على داك الشوفات ...
‎صفاء : بغي ..بغيت نمشي لطواليط ..
‎شمكار 2 :هادشي لي بقا... دوزي قدامي ...(شدها من يديها و خرجها و داها لمور الدار) يالاه قضي
‎صفاء : (بقات كتشوف فيه) غتبقا حاضيني ...دور لهيه
‎شمكار 2 : مصيبة معاك ...(دار لجيهة لخرى أما هي بقات حاضياه واش غايدور عاد دارت طالقة رجليها للريح كتجري و تقول ما جريت) ساليتي (يالاه دار يشوفها لقا غا يديه و الريح و هو يتصدم طلع راسو و بانت ليه كتجري فطريق الغابة) لبرهوشة ..دارتها بيا ...(تبعها كيجري) ليوم ندمك ...راه ماعندك فين تهربي ..
‎(أما صفاء دخلات لغابة و بدات كتجري ما بين شجر كتعكل و واخا هكاك كتكمل جري حتى لواحد اللحظة دخلات فشي حاجة قاصحة مع علات راسها و هي تصدم من هادشي لي كتشوف قدامها ...)
     •°•°•°•°•°•°•°•
‎يتبع ...✔️