طفولة مغتصبة (كاملة)

نقطة بيضاء

♣️طفولة مغتصبة ♣️
ما ذنبي ؟!...💔
جزء : 7
•°•°•°•°•°•°•

•°•°•°•°•صفاء دوزات لعشية كاملة و هي فبيتها كتبكي دموعها مابغاوش يحبسو ...كانت كتحس بظلم كبييير ...حتى المدرسة مامشاتش ليها ...
كانت خديجة ݣالسة فصالة كتفرج مفقوصة حتى كتسمع دقان فالباب ...
خديجة : أشكون ..هانا جايا (تزاد دقان و هي تغوت)..غابشوية على الباب هرسوه نتوما ݣاع (حلات الباب كانو واحد ربعة ديال العيالات و معاهم بنت تكون فتقادت صفاء ..خديجة شافت فوحدة فيهم بإستغراب و نطقات ) سلام أ لالة أش حب لخاطر
حليمة : سلام أنا مامات زينب كتقرا مع صفاء و بغينا نهدرو معاك إلى كان ممكن
خديجة : (تنحات على الباب) إيه دخلو مرحبا بيكم ...(دخلو لعيالات ݣلسو و ݣلسات معاهم خديجة)
ربيعة : إيوا يا ختي سمحيلينا على هاد الدخلة
خديجة : لا ..أختي هانية
حليمة : حنا جينا نهدرو معاك على وديت داك الأستاذ ... قولي لبنتك تمشي تراجع على داك الهدرة لي قالت ...راه حشومة سيد بولادو و حفايدو ديرو ليه هاد التجرجيرة
خديجة : و الله يا ختي أنا ماكنت عارفة بشي حاجة حتاال يوم عيطو على الراجل لمدراسة عاد قالوليه أش كاين
ربيعة : إيوا فيناهيا بنتك
حليمة : قاتليا زينب ݣاع مامشات هاد العشية لمدراسة ما كاين باس بعدا
خديجة : لا غا عيانة شوية و مخليتهاش تمشي ...أنا غادي نعيط ليها تجي ...صفااااء واااا صفاااء أجي لعندي (حتى دخلات صفاء عينيها حمرين و مستغربة كتشوف فصحبتها كتقرا معاها و ماماها و أمهات أخرين سلمات عليهم و ݣلسات حدا ماماها حانية راسها)
ربيعة : إيوا أ بنتي أش ديك الفالطة درتي (هادي بالضبط من داك النوع لي مكيدخلش سوق راسو فيما مشات خاشية كرموستها) ماشي حشومة الأستاذ كيقري هادي سنين و قرا ولادنا لكبار و دابا كيقري ولادنا صغار و ماعمرنا شفنا منو شي عيب طيحي عليه داك الباطل
حليمة : سيري أ بنتي الله يرضي عليك سحبي داك الهضرة لي ݣلتي راك غتخرجي على السيد ...قبيلة كيهدر معانا مقهور قالينا راك تلميذة ضريفة و مأذبة راه غير عمرو ليك راسك و راه مسامحك (صفاء مع هاد الكلمة لخرة ضحكات كيفاش سمح ليها ...واش هي لي خاصها تسمح ليه ولا هو)
خديجة : راه غايديها باباها غدا و غيهضر مع المدير باش يتحيد هاداك شي ...حنا راه مكان فخبارنا والو ...
ربيعة : إيوا الله يهدي ما خلق راه الأستاذ مسكين حالتو تشفي طيحو عليه الباطل و هو ماداير لا بيديه لا برجليه
خديجة : راه حنا عارفين راه قراا عندو ولدي الكبير و دابا راه ولا راجل و تزوج ...و عمرنا شفنا منو شي عيب
حليمة : قال لينا بلي مامات شي بنت كتقرا معاهم سميتها مرام هي لي حرشاتها
خديجة : أنا معرفتهاش ولايني غانشوفها نسمعها خل ودنيها ...باش لمرة جاية تقرب ليا لبنتي لاهيلا ..
حليمة : إيوا دابا ملي طمأننا خاصنا نمشيو ...(ناضو توادعو من بعد خرجو و خديجة هضرات بحدة مع صفاء)
خديجة : شفتي أ بنت كرشي شفتي ...دايرا ليا لمشاكيل ولا بنادم يجي حتااال باب داري و يحل عليا فمو ...تريكة ناقصة ...نوضي تهزي من قدامي بيتك (صفاء ناضت لبيتها و هي مكرهة من هاد العيالات تايقين فراسهم و جايين كيدافعو عليه ....و باقا داك كلمة مسامحك كدور ليها فودنيه رجعات لبلاصتها تغطات و طلقات العنان لدموعها لي بقاو هوما حلها لواحيد و لي كتعبر بيهم على أي شيء كتحس بيه فهاد اللحظة )
دازو دقائق حتى دخلات عندها ماماها لبيت و مدات ليها تيليفون
خديجة : (بنفخة) هاكي خوك بغا يهدر معاك
صفاء : (خدات من عندها تيليفون بفرحة) ألو يوسف ......أااه أااه لاباس عليا كيداير نتا و كيدايرا نسرين .....حتى أنا توحشتك بزااف أخويا ....إمتا غادي تجي ....بصح ههه ....جيب ليا لي بغيتي ...هههه أااه لا لكحل ....يالاه بسلامة و سلم ليا على نسرين بزاااف و قوليها توحشتها ...شنو ؟؟.......(نقزات من ناموسية بفرحة) حلف ....واااااو غادي يولي عندنا بيبي فالعائلة ...بنت ولا ولد ....اااه لمهم كيما كان أنا غادي نسمي ...صاف واخا ...يالاه بسلامة .....هاكا ماما (عطات تيليفون لماماها لي سلمات عليه و قطعات )
خديجة : (بتحذير) منبغي خوك يسمع والو على هادشي لي وقع ...
صفاء : واخا (خرجات خديجة و خلات صفاء فرحانة بأول ولد اخ ليها و فرحانة بفكرة أنها غادي تولي عمة كيبقا خوها هو أحسن شخص فحياتها حيت كيفهمها ...كيحتارمها واخا ختو صغيرة واخا هكاك كيعتابرها بحال بنتو ....كان دائما هو داك السند لي كتحط عليه راسها و كتبكي عليه و كتعاود ليه كلشي ...و كيبقى هو داك النقطة البيضاء فحياتها هو و مريم صديقتها)
•°•°•°•°•°•°•
يتبع .....✔️