طفولة مغتصبة (كاملة)

إختطاف ..

♣️طفولة مغتصبة♣️
‎ما ذنبي ؟!... 💔
‎الجزء : 14
              °•°•°•°•°•°•°•°•°•°•°•°•°
‎خرج راجل من طموبيل كيجري كيشوف فيها بصدمة
‎أما هي كانت ݣالسة فلرض و حاطة يديها على ودنيها و كترعد ...
‎راجل : (تنهد براحة فاش عرف ماوقع ليها والو ... شافت كيفاش كترعد و كتبكي خايفة و توجه لعندها)طيرتيها مني خلعة أ بنتي (بدا كيحاول ينوضها) نوضي أ بنتي من لرض لحمد الله كنت غادي بشوية... أما الله يحفظ كنت غندخل فيك
‎صفاء  : (شافت فيه )هئ سمح ليا أ عمي مرديتش لباب هئ هئ
‎راجل : ماشي مشكل أ بنتي لمرة جاية ردي بالك ...
‎صفاء : واخا أعمي ..شكرا
‎راجل : (و ما ليها براسو و دار متاجه لسيارتو أما هي كملات طريقها غادا فطريق و باقا الخلعة شادا فيها قربات لدار مسحات وجهها من دموع و دخلات  )
‎صفاء : مامااا هاني جيت ...
‎خديجة : (طلات عليها ) على السلامة ...(مشات لعندها بإستغراب) أ مال وجهك صفر ...
‎صفاء : ماماليش غير فيا جوع
‎خديجة : أجي تاكلي راني وجدت كاسكروط ..
‎صفاء : واخا (حطات شكارتها و طابليتها و مشات غسلات ليديها و وجهها من أثار الدموع عاد مشات تاكل)
‎خديجة : وقتاش عنك المراجعة ليوم
‎صفاء : لخمسة
‎خديجة : معاياش أ تخرجي
‎صفاء : سبعة
‎خديجة : إيوا هزي معاك تيليفون باش نعيط ليك
‎صفاء : واخا ...(كملات ماكلتها و مشات غسلات بدلات كتوبتها و خرجات )
‎خديجة : متعطليش و تبعي مع الشرح ...
‎صفاء : واخاا يالاه باي (باستها و خرجات من الدار بقات غادا و هي غافلة على شي عيون مراقبينها من اللحظة لي دخلات للدار ...حتى وصلات لمراجعة و دخلات ...)

         •°•°•°•°•°•°•°•
‎بعد ساعتان كانت خارجة من المراجعة و ظلام طاح ... كانت غادا فطريق خاوية و كتحس بش خطوات من موراها ولكن مادارتش قالت بلي عادي ...بدات كتسمع تيليفون كيصوني وقفات جبداتو و لقات ماماها و هي تجاوب ...
‎خديجة : ألو ..صفاء فينك
‎صفاء : يالاه خرجت هاني جاية فطريق
‎خديجة : متعطليش فالطريق
‎صفاء : (يالاه جات تجاوبها و هي تحس بشي حاجة محطوطة على نيفها ) ماا ...ماااا (و طاحت غايبة على الوعي فإيدين الشخص لي موراها و طاح تيليفون فالأرض من بعد داك الشخص هزها و تأكد بلي تاحد ماشافو و هرب كيجري)
‎خديجة : صفاااء ....ألوو صفاااء كتسمعيني. ..صفاء (كانت كتسمع غير صوت أنفاس صفاء و شي خطوات كيبعدو )
‎.*.*.*.*. عند خديجة
‎كانت كتهدر مع صفاء حتى صوت صفاء تقطع و بقات كتسمع غير صوت أنفاسها و الخطوات هنا الماء طاح ليها فركابي قطعاات و عاودات عيطات و والو ما من مجيب ....ناضت داك الساع مخلوعة لبسات جلابتها و خرجات غادا فطريق المراجعة ...بقات غادا فطريق و كتقلب لاتبان ليها جاية ...فلحظة وقفات فاش بانت ليها شي حاجة كتلمع فالأرض ...مشات كتجري فإتجاهو هزاتو و لقاتو تيليفون صفااء ...فداك اللحظة حسات بقلبها غادي يوقف ݣلسات فالأرض فاشلة و دموعها بدااو كيطيحو ...و ݣاع الأفكار الخايبين طاحو فبالها
‎خديجة : صفاااء هئ هئ هئ الله أ بنت فين مشيتي صفاء .....هئ هئ ...(ناضت مشات لمراجعة سولات و قالو ليها مني خرجات ماشافوهاش ..قلبات ݣاع زناقي ...و رجعات لدار تشوف واش مشات تما ...دخلات و بقات تبكي و تندب و عيطات لرشيد تعلمواا ...)

               •°•°•°•°•°•
‎يتبع...✔️