Empire High University: University of monsters

Chapter 12. Nightmares

Chapter 12. Nightmares

Aeon's POV

Gumising akong bangag at wala sa sarili. "Hoy bruha, natutulog ka pa ba? Ano bang nangyayari sayo?" tanong ni Dark sa tabi ko. Andito kami sa loob ng classroom at katatapos lang ng second subject namin ngayong umaga at kanina pa ako napapagalitan dahil natutulog daw ako sa klase, mabuti nalang at ang susunod naming subject ay hindi boring. May limang minuto pa bago magsimula ang klase kaya napagpasyahan kong pumunta muna ng banyo.

"Oh, san ka pupunta?" tanong ni Dark ng tumayo ako.

"Comfort room" tanging sagot ko saka ako naglakad palabas ng classroom patungong banyo. Malapit lang naman ang cr sa room namin. Mag hihilamos lang ako para mahimasmasan ako ng konti. Malapit na ako sa cr ng makasalubong ko si Trasher na mukhang galing din sa cr. Hindi ko napansin na lumabas siya kanina sa classroom. Bangag nga talaga ako. Hindi ko siya pinansin at dumiretso nalang ako sa cr ng mga babae. Tinampal tampal ko muna ang pisngi ko, tumingin ako sa salamin at sinuri ang napaka laking eyebags ko saka ako naghilamos at pinunasan ang mukha ko gamit ang tissue sa banyo.

Ilang linggo na akong ganito. Hindi ko alam kung anong nangyayari sakin. Ng matapos akong maghilamos bumalik na ako ng classroom baka andun na ang professor namin mamaya. Five classrooms away from ours may nahagip ang mga mata ko sa section E. Si Trasher, na mukhang nakikipaglandian sa isa sa mga kababaihan sa section na iyon. Iniwas ko nalang ang tingin ko ng mahagip niyang nakatingin ako sakanila ng babae. Dumiretso nalang ako sa classroom at hindi ito pinansin. Ng makarating ako sa classroom wala pa kaming guro. Sinubsob ko muna ang mukha ko sa mesa ng aking upuan.

"Okay ka lang ba Aeon?" tanong nanaman ni Dark. Kanina pa niya ako kinukulit. Bahagya kong inangat ang aking ulo tsaka ko siya tinignan.

"Okay lang ako" tanging sagot ko nalang at sinubsob ko ulit ang ulo ko sa mesa. Ilang minuto pa ay narinig kong biglang bumukas ang pintuan ng classroom, umayos ako bigla ng upo sa pagkakaalam kong ang professor na namin ang dumating pero hindi pala, mula sa pinto ay biglang pumasok si Trasher at umupo sa tabi ng mga kaibigan niya. Tapos na siguro siyang makipaglandian. Iniwas ko nalang ang tingin ko saka ako tumitig sa labas ng classroom.

"San ka galing?" narinig kong tanong ng isa sa mga kaibigan niya. Hindi ko maiwasang hindi makinig dahil kahit nasa unahan sila habang ako ay nasa likuran, maririnig ko talaga sila, isa ito sa mga taglay naming kapangyarihan na mga bampira.

"Sa admin" simpleng sagot niya rito. Pss. Admin daw, admin na ba ngayon ang Section E? Siguro, admin ng kalandian. Napairap nalang ako sa sarili kong ideya.

Napalingon nalang kaming lahat sa pintuan ng bigla itong bumukas at iniluwa non ang professor na hinihintay namin, si Mr. Sanders.

"Good morning everyone. I'm so sorry to tell you but I can't meet you right now because we, professors, have a meeting about the incoming acquaintance party" bungad niya sa amin. Bigla namang nagsaya ang mga kaklase ko dahil sa narinig nila.

"But---" Mr. Sanders said then pause for a minute. Ang kaninang masayang mukha ng mga kaklase ko ay napalitan ng pagrereklamo.

"May but pa talaga sir?" reklamo ng isang kaklase ko na hindi ko alam ang pangalan. Ilang buwan narin ako dito sa unibersidad na ito pero iilan lang ang kilala ko. Wala rin naman akong balak na makipagkilala o makipagkaybigan sakanila.

"Yes, Mr. Cameron, there is a 'but'. I'm giving you a homework para hindi kung ano ano ang ginagawa niyo during your vacant period" ani professor. Mas lalong lumakas ang pagrereklamo nila dahil sa sinabi niyang iyon.

"Quiet!" malakas na sigaw ni Mr. Sanders sa buong klase dahilan ng pagtahimik nila. I grinned. They just really don't know when to shut up. Lumipas pa ang ilang segundo baka uli siya nagsalita.