My Amazing Girl (On-Going)

EPISODE 11- THE DOCTOR

Dedicated to: AlexzandraVersola &
DHANNEBANIA

KEIRA POV

Nagising si Keira na sapo ang kanyang ulo. Hindi nya alam kung bakit mabigat ang kanyang ulo. Ang alam lang nya nagpaulan sya kagabi.

Napakasaya pa nya kahapon ng umaga dahil nga sa naisip nyang pagsorpresa dito.

Nang malaman nyang Birthday nito at gusto nitong magcelebrate silang dalawa. Pero iba ang naisip nyang pakulo dito at ginawa nga nyang sorpresahin ito.

Gumising sya ng Alas-singko para isagawa ang kanyang plano. Tinawagan nya agad ang secretary nito. Nung una alanganin pa ito pero dahil sa pangungulit nya ay napapayag nya rin ito. Ganun din ang ginawa nya sa kanyang pinsan at sa bestfriend nito. Hindi nya ginamit ang rolls royce nito at nagpasundo sya sa kanyang pinsan.

Sinadya nya ring i-off ang kanyang phone para lalo itong di mag-isip sa surprise nya para dito. Nang nasa office na sila nakita nya ang aligagang assistant nito. May oras pa na nilalayo nito ang phone baka nasisigawan na ito kaya naisip nya na mamaya na lang sya hihingi ng tawad at thank you dito dahil malaki talaga ang ambag nito sa pagtulong sa kanya.

Nang malaman nyang dumating na ito ay agad syang nagtago sa malaking box kahit napakainit ay titiisin na lang nya. Nang marinig nya ang pagpihit sa poppers party ay humanda na sya sa kanyang gagawin. Kahit kinakabahan ay nagfocus pa rin sya na mapasaya ang taong naging mahalaga na sa buhay nya at handa nyang ialay ang kanyang buhay maprotektahan lang ito. Hindi rin nya alam kung bakit nya ginagawa ito para dito basta ang alam nya sa sarili nya ay gusto nya itong mapasaya.

Nang bumukas ang Box ay senyales na ito na ang sosorpresahin nya. Nakita nya sa mata nito ang gulat, pag-alala at saya sa mata nito habang kumakanta sya ng Happy Birthday dito. Natigil sya ng yakapin sya nito ng mahigpit. Hinila naman sya nito agad palabas pero nagpasalamat naman sya at nagawa nya pa ring humingi ng tawad sa assistant nito.

Nakaramdam sya ng achievement na pakiramdam dahil gumana ang plano hanggang sa makasakay na sila sa kotse nito. Hinayaan nya lang ito sa gusto nitong gawin. Pumayag sya na halikan sya nito. Pero nasira ang magandang araw na iyon ng magsalita ito tungkol sa kaniyang nakaraan.

Naalala nya ang nangyare kahapon at hindi pa rin sya makapaniwala sa nalaman. Si Dale ang batang matagal na nyang hinahanap. Ang batang kanyang niligtas at dun din lumabas ang power na hindi nya alam kung blessing ba sa kanya or curse na magkaroon sya ng ganitong kapangyarihan habang nakatingin sya sa kanyang kaliwang kamay.

Nang magbalik sya sa kanyang kamalayan ay napansin rin nya ang binata na mapayapang natutulog at nakayakap sa kanya. Yes. Katabi nya itong matulog. Damang dama pa rin nya ang init ng hininga nito sa kanyang leeg at nakita rin nya at ramdam nya ang bigat ng braso nito na nakadantay sa kanyang tyan.

Babangon na sana sya ng humigpit ang yakap nito. Hinawakan nya ang ulo nito para iayos sa pagkakahiga at nakita nyang butil butil itong nagpapawis. Hinipo nya ang noo nito at ganun na lang ang panlalaki ng mata nya sa pagkagulat dahil mainit ito para rin itong naghahabol ng hininga at parang giniginaw.

Naalala nyang nabasa din pala ito ng ulan akala naman nya di ito tatablan ng sakit. Nang sinapo nya ang kanyang ulo ay may unting sinat sya pero mas matindi ang pakiramdam nito.

"Dale, may lagnat ka!" Ginigising nya ito pero mas humigpit pa ang yakap nito sa kanya na parang sinasabi na wag nyang iwan ito.

Wala syang nagawa kundi ang maghintay na may kumatok sa kanya. Tiningnan nya ang kanyang cellphone sa gilid ng kanyang kama at nakita nyang alas-nuwebe na ng umaga. Mabuti na lamang at may number sya ng assistant nito at agad nyang tinawagan.