كواكب امي

البارت الثامن

مساء الورد يا احلى متابعين
اسفة عالتأخير واشكر كل كلمة وتعليق حلو منكم
واتمنيت لو اكدر ارد على تعليق تعليق بيهن ،واشكر دعواتكم وسؤوالكم عن وضعي
الحمد لله جاي اخذ علاج وان شاء الله الشفاء من الله عزل وجل ،،
ودام عندي قدره اكتب راح اكتبلكم بأذن الله تعالى وفي حال اتخربط وضعي اتاخر عليكم بس انطيكم خبر اكيد وما اخليكم تنتظرون 🖤

متابعة ممتعة يا حلوين
بعدني ممعدلة البارت 🙈

#كواكب_امي
للكاتبة روشان

البارت الثامن

ﻭﺩعـيـتـه
ﻭﻏـﺎﺑـﺖ ﺑـﺮﻭﺣﻲ #ﺍﻟﺸـﻤـﺲ

ﺍلـــرﺍﺡ #ﻣﺎﻛﺎﺳﺮﻟﻲ ﺧﺎﻃر

#ﻛﺎﺳــﺮ ﺑـﺼﺪﺭﻱ #ﻧﻔﺲ
.
.
ابراهيم : كاظم سالفته طويله متعرفيها

ليلى: اي خل اعرفها منك ،حجيت واني اباوعله صفح بابتسامه
وهو ابتسم وحجى

ابراهيم :تعاي هنا واحجيلج
اشر على حضنه

ليلى : ضحكت واتقربت منه صرت بحضنه
احجيلي يلا..

ابراهيم : اوكفي خل اطلب منج بعد شغلات ،دام هسه انتي مسلمتها شريد تسوين المهم احجيلج

ليلى: يحجي ويضحك ،وضحكني وياه
ضربته على جتفه بقبضه ايدي بخفه وباوعتله رافعه حاجبي وكلت

عالاساس اني يايوم كتلك لا؟!

ابراهيم : يابه اني وين الكي منج مرة،

ليلى: عض شفته وحاوطني بيده وكام يبوس بخدي كأنما لازم طفل بيده
واخر شي عضني من خدي بخفه وصحت اني وكمت افرك بخدي

اااخ هاي ليش هيج تأذيني ؟!

ابراهيم : مو كزكزت مو بيدي ،

ليلى: باوعتله بخزره وحجيت
يلاااا ابراهيم احجي عاااد مو شلعت گلبي ..

ابراهيم :سلامة گلبج يابة ولا يهمج هسه احجيلج
بس تعاي ردي بحضني

ليلى: رجعت خليت راسي على صدره
وهو بدى يحجي

ابراهيم : شوفي يابه ،،كاظم جان عاشگله بنيه وروحة بيها مو عشگ وحب شلون ما جان ..

لحد ما وصلت سالفتهم للزواج واجه كال لابويه وابويه گوم الدنيا وما كعدها

ليلى: باوعتله بصدمه
لييش؟!!!

ابراهيم : شنو ليش ،غير ابويه ذبحي ولا ياخذ غربة ماعرف شسالفته بس يتخبل من زواج الغربة ،،

ليلى: اي وشصار بعدين

ابراهيم : انگلبت الدنيا هنا عدنا ،كاظم يريد رادته وابويه معاند
وصلت السالفة لخوالي وحتى ابوج جان يعرف وشكد حاولو ويا ابويه ورادو يقتنع بس ابويه كال حجاية وحجايتة ماصير ثنين
كال لا يعني لا
لو كرايب لو ليتزوج
وكاظم اتخبل بعد واستمرت الطلايب بينهم لحد ما وصلت بالنهاية ابويه طرد كاظم من البيت