كواكب امي

البارت الثامن والعشرون

مساء الورد عليكم احبتي 🖤

بعدني ممعدلة البارت 🙈

#كواكب_امي
للكاتبة روشان

البارت الثامن والعشرون

حمزة: يلا بعد احسن حتى تبطلين

نجمة: شنوووو؟!! رديتله بصوت عالي وصدمة

حمزة: مثل ما سمعتي
ماكو دوام بعد ...

نجمة: ضحكت وبيني وبين نفسي كلت اكيد يتشاقة ..سكتت ورديت
انت تحجي صدك لو تتشاقة؟!

حمزة: شوكت متشاقي وياج !!

نجمة: كل كلمة يردها ببرود قاتل وهدوء يقتل بعد اكثر ويخليني اني اشتعل بنار ما منها مفر

صكيت على سنوني بأعصاب
مو كيفك تحرمني من دراستي ،

حمزة: اهااا ...لعد كيفمن؟!!

نجمة: انت من الاول ما كلت ابطلها
ليش تجي هسه تغير كلامك

حمزة: انتبهي للحجي اليطلع منج لتخليني
اندمج عليه ...مو حمزة الي يكول كلمه ويرجع بيها ،،اني من البداية كلت خل تمتحن

وهياتج امتحنتي ومالج نصيب بيها ،،
وحتى لو ناجحة بكل الحالات انتي هذا حدج
وياي ،تكملين السادس وتكعدين

مرتي ماخذها اليييي ...اني وحدي ،يعني ملكيي،،مو ملك دراستها او عملها
اني لو صرت مو رجال وخليتج تحتاجين شي
بالمستقبل ذاك الوكت كولي ياريت لو ماخذة شهادة ووظيفة

هذا العندي اني ..مرتي محد يلمحها مو عاد دراسة وطبه وطلعة وكلية !!! شبيه اتخبلت حتى اقبل بهيج شي !!

نجمة: محححد كلك راح تقصر بس هالشي مو معناه اني ماريد ابني نفسي لنفسي ولذاتي،
حلو الانسان يكافح حتى يوصل ومثل ما انت كافحت بحياتك ووصلت

اني هم رغم كل الصعوبات الواجهتها بدراستي بس استمريت اكافح وعندي بعد قدرة حتى استمر ...

حمزة: الرجال يكدر يتحمل كلشي بره
يطلع ويطب ويدرس ويشتغل ويشوف اشكال والوان ،،بس المرة ما تتحمل
ولا اني بعقليتي هاي اتحمل مرتي تمر بأي ظرف من الظروف الجاي اشوفهن كبال عيني ..

نجمة: لعد انت بهالعقلية يمكن تريد تحبسني بقفص حياتي كلها ،،اذا عندك المرة ميصير تطب وتطلع ولا احد يلمحها شنو من حياااة هاااي ؟!؟

حمزة: ما كلت راح احبسج اكو شي اسمه عباية ونقاب ،واكو شي اسمه رجال مسؤول عنج ،،تطلعين وتطبين وياه وتتونسين وتسوين كلشي تردي وياااه وبسسس ...

نجمة: شنو قصدك ويااه وبس ؟!!اني اذا اريد اطلع ويا احد ثاني منو عندي غير اهلي !!
يعني قصدك حتى ويا اهلي ما اطلع ؟!

حمزة: كلامي واضح وميحتاج اعيد،
و اني ماحب الحجي الزايد بس هالمرة حجيت حتى اوضحلج كلشي...وهذا اخر كلام عندي