كواكب امي

الجزء الرابع عشر

مساء الورد احبتي 🖤
وهذا بارت لليوم الثاني عالتوالي

بعدني ممعدلته 🙈

#كواكب_امي
للكاتبة روشان

البارت الرابع عشر

انه وكلبي اذا متنه ادفنونه اباغانينه
انه وكلبي محد مستعز بينه...🖤

.
.
شمس:وصلت للزوايه جاي التاف
وصارو كبالي من بعيد واكفين يم باب الحضيرة
قمر وعماد
واكف يسولف وياها وهي تضحك من كل گلبها ،

بقيت صافنه ثواني
لحد ما حسيت كل جسمي رخى
من شفته سحبها من ايدها وهو عاض شفته
ودخلها بالحضيرة وسد الباب ،

من الصدمة اريد اصعد ايدي لعيني وافكرها ،ارد اشوف اني بحلم لو حاي اتخيل لو صدك ؟!!
بس حتى ايدي خانتني ومن الرجفة ما كدرت احركها ،

وجعني گلبي بقوة
واني واكفة وصلت ثريا يمي ،وصاحت

ثريا : شبيج ليش واكفه
امشي خل نروح جوة ،

شمس: حجت ومشت رادت تتعداني
واني لزمت ايدها بقوة ما خليتها تكمل مشيتها ،

ثريا: اييي شبيج

شمس : امشي نرجع للبيت اني بطلت ماريد اروح هناك
نفسي كامت تلعب

ثريا : واني اريد اشوف الحلال

شمس : روحي ولي اني راجعة للبيت
عفتها ومشيت واني روحي تريد تطلع
دكات گلبي احسها مرة تختفت ومرة ترجع تدك بقوة من الرجيف

صاحت ثريا من ورايه
ثريا : ترجعين وحدج ؟!

شمس: حجيت واني امشي ومنطيتها ضهري
اي وحدي ماعليه شي ،،
رجعت صاحت بصوت عالي لان صرت بعيده عليها

ثريا: لعد قمر ويييين ؟!

شمس: صكيت على سنوني بقوة
وحجيت بيني وبين نفسي والدمعة بالكوة مسيطرة عليها لحد الان

بنار جهنننم قمر...

كملت طريقي للبيت بس بعد ما اتحملت
ضعفت كلش ومو اني القويه حتى اتحمل
دموعي كامت تجري بغزارة

دخلت للبيت على كيف
وكعدت عالصبه مال حديقة،ماردت ادخل بهالحالة ،

احس گلبي يصرخ ويگلي هاااا
هو هذا حبج ،هو هذا الي جنتي ترجفين من تشوفي ،
وتطيرين مثل الطير لو شفتي ،

كرهتتتتتك عماااد وكرهت اختي الطلعت نااااقصة وكرهت حتى گلبي الجان يحبك ،

نسيت الوكت ونسيت روحي بهالكعدة
دموعي نشفت
وبقيت بس حگ الصفنات وعيني بالكاع،
شكلي هادئ بس بداخلي فوران مكتوم ،
والله يحبني وما خله احد يطلع من البيت ويشوفني بهالحالة

واني كاعده انفتحت الباب ودخلو
رفعت راسي للباب بثكل
شفت قمر طبت بسرعة قبلهم مثل المهزومة ودخلت جوه للبيت
وبعدين دخلو عماد وثريا
جان يمشي ويضحك ويتشاقه ويا ثريا وعينه على قمر الي فاتت كدامه ،