كواكب امي

توضيح

توضيح/

مساءالخير حبايبي 🖤

حبيت اوضح كم نقطة يمكن هواي ما يعرفوها
بالنسبة للرواية (كواكب امي)
اني من اتوقفت عنها شهر ما عفتكم بدون سبب ولا خليتكم تنتظرون بدون ما اكوللكم انها راح تتوقف

كلكم تتذكرون بوقتها كلت الكم عن مرضي وحالتي الصحية
زين لحد الان تمام
ومن رجعت انزلها كلت بين يوم ويوم بس من يصيرلي ظرف راح ااجل النشر لليوم البعده ،.
هذا هم تمام ومتفقين عليه

والبارت الي انزلة ٣٠٠٠ كلمة وفوك وهاي قدرتي اني الحالية
لان الكتابه هي هواية عند الكاتبة مو اجي اترك مسؤولياتي حتى اكتب ٧٠٠٠ كلمة وفوك واني لو عندي فراغ وطاقة جان بعيوني كتبت اكثر بعد ..

بس من اجي انزل الكم مقتطفات مثل وفاة امها لليلى او غيرها
ممكن يا حبايبي تكولولي اذا اني اعتبرته هذا بارت او لا..؟؟؟
ترى والله الي انزلهن هي مقتطفات لخاطركم واعتبرهن تصبيرة الكم وابداً ما اعتبرهن بارت ،

وبالنسبة للرواية الي يشوفها مجرد ولادة و ممات فكلش احترم وجهه نظركم
وهذا الشي راجع الكم
اني بالنسبه الي روايتي لحد الان ليست سوى ١٥٪؜ وذكرت بيها المعناة والمسؤولية الي مرت بيها ليلى من بيت اهلها لحد زواجها وعيالها
وطبيعة شخصيتها وتحملها

لان اني من وافقت اكتب هالرواية فبسبب صدمة راح تتعرضلها ليلى رغم كل تضحية قدمتها بحياتها كزوجه او اخت وهالشي مراح تفهمو الا من تعرفون كلشي مرت بي ليلى

بالاضافة لحياة كل وحدة من بناتها واصلا ماباقي شي واسرع الاحداث حتى نبدي بقصة بناتها ،،

بس بالمقابل اني ملاكية لا دافع ولا اقبال من المتابعين
واذا بيوم گلت اعتذر ماكو بارت فاكثركم تصيحون ليش انتي شمنزله وليش وليش وهم معتبرته بارت حتى تاخذين استراحة ....الخ
وهواي حجي واشكركم طبعاً لان خليتوني اعرف الخوات الصح الي جانو يستاهلون تعب وسهر وتنزيل بارتات مفاجأة بقصتي القديمة
من الناس المجرد جايه تستمتع على حساب تعب غيرها وما ترضى احد يكول عندي ظرف،

ونتيجة لهالشي واني كبشر فوك مرضي وتعبي ما مستعده احرك دمي واعاني وانقهر ولازم كلساع اكعد اوضح وابرر
فلراحتكم وراحتي
الرواية راح تتوقف الى شعار اخر
احتمال اكتبها كلها او اكتب نصها وانزلها
لان اذا جنت انزل بارت بارت حتى احصل تفاعلكم ودعمكم
فهسه اني مشايفه منكم اي دعم 💔
وطبعاً ما انسى حبايب گلبي وصديقاتي وخواتي بنات كروبي او كلمن جان يتفهمني بالوتباد
اتمنى منهم السموحة ،

واكيد بس اكملها انزلها وتقروها براحة بدون ما اتعبكم بالتنزيل

واشكركم واشكر كل كلمة حلوة طلعت منكم بيوم 🖤
واني باقية وياكم ما مختفيه وحتى احتمال انزل اعلانات القصص الي حافظتها عندي حتى تبقى بالمكتبة عندكم
وارجع واكلكم روايه (كواكب امي ) احداثها بعدها اقل الربع نازلة

وعود من اكتبها براحتي واكملها وانزلها
هذاك الوقت كولو مابيها احداث ،،
وارجع اكول شكراً لكل شخص بيكم ساندني ودعالي بيوم
احبكم كلش
واتمنى التوفيق الكم وللكاتبات المبدعات الي اتابعوهم اكيد مراح تحسون بفرق غيابي لان الروايات هواي والكاتبات المبدعات اكثر ،،

احبكم

#رشان