كواكب امي

البارت الخامس عشر

مساء الورد احبتي 🖤
راح تلكون بنهاية البارت صور لحسابات كاتبات مبتدئات اتمنى تتابعونهم وما تفشلوني
لان طلبو مني ادعمهم وما احب ارد احد واني زودي بيكم حبايبي

وطبعاً مثل ما متعودين عليه
بعدني ممعدلة البارت يعني استقبلو السحكات 🙈
احبكم 🖤

#كواكب_امي
للكاتبة روشان

البارت الخامس عشر

‏عِفته العآفني ما راد مَلگاي،🕊
وگلبي الما گدر علمته يگدَر
.
.
شمس : مشينا بسرعة من يمه
وعيني المليانة دموع مشخصتها على قمر ومليانه حقد ..

صعدنا لغرفة امي فوك وحدنا
اول ما وصلت للغرفة ،طكت دمعتي بعد ما اتحملت
ودموعي كامت تجري ،وجنت كلما ارفع راسي واباوع لقمر
اشوف نظرة القوة بعينها
ساكته وهادئة عكسي تماماً
الي احس عواصف جاي تضرب بداخلي ،

بقينا بالغرفة بدون اي كلام مرت الساعات
ورجعو من المدرسة
جنا نسمع الصوت وهوسة رجعتهم

ورا شويه انفتحت الباب علينا
واجتي نجمة
دخلت وهي تباوعلنا بأستغراب
سدت الباب على كيف مثل الحرامي وحجت

نجمة: هاي شكو شصاير ؟!

قمر: ماكو شي

نجمة: باعي لا تتفيكين براسي ما جاية اسأل عليجن
امي هي الدزتني
وعرفت ابويه حابسكم ترى ،

قمر: اي وشتردين هسه؟!

نجمة: امي كالت شوفيهن شمحتاجات
اكل ، مي وديلهن ،

قمر : بس مي جيبي ،

شمس: باوعتلي نجمة وحجت
نجمة: وانتي تردين شي ،؟

شمس : اشرتلها براسي ب لا
عافتنه وراحت شويه واجت جايبه مي
خلته يمنا وراحت.

جنت مستغربة الهدوء الجنا بي بوقتها
ولا كلمة ولا حرف ولا حتى همسة طلعت من عدنا احنا الاثنين ،

رغم الساعات جانت تمر بس ما حجينا
حسيت هو هذا اكبر عقاب من ابويه
من خلانا سوى وحدنا
وبعزلة عن الكل وبعز هذا الهدوء الي يعم بالطابق الثاني ،

بس رغم هذا كلشي ما حجينا ،انوب غوربت الدنيا
والجو صار يخنك
حسيت بالندم وبقوة
كمت اختنك ومثل الطفل الصغير الي يريد امه
هيج اني رجعت لطفولتي واتمنيت بس المح امي ،

بقيت احوص وروحي طكت
وماعرف شلون اجه الافراج واجت نجمة كالت ابويه يكول خل ينزلن ،

كمنا نركض عبالك صارلنا سنة بسجن ،
ونزلنه بسرعه لغرفة امي ،،
جانن عمتي الصغيرة وبنات عمي بالمطبخ يسوون عشى

وامي استقبلتنا بالبداية مثكله وجها علينا
وبعدين بدت ترزل ومن بعدها نصحتنا بكلامها الحلو ،وذكرتنا بمواقفها هي وخالاتي وخاصه خالة امينة الله يرحمها الي لليوم تحن وتون عليها وحتى اثر شوطتها بعده بوجها ،،