كواكب امي

البارت الثاني والثلاثون

صباح الحب غوالي ،بارت اليوم خاص بشخصية وحدة حتى تعيشون وياها كل التفاصيل الي مرت بيها 🖤

#كواكب_امي
للكاتبة روشان
الجزء الثاني _البارت الثاني والثلاثون

ريا: قبل لا امشي خطوه ثانية طلع اسد من الحمام جان غاسل راسه ووجهه باوع لمنظري ورجع نظرة عالجرجف بسرعة
ابتسم بأستهزاء مخلوطه بحسرة قوية ونطق كلمة اتمنيت الكاع تبلعني بهاللحظة ولا اسمعها

اسد: طلعتي بنية ! بس هالشي ما يشفعلج عندي
وكل العندج يمي شهر شهرين وتولين لاهلج وما اشوف خلقتج بيها
وانعل الساعة السودة الخلتني اشوفج بيوم من الايام

ريا: عيوني ترمش بثكل وجسمي رخى بلحظة وحده واني اسمعه
من شدة الصدمة من الجاي اسمعه ايدي الجنت لافه بيها الجرجف على جسمي بدت ترخى وتوكع وبدا يوكع وياها الجرجف
مكدرت اسيطر على ايدي واحكها واتحكم بيها
وكعت بالكاع استر بروحي واني متقوقعه على نفسي واغطيها بالجرجف الواكع

ورجعت عيني عليه وهو كاعد عالكرسي مال غرفة وداير وجهه عني لغير جهة ،نطقت برجفة واني ماعرف شنو جاي يصير

اسسسد ....ما باوعلي ابد رجعت صحته مرة ثانية بصوت اعلى
اسسسسد باوعلللي
اندار عليه وعيونه تخزرني بنظرات زرعت الخوف بگلبي وهو ينفخ ويتوعد
اسد: اشششش حسج ما اسمعه
ريا: حجاها واندار وكأنما مايعجبه يباوع بوجهي اصلاً
ما اهتميت لعصبيته وكملت كلامي ...شنووو هالحجي الكلته !انت اكيييد بيك شي ،رجع اندار عليه وكف واتجه ناحيتي دنك عليه بسرعه وجرني من زندي
اسد: اني ولج انيييي اني البية!! اي صدك بيييه
بيه ناااار اريد احركج بيييييها واحرك روحي وياااااج بيه حسرة جاي تعصر بگلبي عصصر ،ولج ليييييش ليييش شهور وانا اتحسر على كلمة احبك منج ،وتالي تطلعين مشبعة غييييري بيهااااا ليييش ؟!
ولج اذبحت روحي عليج اول مشفتج بس ولا يوم اتماديت وياج بحجايه ولا يوم جيت ودنست بنت الاصل الشفتها وشفت عفتها گبالي ولا يوم اكدرت اوكف كبالج واكلج انا ارييييدج حالي من حال الشباااب ،كلت مستحيل اوصخ هالجوهرة النظيفة بكلمممة بالحرام
مو رجال ولا ابن ابووووي اذا وكفت كبالج بالحرام وكتلج گلبي رجف عليج ...دورت وياج الحلاااال دورت وياج رضى الله حتى يبارك بحبي الج حتى يوفقني ويااااج
ولج حتى بالحلال خفت عليج من عيني خفت اوصخج بنظرااااتي وتالي طلع غيري يشوووف براحتتتته!!!

ريا : هزيت راسي بلاااا ودمعتي الجانت واكفه بطارف عيوني بدت توكع يغزاره واني اكله لا
والله لاااا،محد شاااايف مني شي واللللله واللله اسد صدكني محد شايف مني شيييييي منين تجيبببب هالحجيييي

كعد كبالي بتعب وعيونه الحمرة تلمع بقهر ،دنك وانفاسه تلهث من الرجيف والعصبية وهو ساكت
جنت متخبله من كل كلمة سمعتها منه ومجاي اعرف اجمعها شنو سويت حتى هيج يحجي شنو سامع ومن منوو!؟؟ راح اتخبببببل