كواكب امي

البارت الثالث

بارت اطول من كل مرةًلعيونكم الحلوة🖤
طبعا لازم تعبرولي السحكات لان كتبت عالسريع 🙈

#كواكب_امي
الجزء الثاني-البارت الثالث

صرت ويه الشجر شجرة
نص جسمي اندفن بالكاع
والباقي امن اديه اغصان
وسموني بوكتها
شجرة النسيان
ويمر الوكت بسكوت
واكعد من منامي
ولني مامكتول !
اثاريني جنت حلمان
.
.

قمر: رحت جبت جهازي وردتلي الرقم
والجهاز بيدي كتبت الرقم وحجزته جان يطلع اسم نجمة كبالي
فكيت حلكي مصدومة !!!شعجب نجمة تدك عليها ؟! معقوله لان وفاء مالها دخل بسوايه سناء وامها ؟! ولو هي نجمة ماعدها علاقه بوفاء شعجب دكت ؟!بقيت اسال بروحي
ووفاء صافنه عليه

وفاء:ها منو طلع ؟!
قمر: هاي...دا اريد احجي واحس احد كفخني وكلي لا ديربالج وغيرت الحجي

هاي هيج محد مطلع يمي اسم

وفاء: هاااا عبالي تعرفي ،
قمر : لا شوف منو ،يجوز يطلع رقم غريب وغلطان ودك وسده من عرف بالغلط

وفاء:لا مو هو ما سده ،، حجت وجانت بنيه
قمر: يا صدك لعد ما عرفتيها ؟!
وفاء : هاا ..لا نسيت اسالها لا تخلين ببالج انتي خل اروح انظف غرفتي

قمر: عافتني وراحت واني گلبي كام يلعب لان وفاء كلساع تحجي شكل وما فهمت منها شنو السالفة ،ومنا كمت افور على نجمة واخاف اخابرها هسه خاف احد يسمعني

انتظرت بين ما كملت شغلي بالمطبخ ،،جنت اركب الغدة ونظفت المطبخ كله ،دا اريد اصعد حتى اخابر نجمة جان تصيحني عمتي

سعاد: قمر كبل لتصعدين صبي اكل لسيف ووكلي اني راسي راح يطك وهو جاي يعيط وهذن حمواتج مادري وينهن يمكن فوك

قمر: اي عمة هسة
حجت وعافتني ومشت لازمه راسها
سيف جان عمره 7 سنين عنده تخلف بعقله خطية ،،وهي عمتي تعتني بي ومرات البنات خواته زينب وبتول بس قليل ما يتعبن روحهن وياه لحد ما اخر فتره كمت اني انقهر عليه يبقى يصيح وهن يأذنه كمت اني اوكله اغسله واداريه بس التبديل على عمتي

هو عمي عنده 3 ولد و3 بنات اكبرهم رجلي همام وراه رغد متزوجه وزينب وبتول بعدهن ويجي مهند واخر شي سيف المريض ..

صبيت اله تمن وفوكاه مركه خبطتهن ورحت لكيته وحده بالغرفة خواته ماكو يمه ورجله مربوطه بقماش ومربوط برجل الجرباية وهو كاعد ويجر بيها بيأس ميعرف يفتحها ،،
گلبي انمرد على وضعه ،،اعرف هاي سوالف خواته الله لا ينطيهن
من شافني كيف كام يضحك ويحك براسه

شوف شجبتلك ،جوعان حبيبي
احاجي وافتح برجله من الحبل المربوط بي ،فتحتها وكمت اوكل بي ،صح متعب هو بس كلش احبه واحب اداريه وما اتعب منه ابد
وهو هم سبحان الله وياي يكون هادئ يمكن يعرف الي يأذي من الي يحبه ،،كملتله اكل واخذته غسلت حلكة وايده لان من اوكله يخلي ايده على حلكة ويوصخهن
كملت تغسيل ‏وجاي أنشف ايده وهو يعاند ويجر بيهن واني اسولف وياه واقنع بي
سمعت صوت همام يسلم على امه شويه وصار يمي شافني جنت اغسل لسيف