شظايا ورماد

البارت الاول

#شظايا_ورماد
البارت 1
انا رفل عمري 22 سنه مرحلة رابعة آداب انكليزي طولي 158 و وزني 62 حنطاوية عيوني شهل كبار وبقية ملامحي عاديه ..عندي اخ " كريم " عمره 25 سنه ومتزوج "امل" جانت زميلته بالكلية حبها وتزوجوا ..وخوات 2 "رنا" عمرها 20 طالبة علوم رياضيات طولها 165 و وزنها 60 و "رهف " عمرها 18 طالبة سادس طولها 160 و وزنها 55 تشبهني بس بيضة و عيونها اصغر من عيوني وجانت مريضة بالربو ..رنا هي احلى وحدة بينه ملامحها جانت جذابه كلش و اكثر وحدة مفضله عد اهلي ..عمامي 2 " رياض " عنده ولد 3 وبنيه كلهم متزوجين ما عدا " وسام" عمره 24 سنه خريج علوم فيرياء ..وعمي الثاني "محمود" عنده ولد 2 وبنات 2 متزوجين كلهم ..وعندي عمات 2 " اسماء" عدها ولد اثنين "ايسر" عمره 29 سنه يشتغل  ضابط  و " سيف " عمره 12 سنه معاق وبنيه " ايلاف" 19 سنه مرحله اولى كليه إدارة وإقتصاد ..وعمتي الثانيه " نسرين" تزوجت قبل كم سنه بغير محافظة وعدها ولد عمره سنين ... اعادة سريعه...
انا ورنا ورهف وكريم اخوان وامل زوجة كريم ....
وسام ابن عمي رياض .....و ايسر وايلاف وسيف اولاد عمتي اسماء.....
رفل : وييين السترة ؟؟.. يا الله وين صارت انا متأكدة خليتها هنا
رهف : دخلت للغرفة لكيتها هوسه ورفل تفتر بيها .. ليش خابصة الغرفة هيج
رفل :بعصبية .. سترتي وينها ؟؟ رهف : السودة !
رفل : اي
رهف : رنا ....بعدني اريد اكمل كلامي ودخلت رنا لابسة السترة
رنا : هلو
رفل : رفعت حاجبي ..هلا بيج ست رنا ..اريد افهم سترتي شتسوي عندج ؟؟
رنا : لابستها ﻷن تنسق وي ملابسي
رفل : بعصبية.. تنسق وي ملابسج !! ..انا غير محضرتها شلون تاخذينها بلا اذن
رنا : اهووو ..انا طلبت اذنج بس ما رديتي ﻷن جنتي نايمه
رفل : لا بلا ...يلا هسه اريدها نزعيها
رنا : لا ما انزعها وانا نازله ﻷن اجه السايق لا تأخرينا
رفل : نزلت وعافتني صحت وراها وهي ولا التفتت..خرررب حظي
رهف : انا مكتفه ايدي وكاعدة اباوعلهن ..عوفيها ولبسي اي شي
رفل : انا مو محضرتها شلون تاخذها ..انا اعلمها
رهف : هي البارحه اجت وشكد ظلت تحجي وترهم ستر اخر شي ثبتت على هاي وانتي نومج ثگيل اذا طاح صاروخ علينا ما تحسين
رفل : وانا دايرة عيوني عليها بملل ..شتقصدين !!
رهف : هههههه والله ما تحسين ﻷن هي كمزت شكد هنا وما حسيتي ..يلا انا رايحه للمدرسة وانتي بسرعه بدلي ﻷن صارله هواي السايق ينتظر
رفل : افففففف ...بدلت بسرعة ونزلت
امل : شبيجن من الصبح الواحد يريد ينام ما يكدر
رفل : لا اله الا الله..امل ما ناقصتج ابد
امل : على كيفج خاتون شحجينا والله يا الله
رفل : ابتسمت الها ابتسامة مصطنعة وطلعت ..روحي طالعه وهاي فوك راسي ..اول ما صعدت بلشت الرزايل
ابو ساهر : عمو ليش تتأخرين مو هاي اختج طلعت من وقت يعني يعجبج نتأخر على الكليه هاي بعدنا اول اسبوع للدوام وهيج لعد نهايه السنه شوكت تخلصين
رفل : اباوع لرنا تبتسم .. استغفر الله. .خليته يحجي ويرزل على راحته ﻷن اذا احجي وياه نتعارك وثاني يوم يبطل مثل كل سايق قبله
سارة "صديقتي و ويانه بالسيارة ﻷن نفس المنطقة" : احم احم ..بدلع ..رفل
رفل : نعم شتردين
سارة : بهمس ..على كيفيج مو تردين طلعين رزاله ابو ساهر بيه هههه
رفل : اففف سارة كولي شتردين
سارة : تمام ..تمام ..هذا الشرح فاهمته ؟؟
رفل : نص ونص
سارة : تمام لعد بالريست تفهميني
رفل : ماشي ..وصلنا للكليتنا نزلنا انا وسارة جاي نمشي وصار گبالنا ضياء " ضياء ويانه بالقسم من مرحلة اولى وكلها تعرف هو حاط عينه علي ولا مرة طلب شي مني مثل رقم او هيج شي كان يبين هالشي بأهتمامه ونظراته بس.. جان منتظر يخلص مرحله رابعة حتى يخطبني حسب الحجي الي ينقلونه البنات انا اسوي نفسي ما مهتمه بس بصراحه جان بداخلي شعور حلو اتجاها "..ما حسيت غير على ضربة سارة على ايدي
سارة : شوفي منو كدامنه
رفل : شفته ..درت وجهي على سارة ..شلون شكلي ؟؟
سارة : حلو حلو ...مو على اساس ما يهمج
رفل : بعصبية.. سارة لا تعصبيني
سارة : هههههه احب اشوفج عصبية
ضياء : مرحبا بنات
سارة ، رفل : اهلا وسهلا
ضياء : رفل شلونج
رفل : الحمد لله زينه
ضياء : ان شاءالله دووم ..بس ردت اطلب دفترج ﻷن البارحه ما كملت المحاضرة
رفل : اهاا..تفضل هذا هو ..ردت انطي الدفتر انطيته الكتاب ..لا اوكف ..هذا هو ..ما اعرف ليش من يجي يمي انثول
ضياء : ههههه .. شكرا
رفل : العفو ..راح وانا بعدني سارحه بكلامه
سارة : تهي بهي ..شنو هالنظرات والابتسامات جان استحيتوا انا موجودة
رفل : هههههه ما حسيت انتي هنا والله
سارة : خرب على كيفج شوي انثولتي ثول من طلب منج الدفتر
رفل : ضربت بأيدي على گصتي ..لا تكولينها بينت مرتبكه هاا؟؟
سارة : ههههه اي والله وهواي
رفل : يبووو
سارة : هههههه عادي عادي باجر من تتزوجون يكلج جنت من اجي يمج تنثولين من جمالي ههههه
رفل : خرررب بس لا صدك يسويها ويكول هيج
سارة : هههههه اتشاقه وياج ..خلي ندخل للمحاضرة تأخرنا ......