شظايا ورماد

البارت التاسع

#شظايا_ورماد

وصلنا للكليه بطلعان الروح يمه كلبي الا شويه جان وكف من الخوف .. شكرا تعبتك
كريم : لا العفو ماكو اي تعب *****
رهف : جنت كاعدة بالصف ادرس واسمع صوت اسرار تصيح
اسراء : رررهف ..رررهف
رهف : استغربت شبيها هاي دخلت للصف وهي كوة تاخذ نفس ..شبيج
اسراء : استاذ وسام وكع بالصف وهو جاي يشرحلنه
رهف : يمه كلبي .. طلعت وياها ركض للصف واشوف البنات مسوياتها هووسه ..ولجن وخرن ..ادفع بيهن حتى ادخل متكومات علي حتى الهوا ما يدخله من وراهن ..وصلتله وهو مجطول بالگاع ولا حركه ..صخاام هذا شبي ..كعدت يمه اضرب على وجهه اهز بي حتى يكعد ماكو ..وسااام ..وساام دخيل الله افتح عيونك
ناظم : وخررن منا شو خانكاته
رهف : عيوني ضلت تصب منظره جان يخوف
ناظم : تعال اياد شيله وياي
رهف : وين تاخذونه للمستشفى؟ ؟
ناظم : اي بابا
رهف : استاذ الله يخليك خلي اروح وياكم
ناظم : انتي بت عمه ؟
رهف : اي ..اهز براسي وابجي
ناظم : يلا تعالي
رهف : صعدوا بالسيارة وره انا بصفه وهم اثنينهم كدام .. خلصت الطريق بس ابجي وهو ولا صحه
ناظم : بنيتي ليش تبجين مابي شي ان شاءالله
رهف : استاذ هاي اول مرة يصير وياه هيج
ناظم : هو من اشتغل شغله ثانيه وهو تعبان كلش
رهف : بأستغراب مسحت دموعي .. شغله ثانيه!!
ناظم : اي صارله تقريبا اسبوعين
رهف : اهاا .. وصلنا للمستشفى والاساتذه ما قصروا وياه ..دخلوا للطوارئ وانا اروح واجي يم الباب
ناظم : بابا كعدي شوي ويطلع الدكتور يطمنا
رهف : هاا ماشي ..كعدت وما ماخذة راحتي فوك النص ساعه ومحد بين.. شنو السالفه ..والله شوي وانفتح الباب وركض استاذ ناظم
ناظم : ها دكتور طمنا
الدكتور : عنده هبوط حاد بالضغط يحتاجله راحه وينتبه على غذائه اكثر
رهف : دكتور هو صحه هسه
الدكتور : اي الحمد لله بس بعده ممتوازن فد نص ساعة واخذو للبيت يحتاجله راحه لا يطلع
ناظم : تمام دكتور .. بس كون ارتاحيتي هسه
رهف : جان يباوعلي ويحجي ..اي الحمد لله.. وره نص ساعه طلعوا شكله كلش تعبان
ناظم : الحمد لله على سلامتك
وسام : الله يسلمك
رهف : جان بعده مشايفني ..جاي يحجي ورفع راسه اول مشافني عقد حواجبه
وسام : شتسوين هنا
ناظم : اي غير ماتت من وراك خطيه خلصتها بجي
رهف : يبووو غير يسكت .. ضليت ابلعم ما عرفت شسوي .. جان يباوعلي بعدين بعد عيونه عني
وسام : تعبانكم ويانه
ناظم : شنو القصه هذا واجبنه ..يلا تعال نوصلك للبيت
وسام : لا يا بيت اوراقي وغراضي كلها هناك
حتى موبايلي وسيارتي اخذهن واطلع للبيت
ناظم : براحتك
رهف : طلعنا كلنا بسيارة استاذ ناظم والكل جان ساكت ..لحدما وصلنا نزلت
اروح لصفي صاح عليه
وسام : ررهف ..انتظري
رهف : التفتت علي ..نعم استاذ
وسام : جيبي جنطتج وانتظريني نروح سوه
رهف : لا ماكو داعي انا اروح لوحدي
وسام : بعصبية.. اروح وارجع الكاج هنا بلا نقاش
رهف : راح وعافني ..هذا شنو يأمرني مثلا اشوف منو يصعد وياك بسيطه .. رجعت للصف لكيت الاستاذة تشرح ..اهوو شلون ادخل هسه اترزل.. رغم احنه ما عدنا شي دنراجع ﻷن هذا اخر اسبوع قبل عطله المراجعه ..ضليت واكفه على جهه انتظرها تخلص وادخل ..شوي والمح وسام جاي بأتجاهي
وسام : بعصبية.. انا مو كتلج الكاج هناك
رهف : وانا كتلك ما اجي ..سحبني من عكسي بقوة
وسام : شو بلا اريد اشوف شلون ما تجين
رهف : وسام عوووفني كتبي ظلت بالصف
وسام : لا اله الا الله.. انتظري هنا
رهف : راح حاجه الاستاذه ..شوي ورجع جاب جنطتي
وسام : يلا امشي
رهف : مشيت وراه وانا مطنكرة ..فتح السيارة ودخلت
وسام : شبيج كالبه خلقتج
رهف : رفعت حاجبي ..خلقتي!!.. انت شكو تشتغل شغله ثانيه مو عندك شغل
وسام : لازم حتى اكمل تجهيز للزواج
رهف : جان يحجي ببرود و يباوع كدام ..اهاا حتى تجهز للزواج ماكو داعي هالاستعجال لاحك ترى هي الك مراح تروح لغيرك جهز على كيفك وبعدين موجود عمو رياض يساعدك اخوانك هماتين ليش تتعب نفسك و تروح صحتك علمود هالشي وانت عندك الف طريقه وطريقة .. جنت احجي بعصبية ونتر
وسام : وانتي شبيج عصبيه هيج
رهف : جان يحجي ببرود يكتل .. انا مو عصبيه بس جاي انصحك لمصلحتك
وسام : مصلحتي ؟! .. ليش جنتي تبجين علي
رهف : بلعت ريگ.. ترى اي احد يطيح راح ابجي علي هالمنظر يخوف
وسام : اي احد ؟! رهف : بعصبية .. انت شبيك هيج بارد وتردد شنو اكول
وسام : انا آسف ادري اذيتج هواي
رهف : من حجه هيج تنرفزت ..بعصبية.. بشنو اذيتني هاا بشنو ..انااا محد اذاني انا الي اذيت نفسي انا الي كعدت اتخيل شغلات مصايرة انا الي جنت اوهم نفسي بشي مموجود محد اذاني اناا سويت كل هذا بنفسي وبعد لتعيد هالحجي واذا ما تحجي بعد احسن
وسام : رهف انا ...
رهف : وسام الله يخليك لا تحجي شي ..سكت وانا هم ضليت ساكته لحدما وصلنا ****
ايسر : يومين وانا يم المصلح حتى يصلح التلفون الكيته.. بعد ما اشتغل رجعت للبيت جانت امي بالمطبخ وايلاف بالكليه ..مدري ليش ردت اشوفها ما جاي تطلع من
تفكيري ..رحت لغرفة ايلاف فتحتها بهدوء اخاف تطلع كاعده واتورط ..لكيتها نايمه تقربت منها ..بس اشوفها شوي واطلع ..جنت اقنع نفسي بهالحجي .. اباوع عليها لابسه نص ردن وايديها طالعه كلها زراكات حتى لون بشرتها ممبين يم اذنها هم اكو ضربه وخدها مورم همين ..گلبي اذاني عليها ..طلعت من الغرفة بسرعه ما تحملت شوفتها هيج ***
رفل : بقيت اسبوعين على هالحال وايلاف مبتليه بيه حالتي تحسنت الحمد لله بس ابد مطالعه من الغرفه مرات عمتي تدخل تسمعني كم كلمه وتطلع ..لحد اخر يوم جنت امشط بشعري وانفتح الباب حسبالي ايلاف .. ترى مشطت ما انتظرتج
ايسر : احم هذا انا
رفل : من سمعت صوته ..لا اراديا كمزت من مكاني كله صرت بالزاويه ..شتسوي هنا ؟
ايسر : اباوعلها الخوف ماكلها اكل.. اجيت اكلج اليوم لمي غراضج كلها من الغرفة ﻷن باجر راح اوديج ﻷهلج ..بس لا حسبالج اطلگج لا تبقين على ذمتي وبعد ما اريد اشوفج كلش هيج تبقين معلگه للموت
رفل : جسمي كله يرجف من اشوفه ميخالف لا يطلگني بس المهم اطلع منا ..جنت بس اباوعله اخاف يسويلي شي
ايسر :  هاا ترى كريم ما اريده يدري  بالصار خطيه بعدها سالفه رنا محد ناسيها مو ذنبه صار اخوجن.. مفهوم
رفل : هزيت راسي بأي
ايسر : انا طالع اذا تردين لميهن هسه
رفل : طلع من الغرفه وانا كلبي لازمته بأيدي ..راح اخلص ما بقى شي
ايلاف : شكو شراد منج ايسر
رفل : كال لمي غراضج حتى يوديني ﻷهلي .. تعالي ساعديني نلمهن
ايلاف : يعني مراح تبقين هنا
رفل : ابقى المن ؟
ايلاف : تمام خلاص خلي اساعدج
رفل : رحنه لمينا كل شغلاتي من الغرفة .. اباوع بأرجاء الغرفة واتذكر كلشي صار  الايام الاخيرة جانت مرة بيها .. يلا ايلاف كملت
ايلاف : ماشي
رفل : بقيت بغرفة ايلاف اريد انام ما اكدر افكر شنو راح يصير باجر ..صار الصبح حضرت نفسي وكعدت انتظر ..كعدت ايلاف تفرك بعيونها
ايلاف : هاي من شوكت محضرة نفسج
رفل : ستوني .. اجت بأتجاهي وحضنتني
ايلاف : راح اشتاقلج
رفل : وانا هم شكرا على كلشي ..بهالاثناء اندكت الباب كامت ايلاف تفتحه
ايسر : ها كاعده لو لا
ايلاف : كاعدة ومحضرة نفسها
ايسر : لعد صيحيلها نمشي
ايلاف : رفل يلا
رفل : ماشي.. شلت جنطتي بوست ايلاف ومشيت وراه ...
اسماء : واخيرا والله هذا من كثر صلاتي الله حقق الي ببالي
رفل : صلاتها ..بحياتي ما شفتها تصلي وتكول صلاتي ..جنت احجي بهمس التفتت علي ايسر
ايسر : حجيتي شي
رفل : بأرتباك.. لا ..صعدنا بالسيارة رغم الي بينا بس كم بيت
نزلنا يم بيتنا بدون اي كلمه ..دك الباب وانا كلبي يدك الف بالدقيقة ..فتح كريم الباب
كريم : بأستغراب.. هلا ايسر ..خير صاير شي
رفل : جان يحجي ويباوعلي
ايسر : لا بس طالع سفرة هالايام كلت اخلي رفل عدكم هالفترة لحدما ارجع
كريم : اهاا تفضلوا ..عذروني بس استغربت جيتكم من الصبح
ايسر : هههه اعذرني هم عندي شغل من الصبح فكلت اجيبها هسه احسن
كريم : ما صار شي
ايسر : انا اترخص عندي شغل
كريم : الله وياك
رفل : اول ما دخلت شافتني امل فكت عيونها
امل : بس لا مسويه مصيبة وجايتنه من الصبح
رفل : رجعنا لهالشكول ..يلا ارحم من ايسر وامه ..اشتاقيتلج واجيت اشوفج
امل : مبين كلش مشتاقتلي
رفل : عفتها وصعدت فوك لكيت رهف تدرس ..هلووو
رهف : بصدمه.. رررفل
رفل : بشحمها ولحمها ..هجمت علي حضنتني قوي
رهف : ما جاي اصدك
رفل : لا صدكي ..يلا حضريلي ريوك بسرعه قبل لا ترحين للمدرسه
رهف : يا مدرسه معطله صارلي اسبوع
رفل : اهاا ..يلا امشي نتريك لعد ..نزلنا وامل وكريم جانوا كاعدين كعدنا نتريك وياهم
كريم : رفل اكيد مصاير شي بينكم
رفل : حاولت اهدي نفسي شكد ما اكدر ..لا مصاير شي
كريم : تمام ..انا رايح للشغل تردن شي
امل : لا سلامتك
رفل : وره الريوك كعدنا انا ورهف نسولف ونصنف مثل قبل حاولت انسى الي صار مدام ما كال لكريم ولا احد يدري هاي هيه حتى لو هو واهله شايفيني مو خوش وحدة مو مشكله المهم انا اعرف نفسي شنو .. رحت ابدل بالغرفة بعدني البس بالبدي ودخلت رهف
رهف : بأستغراب.. شنوو هاااي
رفل : اشششش سدي حلكج لا احد يسمع ..حسبتها وقفلت الباب
رهف : ولج شنو هاي منو مسوي بيج هيج ايسر مو
رفل : بتنهيدة.. اي
رهف : ايا حيوان شنو هذا من بشر ..ليش هيج يسوي بيج والله انا منج اكول لكريم يوكفه عد حده
رفل : بعصبية.. ديربالج تكولين ﻷحد
رهف : اي ليش فهميني
رفل : كعدي خلي افهمج .. حجيتلها كلشي من البدايه لحدما وصلنا هنا
رهف : فتحت عيوني على وسعهن.. ولج شنو عايشين بغابه منين هالتلفون منو هالولد وشلون وصل لملابسج
رفل : انا لو اعرف ما اجي اكلج .. بس انا شاكه بأثنين
رهف : منو ؟
رفل : يا عمتي يا نورة
رهف : وهاي نورة منو بعد
رفل : بت عمه ايلاف وتحب ايسر
رهف : وليش ما حجيتي
رفل : رهف الادله كلها ضدي اكلج حتى رمز التلفون مواليدي ولج ردت اتخبل الا شوية منو راح يصدك اذا ما عندي دليل
رهف : وهسه شتسوين
رفل : اكعد هنا واشوف شنو راح
يسوي
رهف : شنو هالمصيبه ومنين اجتنه
رفل : الله ينتقم من الي كان السبب بس الله يدري شنو عشت وشنو من الم تحملت
رهف : حبيبتي الله يساعدج يا كلبي انتي
رفل : تدرين ما كتلج
رهف : شنو بعد ما كلتي
رفل : طلع مو هو الكاتل رنا
رهف : بأستغراب.. هااا لعد منو جدي
رفل : لا هي اخذت سلاحه وكتلت نفسها
رهف : حطيت ايدي على حلكي ..يااا
رفل : اشش راح ننفضح بسببج خلي ننزل هسه لا تشك امل بشي وبعدين احجيلج كلشي
رهف : ماشي ماشي ...
رفل : مرت اسبوعين وهو ممبين وما اعرف بشنو يفكر وشنو ناوي يسوي ..كريم ما حجه ابد بس امل كل شوي تشمر بسمار وتكول ليش تأخر جنت اطلع حجج واكللها هو كال يطول فد شهر او اكثر ..بس كلما الوقت يزيد اعصابي تتدمر لا هو ناهي السالفه ولا هو لاگي حل .. لحدما فد يوم اجت عمتي نسرين هي محافظات لذلك منشوفها هواي
رهف : اجت عمه نسرين
رفل : بفرح ..كوولي والله
رهف : والله يلا نزلي بسرعه تريد تسلم عليج
رفل : نزلت ركض الها اول ما شفتها حضنتها
نسرين : ولج رفوله شصاير بيج ضعفانه كلش
رفل : رجيم احسن هههه
نسرين : يا رجيم هذا كله من الزواج
رفل : هههههه يجوز .. شنو هنا اليوم
نسرين : اي من البارحه اجيت علمود طهور رياض الصغير " حفيد عمي رياض "
رفل : اهاا
نسرين : اي احجيلي شلونج شلونه الزواج
رفل : بتنهيدة.. على الله
نسرين : بأستغراب.. خير بيكم شي اشو زوجج يكولون مسافر وانتي شكلج مو على بعضج ابد ..احجي ترى انا عمتج
رفل : باوعت من جهة المطبخ ﻷن امل هناك ..شوية خلافات
نسرين : بتنهيدة.. الله يريح بالكم والله ترى ايسر خوش ولد بس الدنيا جارت علي وخلته هيج يمشي بطريق اعوج ..خطيه جان ما يطلع بالشارع من هو صغير ﻷن الجهال كلما يشوفونه يصيحون وراه امك تزوجت ابو المحل وعافتك ويتعارك وياهم وعلى هالرنه
رفل : بأستغراب.. يعني عمتي زوجها الثاني جان صاحب محل
نسرين : اي مقابيلنا هي تروح وترجع علي وصار بينهم حجي وسوالف وبعدين خطبها
رفل : بصدمه ..اهااا..هسه عرفت هذا ليش هجم علي هذاك اليوم وليش يكره امه هلكد .. عمه لا تشغلين بالج بينه ما يصير غير الكاتبه الله..المهم اليوم غداج عدنه
نسرين : لا وين عمج محمود عزمني قبلج على غير مرة ان شاءالله
رفل : هههه تمام ****
رهف : بيت عمو رياض مسوين عزيمه علمود طهور رياض الصغير وعازمين العائله كلها .. والله ما مشتهيه اروح
رفل : ما يصير انا وانتي ما نروح يضلون يحجون ..روحي شوي ورجعي
رهف : بتنهيدة.. تمام
بدلت ونزلت ﻷمل وكريم ..يلا خلصت
كريم : ورفل ما تروح
رهف : لا تعرف العكرة ايسر اكيد ما يقبل
كريم : عيب هيج تحجين علي .. يلا امشن
رهف : اووك.. وصلنالهم ولكينه امه محمد كلها مجتمعه هناك بس اكثر شي ضوجني وجود خطيبه وسام هماتين من شفتها كاعدة يمه كلبي انعصر .. سلمنا على الموجودين سوالف وضحك وهوسه والكل ملتهي الا انا عيوني مفارقتها بت الكلب تخبل شنو من حسن شايله .. وانا عيوني عليها انتبهت لوسام يباوعلي بأستغراب. .يبوووي شكد فشله هسه شيكول بلا .. رحت للمطبخ اساعد البنات قبل لا يصبون الغدا اشغل نفسي شوي ...
ايلاف : جاي اطلع من المطبخ وانضربت بكريم
كريم : هووب على كيفج
ايلاف : اعتذر والله ما انتبهت
كريم : عادي و لا يهمج ..شلونج شخبارج
ايلاف : الحمد لله تمام ..
امل : عاقدة حواجبها .. كريم خير اكو شي
ايلاف : جانت تحجي وتخزر بيه
كريم : لا ماكو شي سلامتج
ايلاف : يلا انا اترخص
امل : شنو جنت تحجي وياها
كريم : بس سلمت عليها شبيج . .. رهف : كملنا تحضيرات وصبينا الغده كعدنا كلنا ناكل ونسولف كلها ملتمه وهوسه الجهال بس والله احلى لمه ناقصنا بس رفل وتكمل
ام وسام : رهف جيبي الملح من المطبخ
رهف : حاضر .. كمت اجيب وصلت لباب المطبخ جان اسمع اصواتهم ..
ليلى : وسام انت ما جاي تفهمني انا هيج هوسه ممتعودة عليها
وسام : ليلى تعودي شبيدي عليج واصلا بالسنه حسنه ننجمع هيج
ليلى : عفيه خلي نروح لمطعم شي ترى ميته جوع
وسام : هذا الاكل كله ونروح لمطعم
ليلى : اول شي اللحم ما آكله وانت تدري وثاني شي الاكل دسم
وسام : اكو دجاج واكلي
ليلى : شبيك ليش هيج انت كلما احجي تردني ..شنو طلبت انا بعدين وسام بس لا ناوي تعيشني وي اهلك
وسام : طبعا لعد شنو تردين
ليلى : لا انا ما اتحمل هيج هوسه وخبصه
وسام : يا هوسه انا كتلج بالسنه حسنه نلتم ..والبيت بي بس امي وابوي بعد يا هوسه لو انتي تدورين حجج حتى نتعارك مو صارلنا يومين من تصالحنا ما الي خلك مشاكل ابد
ليلى : انا ادور حجج ؟
وسام : لا انا مو انتي ارتاحي
رهف : جنت جاي اتسمع وطلع وسام من المطبخ شافني ..يبوو من الفشله ما ادري وين انطي وجهي وشسويت زودتها اكثر سألته .. الملح موجود بالمطبخ ؟؟..باوعلي.. فرك وجهه بأيده وطلع بره ..هسه بلا هذا سؤال من امداج ..دخلت للمطبخ لكيتها كاعدة بس معصبه اخذت الملح وطلعت
ام وسام: تأخرتي
رهف :اي ما اندليته وين ..خليته يمها وكعدت آكل وافكر بالسمعته ..خلصنا وكعدنا نشرب جاي ..اباوع على عمه اسماء وامل يتبسبسن
اسماء : امل شلونها رفل ان شاءالله احسن
امل : بأستغراب.. ليش هي شبيها ؟
اسماء : يااا ما كالت الكم
امل : شنو ؟
اسماء : بهمس ..غير لكفها ايسر تحجي وي واحد وكل يوم جايبته للبيت وضربها ضرب لا صار ولا استوه
امل : فتحت عيونها على وسعهن بتفاجئ.. هااي شتحجين عمه صدك هالحجي
اسماء : اي والله قابل اجذب عليج
امل : حاطه ايدها على حلگها ..والله كلت كعدتها عدنا مو خاليه .. لعد ايسر ليش ما حجه
اسماء : ما يريد تصير فضايح
امل : يا يمه الله يسترنا ***
رهف : طلعنا من بيت عمي العصر ..بس امل مو طبيعيه خلصتها صفنات بصفنات اول ما وصلنا ..صاحت على كريم
امل : كريم اريدك شوي
كريم : خير شتردين
امل : موضوع مهم
كريم : ماشي شوي وجاي وراج
رفل : هاا اجيتوا
رهف : لا بعدنا
رفل : اهوو يا ثقلج ..اي شلونها العزيمه
رهف : حلوة ناقصتج
رفل : بتنهيدة.. عادي بعد انا محيت كل المناسبات من قاموسي
رهف : هذا الحال التتزوج
رفل : لا مو كلها بس التتزوج واحد عقده
رهف : عوفينا من العقدة والزواج ..تغديتي ؟
رفل : اي اكلت .. جاي نحجي وطلع كريم من الغرفة بأيده سلاح وجهه احمر من الغضب والنار تتطاير منه ..صاح بعصبية
كريم : ررررفل !!
رفل : هو كال اسمي وانا ضليت ارعش ..هجم عليه ولزمني بقوة  من شعري ..كررريم شبيك عوووفني
رهف : كررريم شكووو شصايرر
كريم : انا من اكتلجن يلا اخلص منجن ..ووولج شمسوي كوولي شمسويه
رفل : ضليت ابلعم منو كله اكيد امل بس شلون عرفت .. كريم بس اهده شوي وفهمني شكو ..انا احجي وهو لازم شعري قووي بأيد و السلاح بالايد الثانيه وكل شوي رافعه بوجهي ومنزله  كريم : بعصبيه.. شووفي تعترفين بالسويتي احسن الج
رفل : بشنو اعترف مجاي افهم. . حاولت شكد ما اكدر ابين انا ما فاهمه على شنو يحجي
كريم : ليش ايسر عايفج هنا كولي
رفل : بأرتباك. . عنده شغل
كريم : بعياط.. لاااا تجذذذبين كووولي صددك لاكفج وي واحد
رفل : لا والله
امل : بس عمتج هي الكالت هالحجي
رفل : عمتي جذااابه وانتي هم جذاابه
كريم : ولج احجي الصدك لا اموتج انتي واختج هنا واخلص منجن
رفل : جاي اكلكم جذابه ليش ما تصدكوون
امل : نزعي ملابسج حتى نشوف اذا ماكو اثار ضرب معناه حجيج صحيح واذا اكو معناها حجي عمتج صح
رفل : شكد حقيرة .. انتي شدتحجين ؟؟! رهف : جنطتي جانت يمي اخذت التلفون ودخلت للمطبخ وانا ارجف دكيت على ايسر ..الو
ايسر : منو؟
رهف : انا رهف ايسر بسرعه تعال الحك على رفل !!!..يتبع
#ارجوان