شظايا ورماد

البارت الثاني

#شظايا_ورماد

رفل : اباوعلها تبجي ولازمه ملابسها الي نصها مشگگة ..خليت ايدي على حلگي..لا يا ربي هاي معتدين عليها..ركض بأتجاها كريم وضربها ضربة وگعتها بالگاع
كريم : لزمها من ايدها .. يا حقيرة وين جنتي احجي منو سوه هيج بيج ..احججي
رفل : جانت بس تبجي ما حجت شي ..بابا وعمامي مصدومين من المنظر وماما تصرخ ورهف تبجي انا بقيت جامدة بمكاني بس دموعي تصب
كريم : بعصبيه.. ولج احجي ويا منو جنتي ؟؟
رفل : هو حجه هيج ..وبابا اغمى علي وراه امي طاحت ..واحد وره الثاني كأنوا كانوا واحد يستمد القوة من اللاخ
رهف : شفتهم هيج وانا حيل ما ظل بيه.. باباااا..ماماااا
رفل : الكل ظل يركض عليهم ..الا انا بقيت ارجف وابجي بمكاني جنت ادعي يا رب يطلع كل هذا حلم
رهف : اختنگت ضليت اريد اجر نفس ما اكدر
وسام : رررهف ...خررب هاي اختنگت ..رفل وين البخاخ مالتها
رفل : هو يسأل ويصيح وانا بس صافنه ما اريد اصدك هاي حقيقة عقلي ما جاي يستوعب
وسام : اااامل انتي جيبي البخاخ
رفل : عمامي رياض ومحمود اخذوا بابا وماما للمستشفى كريم اخذ رنا بغرفة وقفل عليها الباب وراح وراهم  امل جابت البخاخ و وسام يحاول يساعد رهف حتى تتنفس ..اما انا كأني بعالم ثاني
ايسر : رفل ..رررفل انتي زينه ..ياا ربي رفللل جاااوبي
رفل : ما حسيت غير على راجدي على خدي ..هنا طگيت بالبجي مخليه ايديه على اذاناتي واصرخ ...لاااا هذااا حللم مو حقيقة حلللم
ايسر : تصرخ وما تريد تصدك الي صار.. لزمت ايديها اريد اسحبهن اريدها تسمع ..ضلت تدفع بيه وتصرخ
رفل : بعصبية..وخرررر..وخرررر منا
ايسر : انا و وسام واحد ظل يباوع للثاني ..ما نعرف شنسوي
وسام : رفل حالاتها حالة صارت مثل الفاقدة ..رهف انتي زينه ؟.. شفتها هزت براسها ...امل اخذيها خليها ترتاح وهسه اصيح ﻷمي تكعد وياهن
امل : ابتليت بيهن انا
وسام : استغفر الله.. شالتها وانا رحت لايسر كاعد بالكاع يم رفل وهي سادة اذاناتها وتبجي ..ايسر  عووفها ما راح تكدر تسوي شي الها شوي وتهدأ
ايسر : خاف تسوي شي بنفسها
وسام : ظل يمها علما اصيح ﻷمي
ايسر : ماشي .. ربع ساعة ودخلت علينا مرت خالي
ام وسام : شلونك خالة
ايسر : على الله
ام وسام : بتنهيده. .وين جانت النه هاي
ايسر : خالة كوميها بلكت تكوم وياج صارلي ساعه احاول وماكو
ام وسام : وخر شوي ..عمه حبيبتي رفل كومي ارتاحي فدوة اروحلج
رفل : بعدني على وضعيتي ..سمعتها و هزيت راسي ب لا
ام وسام : يمه لخاطر امج وابوج لخاطر اختج صيري انتي السباعيه
رفل : بس سمعتها تحجي على امي وابوي ضليت ابجي بقوة ما ادري شنو صار بيهم هسه ..امي وابوي وينهم محد رد خبر
ام وسام : ارتاحي هسه وان شاء الله كل الاخبار الزينه تجي
رفل : هي تحجي وانا اعرف مراح يجي اي خبر زين بعد هالحادثة كلبي حاس انو حياتنا اتنهت ماكو شي يتصلح بعد ..كمت وياها خلتني بغرفة امي ..تمددت على الجرباية ودموعي مثل الشلال تجري اريدها تسكت تبطل ماكو ..اغمض بعيوني وافتحها ..بلكت يطلع حلم واصحى منه ..غفيت ما حسيت الا على صوت كريم يصيح بأعلى صوته
ايسر : ما رحت ضليت كاعد بالصالة خاف يصير شي مرت ساعة واجة كريم هو وخالي محمود وشكلهم ما يتفسر
كريم :بعصبيه.. وينها هاي السا.... الا اربيها اليوم
ايسر : خير كريم شصاير ..ما جاوبني ركض راح للغرفة الي بيها رنا فتح الباب ودفره
كريم : لزمتها من شعرها وضربتها بالگاع ...ولج احجي شنو صار ..بعصبية..احجججي ..لزمتها مرة ثانيه
رفل : طلعت من الغرفة على صوت كريم ..جان يضرب برنا عمي واكف يمه وامل يم باب الغرفة و ايسر واكف على جهة وداير ظهرة
كريم : بعصبية ولازمها من شعرها..ولج احجججي
رنا : وهي تبجي وتصرخ...عووفني فددوة الله يخليك عووفني والله مو ذنبي والله
كريم : الله لا يخليج ولج ابوووي مات بسببج وترديني اعوفج
رفل : بشهگة.. ابوي مات.. حطيت ايدي على حلگي ما مصدكة
رنا : بعياط..لا لا فددوة كول جذب ابوي ما مات
كريم : بعصبيه. .مااات والسبب انتي
رفل : كعدت بالگاع ابجي ..مستحيل يعوفنا ويروح مستحيل
كريم : احجي منو سوه بيج هيج ..ترى اذا سكتي يعني برضاتج مسويتها فاهمه
رنا : وهي تبجي.. لااا والله غصبا عني والله
كريم : بعصبيه.. اييي احجييي منووو
رفل : ضلت بس تبجي ما حجت كلمه
محمود : هاي مراح تحجي ..كريم خلي تخلص الفاتحه ونتفرغلها اخذها بغرفة فوك واقفل عليها الباب
ايسر : بأستغراب.. يعني خالي صدك مات
محمود : اي بجلطه ما لحگوا علي
ايسر : لا اله الا الله.. توقعت تجذبون حتى تعترف
محمود : يا ريت
رفل : كريم يريد ياخذ رنا فوك ..وانا لزمتها من ايدها ..ولج شمنتظرة احجي عد منو جنتي وليش جذبتي علينا ..دنكت راسها وضلت تبجي..هزيتها بعصبية.. احجججي ليييش ما تحجيين..ما حسيت غير كريم دفعني بقوة طحت بالگاع
كريم :وانتي وخررري منا حسابج بعدين والله الا احاسبجن وحدة وحدة
رفل : بعصبية.. وانااا شكووو ليييش تحملوني ذنب انا  ما مسويته
كريم : سكوتج السبب هاي اذا ما جنتي تعرفين ويامن راحت
رفل : بعصبية.. منين اعرررف انا هي اصلا ما تحجي وياي ..التفتت عليها.. كليلهم انا ما الي علاقة
كريم : بعياط.. اسكتي كافي خلي تخلص الفاتحه وانا اعرف شلون اطلع الحجي كله
رفل : صعدها فوك وانا كعدت بالگاع ابجي على حظي
ايسر : شفتها شلون تبجي اجيت يمها ..رفل كافي بجي
رفل : بعصبية دفعته.. وخررر مناا وخرررر ما اريد احد يمي وخررروا
محمود : عوفهن ايسر هذن ما وراهن بس المصايب راح ينزلن راسنا بالگاع هذا ابوهن مات وامهن انشلت بسببهن
رفل : بصدمة ..انشلت!!.. امي انشلت!! ..لا فددوة عمو كول غيرها
محمود : اي انشلت من وراجن
رفل : بصوت عالي.. ياااااااااالله ..يا الله يا الله يااااااااااااا ربي ..اصرخ واضرب ايدي بالگاع فقدت ما عرفت شسوي
ام وسام : عمه كوومي فدوة والله قبل شوي خابرني عمج وكال شلل نصفي وتتحسن بالعلاج كوومي لا تسوين هيج بروحج
رفل : وانا ابجي ..لا عمه ماكو شي يتحسن بابا راح وامي راح تروح حياتنا انتهت عمه ماكو شي يتحسن ..ضليت اصرخ ..كله منهااا ..كله منهااا ..الله ياخذج يا رنا الله ياخذج ونرتاح الله ياخذج
ام وسام : عمه ما يصير هيج تدعين على اختج
رفل : لزمت راسي وضليت ابجي بحرگة
ايسر : اباوع عليها شلون تبجي وتشهگ ..عفتهم وطلعت بره اشرب جگاير
رفل : دخلت وي مرت عمي للغرفة وانا بس ابجي ..عمه رهف وينها ما شفتها
ام وسام : استوني دخلت عليها لكيتها نايمه
رفل : وانا ابجي ..بعدها ما تدري بابا مات
ام وسام : لا ما تدري
رفل : طلعت مرت عمي وبقيت لوحدي بالغرفة اصفن ..اتذكر شلون جنه نتعارك على اشياء تافهه شاحنه التلفون او سماعات او سترة تنورة ..تمنيت بهاللحظه ترجع حياتنا القديمه وعركاتنه وبابا وهو يفصل بينا وامي تكعد تعد علينا..غمضت عيوني اريد انام ما اكدر ..صار الفجر واسمع هوسه
ام وسام : كومي بنيتي لبسي هاي الدشداشه اجو جايبين التابوت
رفل : جانت دشداشة سودة ..لزمتها وكعدت ابجي.. بعدني ما مصدكة الي صار
ام وسام : كافي يا عيني راح تموتين روحج من البجي يلا عفيه لازم تصيرين قوية واي احد يسأل على امج كليلهم ما تحملت الخبر وهي بالمستشفى و رنا وياها
رفل : هزيت راسي بأي..بدلت وطلعت والناس ملتمه على التابوت وتبجي عمامي و اولادهم ونسوانهم انا انتجيت على الحايط وضليت  اباوع على التابوت وابجي ....
رهف : كعدت اسمع صوت صريخ ..باوعت للساعة ب4 الفجر ..نزلت جوه شفت تابوت بنص الصالة #شظايا_ورماد
والناس ملتمة وهوسه كريم حاط راسه بين رجليه ويبجي و رفل هم تبجي ولابسه اسود ..بخوف ..شكو شصاير
رفل : انتبهت على رهف تنزل ومتفاجئة من منظر التابوت..ركضت بأتجاها. .رهف صعدي فوك
رهف : بعصبية..شنو جاي يصير هنا منو مااات
رفل : نزلت راسي ما كدرت احجي شي.. صعدي هسه وبعدين نحجي.. كمز عمو محمود
محمود : ابوج مات
رهف : الخبر مثل الصاعقة نزل على راسي ..لا لا مستحيل انت تجذب بابا ما يموت ويعووفني ..التفت على رفل ..يجذب مو ..انتي احجي
رفل : اباوعلها دموعها تنزل وتسألني ..لا ما يجذب
رهف : بصريخ ..بااابااااا..باااباااا.. رحت ركض وشمرت نفسي على التابوت ..بابا فدوة كوم لا تعوفني كووم لا تخليني لوحدي بابا منو الي بعدك بعدني صغيرة ما شبعت منك..بابا انا بنتك الشطورة كلت اريدج تصيرين مهندسة وارفع راسي بيج ..كووم حتى ارفع راسك كووم فدددوة منو بعد يستقبلني كل يوم منو يروح لأجتماع الاباء بعد ..منو يلعب وياي طوبة والله اخليك تفوز بعد ما اخسرك بس كوووم ..لييش يا ربي لييش ..جنت ابجي واضرب بأيدي على التابوت
ام وسام : كومي يا بنتي ما يصير هيج تحجين هذا قدره
رفل : اسحبها من التابوت وماكو ..رهف  كوومي كافي
رهف : عووفيني فددوة بعدني ما شابعه منه
رفل : كعدت ابجي يمها ﻷن ما اعرف شسوي انا ما اكدر اواسي نفسي شلون اواسيها..اجه كريم لزمها من ايدها وخزرها
كريم : كافي نريد نشيل التابوت
رفل : سحبتها بأتجاهي هذا كريم ما ناوي على خير ..شالوا التابوت ..من شالوا حسيت روحي جاي تطلع وياه لحد هسه ما مصدكه شلون صار هذا كله
رهف : على كيفكم وياه لا تأذونه
ام وسام : كافي  والله كطعتي كلبي
رفل : رهف كومي وياي
رهف : وانا ابجي .. رااح بابا رفل راح شلون يعوفنه هيج ويروح
رفل : حضنتها بقوة وضليت ابجي وياها ..شوي ودخلتها للغرفة وجبت البخاخ مالتها ﻷن ظلت كوة تجر نفس ..صارت ب6 تقريبا والناس ظلت تجي تعزي انترس البيت ..رهف انتي لا تطلعين ابقي هنا انا راح اروح اكعد يمهم ماشي
رهف : هزيت راسي بأي.. رفل امي وين ؟؟
رفل : ما كدرت اكلها انشلت حتي لا تتأذه زيادة ..امي ضغطها ارتفع من سمعت بوفاة بابا لذلك ما طلعوها ..هاا واي احد يسألج عن رنا كوليليهم وي امي بالمستشفى
رهف : تمام ..رجعت تمددت على الجربايه احس جسمي صار ضعيف ما جاي اكدر حتى اكوم شلون روح و انسلبت مني احساس فضيع بالالم
رفل : طلعت لاگتني ام وسام وكعدتني يم النسوان
امل : واخيرا شرفتي
رفل : احنه بأي حال وهاي تدور مشاكل ..
جانت موجودة عمتي اسماء وبتها ايلاف ومرت عمي محمود ..اباوع عليهن يتبسبسن ..غضيت النظر عنهن اكيد عرفن شنو صار وراح يحجن اشكال والوان ..ضليت اصفن بالوجوه ناس تبجي وناس تسولف او تاخذ غيبة وناس نعسانه كوه تفتح عيونها ..صدك محد يحس بالوجع غير صاحبه ..للعصر اجت عمتي نسرين تلطم وتبجي اجت علي ركض حضنتني
نسرين : اااه يا عمه راح الغالي ..رااح ابوجن ياا عمه
رفل : حضنتها انا ابجي وهي تبجي وياي ..راحت سلمت عليهم كلهم وكعدت تبجي ..استمر هالحال 3 ايام رهف طلعت مرة وحدة بالفاتحه ما تحملت ورجعت للغرفة مرة ثانيه ..والنسوان ما بطلن سؤال على امي ورنا ما شايفينها بس كريم ينطيها اكل بنهايه اليوم واسمع بجيها بالليل..باليوم الاخير خلصت الفاتحه العصر وكعدت ارتب البيت ..دخلت امي علينه على كرسي متحرك وخالي يدفع بيها
رهف : تفاجئت بجيه امي وشلون كاعدة على الكرسي ..رحت ركض بأتجاها ..يماااااا ..حضنتها بقوة وابجي ..استغربت ليش كاعدة على كرسي ..يمه شنو صاير!!
رفل : ركضت عليها ردت احضنها ..بس صدمتني بتصرفها ..دفعت رهف بقوة
فاطمة : وهي تبجي .. على اساس ما تعرفين شنو صاير بيه ..كله من وراجن الله ياخذجن وارتاح
رهف : ضليت كاعدة بالكاع ومصدومه من كلام امي
خالي "ابو نور" : شنو هالحجي فاطمه صلي على النبي البنات شدخلهن
فاطمه : اسكت رحمه لأهلك والله هن راس البلا كله
رفل : يمه شنو جاي تحجين احنه شكو اذا غلطت وحدة  احنه شدخلنا
فاطمه : انتي بالذات ما اريد اسمع صوتج جنتي تدرين بكلشي وسكتي
رفل : بعصبية.. شنو ادري يمه شنو ادري لا تخبلوني كل شوي تعيدون نفس الحجي هذيج بتج المصون الي جنتي تدافعيلها كلما حجيت عليها روحي حاجيهااا كليلها من سوه بيج هيج وليش ساكته وما تحجي بدل ما جاي تخلين اللوم بينا
كريم : بعصبيه.. شكووو شصاير صوتج ليش عالي
رفل : بعصبية.. امك جاي تخلي اللوم عليه الي يكول انا خليتهم يعتدون على رنا
كريم : عقد حواجبه وبعصبية ..شو انتي ما تستحين شنو امك
رفل : ما حسيت غير راجدي فر وجهي فر
رهف : بعياط ولازمه راسي بأيدي..كاااافي كاااافي الله يخليكم كاااافي
رفل : ما بجيت ولا دمعت عيني رحت ركض للغرفة الحابسين بيها رنا ..ضليت ادك على الباب بكل قوتي .. لج احجييي احجييي وخلصينا احجي ليشش ساكته ولج محد محملج ذنب احنا الي تحملنا اخطائج احجي راح تموتينه الله ياخذج احجي شي اي شي ..ما اسمع بس صوتها وهي تبجي ..ما حسيت غير كريم لازمني من
من شعري
كريم : هاي الغرفه ما تجين يمها بعد فاهمه وبس اخلص من رنا شغلي وياجن بعدين
رفل : بعياط ..عووف شعري شغل شنو شمسوين احنه كاافي تعبنا واحنه نتحمل سوالف الخاتون بيك خير اعرف منو سوه هيج مو جاي تطلع مراجلك علينا
كريم : بعصبيه.. انا اعملج المراجل شنو
رفل : شمرني بالكاع  وضل يضرب ويرفس وانا بس اصرخ ..ما حسيت غير واحد جر كريم بعصبية
ابو نور : بعصبيه. . كرريم عيب الي جاي تسوي
كريم : ما تشوفها شلون تحجي
ابو نور : رفل دخلي انتي واختج للغرفة وسدي الباب  رفل : كوة كمت من الضرب ورحت كومت رهف وهي تبجي ..تعالي وياي ..اباوع ﻷمي دايرة وجهها وما تقبل تباوع النا ..اخذت رهف وانا الدمعه بعيوني لا راضيه تنزل و لا تسكت دخلنا وسديت باب الغرفة مثل ما كال خالو
ابو نور : وانت تعال وياي
كريم : كعدت يم امي وخالي يمنا
ابو نور : ترى البنات ما الهن علاقة ليش تتصرفون هيج وياهن
كريم : لا كلهن متفقات والهن علاقة
ابو نور : اللهم طولج يا روح شلون عرفت بلا ولك حتى رنا معتدين عليها المفروض تسوي مثل ما كالت رفل تدور على الي سوه هيج
كريم : هي ما جاي تساعدنا ما جاي تكول منو سوه هيج
ابو نور : يجوز مصدومه من الي صار
كريم : لا مصدومه ولا شي اذا ما حجت معناها برضاتها
ابو نور : بعصبيه.. كرريم برضاتها تجيك هيج ملابسها لو شكلها شبيك انت ما عندك عقل ؟؟
فاطمة : ابو نور انت لا تتدخل اخوها وعمامها يحلون المسألة
ابو نور : قصدج يكتلونها مو يحلون المسألة
كريم : انا راح اصيح لعمامي ونشوف شنو نتصرف
ابو نور : والله ما ادري انتو شلون تفكرون ..المهم انا راح ابقى واشوف عمامك شيحجون
كريم : براحتك خالي ..اااامل تعالي خلي امي ترتاح بغرفتها
امل : ان شاء الله ......
رفل : ضلينا كاعدين بالغرفة ورهف خلصت دموعها من البجي .. شوي وراحت لجنطتها فتحتها
رهف : طلعت الفارسه مالتي حضنتها وضليت ابجي
رفل : اجيت يمها شفتها حاضنه الفارسه وتبجي بقوة ..رهف فدوة كافي الله يخليج
رهف : وهي تبجي.. ما تهنيت بيها جنت قبل البسها وافتر بالساحه حتى كلها تعرف انا شاطرة بس هاي ما تهنيت بيها رفل
رفل : اششش ..كافي حبيبتي ان شاءالله بس ترجعين للمدرسه يخلوها عندج بعد اسبوع وتتهنين بيها
رهف : وهي تمسح دموعها ..رفل تتوقعين راح يخلونا نداوم بعد
رفل : عقدت حواجبي بأستغراب..ليش ما يخلونا احنه ما سوينا شي ان شاءالله باجر او عكبه نرجع نداوم
رهف : ان شاء الله
رفل : كمت من يمها..صدك حجيها احتمال ما يخلونا نداوم
لا لا ليش ما يخلونا نرجع واذا ما رجعنا للدوام اگلب الدنيا عليهم والله ..وره نص ساعة وسمعت اصوات عمامي ..هذول ما جايين هيج اكيد وراهم شي
رهف : حجيتي شي ؟؟
رفل : لا اريد اروح اشرب ماي اجيبلج وياي
رهف : اي بس ديربالج من كريم
رفل : لا مراح اجي يمه ..نزلت على كيفي ..طلعت بوجهي امل
امل : بهمس.. خير ان شاء الله شعندج نازله لو تدورين مشاكل
رفل : ولي من وجهي ما ناقصتج
امل : بسيطة رفل
رفل : دروحي..اففف..وصلت للاستقبال اسمع اصواتهم ...
رياض : منا لباجر كدامك كريم اذا ما حجت اختك شي انا اكتلها ولك سالم شايفها بهاي حالتها ويكول بتكم منو مسوي بيها هيج احنه على اخر الزمن يجي هذا يحجي علينا
محمود : وحق الله حتى لو حجت راح اكتلها ولا نخلي راسنا بالطين من وراها
ابو نور : هم هيج كالوها يعني حتى لو مظلومه تكتلونها ؟؟ ولكم شنو هالحجي
محمود : هي لو مظلومه ما جذبت على اهلها وكايلتلهم غير شي
وسام : عمي على كيفك غير نفتهم السالفة منها حتى نحكم
رياض : وسام لا تتدخل
أيسر : انا كاعد اباوع عليهم  ما حجيت شي جان ببالي شي اسوي
ابو نور : حجيه صحيح ليش ما يتدخل غير نفتهم السالفة وبعدين نقرر شنو نسوي
رياض : ابو نور اطلع منها انت عرضنا وبكيفنا شنسوي نسوي
ابو نور : عيب هالحجي انا هم خالها
رياض : هذا العدنا احنه نشوفها اذا تحجي وعدها ادلة هي مظلومه وتكولنا ليش جذبت عود هذاك الوقت نشوف شلون نتصرف
ابو نور : لا إله إلا الله..عذروني انا رايح هذا الحجي ما يصرفلي
رفل : سمعت الباب انفتح صعدت للدرج حتى لا يشوفوني
ايسر : لمحت رفل وهي تصعد ..ابتسمت ..جانت تتسمعلنا
رفل : كلبي ظل يدك بسرعه ..ناوين يكتلونها !! ..الله ياخذكم كلكم ما بيكم احد ينشد الظهر بي .......
رياض : هاا كريم شگلت
كريم : هسه رايح اشوفها بلكت نوصل لشي ...صعدت لغرفتها  شفتها حاطة راسها بين رجليها وتبجي بس شافتني كمزت
رنا :وهي تبجي.. جاي تكتلني مو ؟؟
كريم : بهدوء... اذا حجيتي مراح اكتلج ..كولي منو سوه هيج بيج
رنا : ضليت ابجي ما كدرت احجي شي
كريم : بعصبيه.. رناااا احجي ليش ساكته ..ليش جذبتي ..ليش ما تحجين ليشششش..ولج لا تبجييين احجي ..كاعدة بس تبحي وما نطقت بكلمة ..لزمتها من شعرها ..ولج تحجين لو انهيج هنا ..بعياط ..احجججي
رهف : بخووف..شنو هالصوت شبي كريم
رفل: انا رايحه اشوف انتي ابقي بمكانج
رهف : اروح وياج
رفل : بعصبية.. وين ترحين بس اشوف شكو واجي ....طلعت من الغرفة ..الصوت جاي من غرفة رنا ..صرت اتقرب من الغرفة اسمعها تصرخ وتبجي ..الباب جان شوي مفتوح ..شفت كريم يضرب بيها بوحشية
كريم : وللللج احجججي ..احججججي ليششش تدافعيله ليششش ما تكولللين منوووو
رفل : نزلت بسرعه لغرفة امي ..يمه ..يمه
فاطمة : طلعي بره ما اريد اشوفجن
رفل : جانت عيونها مورمه شكلها جانت تبجي .. يمه رنا راح تموت بين ايدي روحي حاجي فددوة
فاطمة : طلعي وسدي الباب
رفل : يمه فددوة ادري كلبج ما ينطيج تسمعينها تصرخ وما تساعدينها فدووة حاجي
فاطمة : بعصبية.. رووحي مناا موتن ابووجن و ما ارتاحيتن ناويات تموتني يلا
رفل : بتوسل ..يمه شنو هالحجي فدوة حاجي كريم
فاطمة :بعصبيه.. اطلعي برررة
رفل : خلصت كل محاولاتي وي امي طلعت وانا دموعي تجري ..شسوي هسه اذا حاجيت كريم يمدني يمها ويشبعني كتل ..افففف ..رجعت صعدت واسمعها بعدها تصررخ ..دخلت لغرفتنا ومحتارة شسوي
رهف : شكو شصاير؟ ؟
رفل : كريم جاي يضرب رنا لان ما جاي تحجي
رهف : تتوقعين ليش ساكته ؟
رفل : علمي علمج اريد احاجيها بأي طريقة واعرف الي صار
رهف : شلون ؟؟ هم ما يخلون احد يدخل عليها
رفل :بحيرة .. ما ادري شلون ..شوي وسمعت الصوت وگف والباب انطبگ.. شكله طلع خلي اشوف طريقة احاجيها بيها حتى لو من وره الباب
رهف : ديربالج
رفل : تمام ..طلعت بأتجاه الغرفة بحذر ..المفاجئة لكيته ناسي المفتاح بالباب او احتمال هو مخلي عن قصد ..المهم بعد تردد دخلت عليها......
محمود : ها ما حجت مو
كريم : وهو منزل راسه ..لا ما حجت شي
رياض : لعد هاي هيه خلصت المحاولات وياها وانطيناها مجال هواي
ايسر : خالي عن اذنكم ...خلوني احاول وياها بلكت تحجي شي
محمود : ما اعتقد راح تحجي
رياض : خلي يحاول وايسر ضابط ويعرف شلون يخليها تحجي
كريم : ماشي غرفتها بالطابق الثاني على ايدك اليسره
ايسر : رحت حتى احاول وياها و متأكد ميه بالميه راح تحجي كلشي ....
رفل : دخلت عليها لكيتها بس تبجي والدم تارس وجهها حتى ما انتبهتلي من دخلت ..رنا
رنا : بأستغراب..رفل!!
رفل : اتقربت منها ..شلت شعرها عن وجهها وهي تباوعلي بنظرات حزينه..رفعت راسها بأيدي ليش ساكته ليش ما تحجين ..دنكت راسها وضلت تبجي ..رناا فددوة لا تبجين البجي ما يفيد راح تنهين حياتج وحياتنا ..احجي منو سوه بيج هيج
رنا : وهي تبجي ..ما اكدر احجي والله ما اكدر
رفل : بعياط ..ولج شنوو ما تكدرررين احجي دخيل الله من شنو خايفة ...سكتت ما حجت شي بس تبجي ..يا الله رنا احجي فدوة لا تبقين ساكته ..زين ليش ما جذبتي وكلتي ما اعرفه
رنا : ما اكدر كلكم راح تعرفون انا جذبت عليكم وما رحت وي هبة وراح تسألون وين جنتي وشنو جنتي تسوين ما راح تصدكون ما اعرفه
رفل :بتأكيد..يعني انتي تعرفينه.. فتحت عيونها على وسعهن بتفاجئ عرفت انا حجيت هيج حتى اعرف هي تعرفه لو لا
رنا : وهي تبلعم ..اي ..لا مو كلش ..يعني
رفل : رنا تعرفينه وانا متأكدة ..منو هو احجي وشلون سوه هيج ..هم كعدت تبجي ..رنااا شلون تعرفتي علي ؟؟
رنا : وهي تبجي.. بالكلية
رفل : بأستغراب.. من شوكت ؟؟
رنا : نهاية مرحله اولى
رفل : شنو اسمه
رنا : ما اكدر اكلج كافي فدوة
رفل : بعصبية.. اي ليش فهميني
رنا : بعياط.. ما اكدددر والله ما اكددر احجي شي بعد
رفل : بعصبية..ليشششش ..ليشششش
رنا : وهي تبجي ..مصورني فيديو وهددني بي اذا حجيت راح ينشره
رفل : حطيت ايدي على حلگي بخوف وصدمه ..الله ياخذه ..الله ياخذه ..زين رنا شلون صار هالشي و وين
رنا : وهي تبجي ..كاافي الله يخليج رفل كاافي ما اريد اتذكرر شي
رفل : لزمتها من اكتافها وانتر بيها بعصبية ..ولج ناوين يكتلونج اذا ما حجيتي راح تدمرين نفسج و تدمرينه وياج احجي شلون سوه هيج
رفل : ودموعها تجري ..جنت اطلع وياه عادي كل يوم نروح لمطعم او منتزه بس جنه مقيدين اخاف احد يشوفنه كال عندي شقة نروح بيها نكعد براحتنا بالبدايه ما وافقت بس اصر وكال انتي ما تثقين بيه ومن هالحجي ..رحت وياه واخذت حذري اول مرة ما سوه شي ..لذلك المرة الثانيه رحت وانا مطمأنه بس بيومها بدأ يتقرب بطريقة غريبه مني دفعته ونبهته ما يتقرب بس هو تمادى اكثر حاولت اشرد ما كدرت وجان اكو واحد ثاني بالشقة لزمني وياه هو اعتده علي والثاني يصور
رفل : ضليت فاتحه عيوني على وسعهن شنو هالحقارة هاي وهي تبجي وتشهگ..حضنتها اهدي بيها ..خلاص رنا اهدي انا اشوف حل شوفي انا هسه طالعة وبس يرحون عمامي احجي وي كريم
رنا : بخوف ..لا فددوة لا تحجين شي والله ينشر الفيديو والله بس تعرفونه ينشر كلشي
رفل : استغفر الله يعني شنو نسوي نظل هيج واكفين ما نتصرف
رنا : رفل الي يصير خله يصير ما يهمني بعد
رفل : تمام مراح احجي شي ..جذب جنت بس اريدها تهدأ واحجي حتى لو لأمي ولا هذا النذل يرتاح بفعلته ..جاي اطلع من الغرفة بهدوء انصدمت بوجود ايسر منتجي على الحايط ومكتف ايدي ..ارتبكت بس لا سمع شي ..من ش.شوكت انت هنا
ايسر : باوعتلها ..ودخلت للغرفة بدون ما احاجيها
رفل : يا ربي هذا شنو ناوي يسوي ..اخاف يكتلها ..لا لا هم كالوا منا لباجر اذا ما حجت نكتلها ..بس هو ليش دخل ..رحت للغرفة محتارة شنو اسوي
رهف : شنو صار حجتلج شي
رفل : بتنهيدة ..اي حجت
رهف : اي احجيلي
رفل : بس شوي انطيني صبر جاي افكر شلون اقنع امي او كريم بألي صار
رهف : هففف..غير تحجين شنو كالت
رفل : بعصبية..صبررري شوي ..جاي احجي وياها وسمعت صوت ضربة رصاص ..فتحت عيوني على وسعهن انا ورهف وحدة ضلت تباوع للثانية ..بسرعة طلعت ركض من الغرفة ..شفت ايسر طالع من غرفة رنا ومنزل راسه ..بخوف صحت ..رناا
ايسر : التفت شفت رفل وعيونها كلها تساؤل و وراها رهف كوة واكفة ولازمه الحايط.. بلعت ريگي ..بهالاثناء صعدوا خوالي وكريم و وسام وياهم
رياض : شنو صار
ايسر : ما رديت ..ركض خالي رياض للغرفة شافها ورجع لزمني من كتفي
رياض : عفية عليك هذا جان لازم يصير من زمان بس موتت نائل عطلتنه
رفل : بخوف.. لا تكولون كتلها
رياض : المفروض من زمان هالشي يصير  رفل : بعياط هجمت على ايسر ...ولللك ليييششش كتلتها لييييش ..الله ياخذك ..الله ياااخذكم
ايسر : ما كدرت احجي شي اباوع عليها شلون تبجي ومحترك دمها على اختها ..لزمها خالي محمود من ايدها بقوة
محمود : اكعدي واسكتي هذا الي لازم يصير من البداية
رفل : وانا ابجي واصرخ ...ولللكم انتوا  ما عدكم گلب شلون تكتلونها بلا ما تفهمون شنو صاير
كريم : لزمتها من ايدها بقوة.. كااافي مو جنتي تدعين عليها هسه ماتت بعد شنو تردين
رفل : بعياط .. ولك غير تعرف من سوه هيج بيها وتحاسبه بدل ما تاخذ حقها تكتلها
كريم : اوووو مليت منج انا ..جريتها بقوة ودخلتها للغرفة ورجعت شفت رهف كاعدة بالكاع تبجي وتشهگ هم سحبتها ودخلتها. ..اممممل ..امممل
امل : بخوف ..ها ..هاا
كريم : وجعاا ..بعصبية..دخلي جيبي تلفوناتهن يلا بسرعه ..دخلت امل وانا لازم باب الغرفة حتى محد تطلع
رفل : اباوع شلون امل اخذت تلفوناتنه من الميز وطلعت وراها كريم قفل الباب علينا ..هاي شناوين ..كمزت من مكاني على الباب وكعدت اضرب علي بكل قووتي ..افتحووووا الباااب الله ياااخذكم افتحووو والله الا افضحكم والله افتحوووو.. درت على رهف تبجي وتشهگ بخنگه ..خرررب ..ركضت جبت البخاخ مالتها وانطيته الها ..يااربي هسه شلون ...
وسام : بعصبية..شنو الي جاي تسوونه البنات شدخلهن ..وانت ..يأشر على أيسر مو كلت بس احاجيها..شلون تكتلها منو انطاك الحق تسوي هيج ..يحجي ويدفع بأيسر
أيسر :وسااام ايدك انت ما فاهم شي لا تحجي.. قاطعني خالي رياض
رياض: وسااام كاافي لا تتدخل انت اطلع منها
وسام : بعياط ..ولللكم انتو شنو من بشررر فهموني ليش تكتلونهااا هي بشنو غلطت ليش ما جاي تفتهمون هم اعتدوا عليهاا
محمود: ولك اي واحد بمكانه جان حط طلقه براسها اول ما اجت بهالحاله
وسام: بس الناس الهمج والمتخلفين يسون هيج ..بعدني ما مكمل كلامي ما حسيت غير راجدي من ابوي
رياض: ولك شو انت ما خليت حشمه النه .. احنه همج ولك شو نسيت نفسك انت شلون تحجي هيج ويانه
وسام : هه اصلا ليش اتعب نفسي واحجي وياكم عقولكم ما تستوعب اكيد ..التفت على ايسر ..هذا الي يفيد عقولكم كتل البنيه بدم بارد ..رجعت التفتت على كريم ..وانت لا تخليهم يجرونك بحجيهم خواتك ما الهم علاقة حتى تحاسبهم ..عفتهم وطلعت بره
رياض : امشوا خلي نغسلها وندفنها واي واحد يسأل عليها كلولهم سفرناها لاي دوله تكمل دراسه ..فاهمين
كريم : بتنهيده ..فاهمين عمي
أيسر : من رخصتكم انا تعبان راح اروح للبيت
محمود : وين رايح ترى البنيه مقتوله وراح ندخل بسين وجيم تعال ويانه انت ضابط وتحلها بمعرفتك
ايسر:بقلة صبر..ماشي ماشي ..يلا خلي نروح بسرعة ..اخذناها وكملنا الإجراءات رغم واجهتنه صعوبه بس حليناها واخر شي رحنا للنجف ندفنها ..متت من التعب بيومها رجعت للبيت بالليل والنومه نومه ....
رفل:اليوم كله ضليت يا ادك بالباب يا ادعي عليهم ورهف خلصتها بجي ..احتاريت شنو اسوي التلفونات ليش اخذوها..لليل وانفتح الباب امل خلت صينيه مالت العشا وسدت الباب بسرعة ركضت بس ما لحكت عليها. .الله ياخذج وياهم وولج فتحي البااااب..يممممه فتحي الباب فدوة..راح صوتي وانا اصيح ولا واحد يرد علي ..اباوع لرهف تبجي وتباوعلي عيونها بيها الف سؤال ...
أيسر : كعدت الصبح على رنه التلفون..الوو ..هلا خالي ..اي جاي ..بدلت وطلعت لبيت خالي نائل لان خوالي مجتمعين هناك..السلام عليكم
رياض: هلا بعد خالك تعال هنا
ايسر :كعدت يمه وهو بدأ يحجي
رياض:شوف كريم مثل ما كتلك البنات بعد ما يداومن وتلفونات ماكو بعد ونطيهن لأول واحد يجي يدك الباب ونخلص منهن
ايسر: اباوع لكريم ما حجه شي بس يهز راسه
محمود:وليش ما تزوج وسام لرفل
ايسر : احس واحد شلع كلبي من مكانه بهاللحظه.. خالي رياض انخطف لونه وظل يمتمت بالحجي
رياض:هاا..ما يصير ..مو وسام حاجيلي على وحدة يريدها ما اكدر ازوجها اله
محمود:من شوكت هالحجي شو ما سامعين بي
ايسر : بعد كر و فر بين خوالي و واحد يشمرها على الثاني..انا اتزوجها!!
#ارجوان

يتبع