شظايا ورماد

البارت العاشر

#شظايا_ورماد

ايسر : من بعد ما صلحت التلفون انطيت الرقم لجماعه معرفة حتى يجيبون صاحب الرقم ..مرت ايام وماكو خبر .. باليوم الوصلت بي رفل ﻷهلها دك علي ضرغام ..ها بشر
ضرغام : لكينه صاحب الرقم وهسه مستضيفينه عدنه
ايسر : هلا والله جايك طيارة
ضرغام : ههههه انتظرك
ايسر : طلعت بسرعه للمركز لكيت ضرغام بالمكتب.. هاا وينه
ضرغام : مخلينه بغرفة التحقيق بس ديربالك ترى اخذناه سحل من البيت واهله كلهم هنا يردون يعرفون السالفة وشغله ثانيه ترى اسمه اسعد مو ميثم
ايسر : اسعد ميثم مو مهم اهم شي لكيته وبالنسبه ﻷهله حلهم يمي بس خلي يعترف
ضرغام : ماشي توكل لعد
ايسر : دخلت علي وانا نار اتخيل شلون هو وياها سوه .. اباوعله هذا واحد زعطوط بكدها مدري اصغر والخوف ماكله اكل جريت الكرسي وكعدت كباله .. اي استاذ اسعد احجي
اسعد : شكو ليش جايبيني هنا شتردون مني
ايسر : انت شنو اسمك اسعد لو ميثم
اسعد : اسمي اسعد
ايسر :  زين اكو بنيه اسمها رفل اكيد تعرفها
اسعد : بأستغراب.. لا ما اعرف بنيه بهالاسم
ايسر : بعصبية.. ضربته بوكس ..بلكت هذا البوكس يذكرك .. شو هذا كام يبجي
اسعد : والله سيدي ما اعرف وحدة بهالاسم والله
ايسر : ماشي راح اسوي روحي مصدكك .. زين تعرف هالرقم ..لزم الوقه يباوع بيها
اسعد : لا سيدي ما اعرفه
ايسر : ضربته بوكس ثاني ..بعصبيه ..ولك شنو شايفني كدامك هذاااا الررررقم بأسمك
اسعد : والله سيدي ما اعرف عنه شي
ايسر : جاي اضربه البوكس الثالث صاح
اسعد : اووكف سيدي اوووكف اتذكرت
ايسر : رجعت كعدت بمكاني .. اي شتذكرت ؟
اسعد : هو الرقم صدك الي بس مو انا استعملته
ايسر : عاقد حواجبه.. لعد منو ؟
اسعد : بلع ريگه ..صديقي والله صديقي
ايسر : ليش انطيته اله ؟
اسعد : انا اجيب شرايح لعائلتي دائما يعني منو يريد اجيبله فمرات ينطوني شريحه هديه وياهن.. المهم هو يعرف هالشي فمرة كال ما عندك شرايح اثنين رايدهن ضروري .. كتله عندي تدلل صدك بوكتها جان عندي 3 شرايح فأنطيته 2 منهن
ايسر : اهاا ومنو كال كلامك صدك
اسعد : والله ما اجذب عليك
ايسر : بأستهزاء. .صدكتك بس حلفت .. المهم انطيني عنوان صديقك حتى اجيبه واشوف منو الجذاب بيكم
اسعد : هسه هو مسافر للشمال مو هنا
ايسر : بأستهزاء. . لا كول غيرها يمعود
اسعد : والله قبل اسبوع سافر ﻷ ربيل
ايسر : شنو اسمه
اسعد : مروان.........
ايسر : ماشي ..وكفت اباوعله ..انت راح تبقى ضيفنا كم يوم
اسعد : بخوف ..ليش ؟
ايسر : لسببين الاول علما نلگه صديقك والثاني اذا صدك حجيك حتى اتوب بعد وما تنطي احد شريحه تخصك يا اثول
اسعد : لا سيدي فدوة اروحلك ما اكدر ابقى هنا
ايسر : لا راح تبقى واذا تريد البسك جريمه مو مشكله
اسعد : لا لا سيدي براحتك
ايسر : عفته وطلعت
ضرغام : ها بشر شنو حجه
ايسر : مو هو ..يكول صاحبي ابو الشريحه
ضرغام : اخاف يجذب
ايسر : لا ما يجذب هذا واحد مو مال هيج سوالف .. المهم راح انطيك اسمه تعممه على الدوريات الموجودة بأربيل اريده اليوم كبل باجر
ضرغام : ليش هو بأربيل؟ ؟
ايسر : اي ..ضرغام اعتمد عليك
ضرغام : روح والهوا بظهرك ...
ايسر : كعدت بفندق قريب على المركز ﻷن ما اريد كريم يشوفني موجود .. تمنيت اشوف الخانتني وياه اليوم اريد اشوف شنو شافت بي ..جان ببالي اشبعه كتل اموته اشوفه الويل .. بس هي ما اعرف شسوي وياها بعد اخاف اطلكها وتروحله واخاف اخليها بعيدة عند اهلها ويشكون صاير شي ..وره خمس ايام اتصلوا بيه لگوه ..ضرغام كلتلهم يجيبونه هنا
ضرغام : اي كلتلهم ان شاءالله فد ساعه ويوصل
ايسر : صرت عصبي واروح واجي بالمكتب اريد بس يجيبوا .. والله ساعه ودخل الزعطوط الثاني .. دخلوا لغرفة التحقيق بسرعة
مروان : اي غير افتهم شمسوي
ايسر : لا تستعجل على رزقك .. تفضل ادخل بالاول .. يدخلون بي وهو يدفع مبين واحد ملطلط .. كعد على الكرسي يتأفف ..قفلت الباب وكعدت يمه ..خو ما ازعجناك
مروان : بعصبية.. شتردوون مني جايبيني مناك لهنا
ايسر : بعصبية.. لااا تعلي صوتك
مروان : شكو جايبيني هنا
ايسر : اشششش صوتك لا يطلع .. حطيت الرقم كدامه ..هذا الرقم الك ..وجهه صار اصفر وضل يبلعم
مروان : لا مو الي
ايسر : رفعت تك حاجب.. مو الك ؟؟ يعني انت مو ميثم
مروان : بعصبية.. شنووو هالحجي تروددن تشمرررون تهمه براسي هاي سوالفكم ما تعبر علي
ايسر : جان يصيح ويشمر بأيدي ..ما تحملت ركعته ببوكس فلش وجهه ..كتلك لا تعلي صوتك
مروان : والله الا اكلب الدنيا عليكم والله انااا تضربني انااا
ايسر : اوووي يالرقيق ..كمت لزمته من ياخته بقوة ..ولك انت خلك زعطوط تگلب الدنيا علي انا ..لك انا اخفيك وره الشمس ومحد يدري بيك انتبه ﻷن ما تردي ويامن تلعب ..وهسه صير عاقل وغرد شنو علاقتك برفل
مروان : يا رفل هااي
ايسر : هو جاب اسمها ورجعت ضربته مرة ثانيه ..هاي حتى تتذكر
مروان : انا ما مسوي شي ولا اعرف عن شنو تحجي
ايسر : طلعت التلفون وحطيته كدامه
وطلعت الرسائل الي بينهم .. وهذا هم ما تعرف عنه شي
مروان : لا ما اعرف عن شنو تحجي
ايسر : جان مبين علي يجذب.. تعصبت منه وضربته بوكس .. ما تعرف عن شنو احجي مو ... صحت بصوت عالي .. ضرررغام
ضرغام : تفضل سيدي
ايسر : جيب اسعد وتعال
ضرغام : حاضر
ايسر : اجه ضرغام وياه اسعد .. تعال هنا تعال ..كمت ﻷسعد كعدته .. ها استاذ مروان اكيد تعرف اسعد
مروان : اي اعرفه صديقي
ايسر : تمام .. اسعد منو اخذ منك الشرايح
اسعد : هو
مروان : بعصبية.. لا تتبلاني انا ما ماخذ منك لا شرايح ولا غيرها
اسعد : عاقد حواجبه.. شنوو مماخذ مو هذاك اليوم اجيت وكتلي اريد شرايح لا تجذب
مروان : اكيد مسوي مصيبه وتريد تشمرها براسي
اسعد : لك مروان ....
ايسر : كافي كافي لا تتعاركون .. ترى لا حسبالكم انا ما اكدر اطلع منو صاحب الرقم لا اكدر بس منتظركم تحجون
اسعد : سيدي والله مو انا والله
مروان : ولا انا
ايسر : جان يحجي ببرود واسعد يحجي بخوف .. التفتت على مروان .. انت شتشتغل
مروان : مبرمج
ايسر : اهااا ..صحت بعصبية.. ضرررغااام
ضرغام : نعم سيد
ايسر : تعال اخذ اسعد وهذا انا اعلمه الجذب شلون يصير
ضرغام : حاضر
ايسر : اول ما طلعوا هجمت علي بالبوكسات واحد وره الثاني انتهى بأيدي
مروان : بتعب ..كاافي كاافي والله راح احجي كلشي بس عوفني
ايسر : لزمته من ياخته وخشمه وحلگه مليانات دم ..يلا كول شوكت تعرفت على رفل
مروان : انا ما اعرفها
ايسر : صرت عصبي ردت اضربه صاح
مروان : اووكف افهمك بس
ايسر : يلا احجي
مروان : انا صح حاجيتها بس ما اعرفها
ايسر : بأستغراب.. يعني شلون
مروان : انا محلي معروف بالمنطقة اجت مرة كالتلي اريد منك تساعدني انا وحدة لعبت على زوجي واخذته مني اريد اطلعها من حياته ..كتلها وانا شلون اكدر اساعدج ..كالت اريد تتصل عليها على اساس انت وياها على علاقه ..كلتها هالشغله تورط ما اكدر اساعدج.. انطتني 500 الف وكالت اذا تكمل انطيك هم ..الصراحه عجبتني الشغله كلتها انطيني رقمها كالت ما عدها لا رقم ولا تلفون لعد انا ليش جايتلك حتى تضبط السالفه ..كتلها لعد انا اضبطها من يمي يومين وتعالي ..صدك يومين واجت اخذت التلفون وانطتي بقيه الفلوس ..وره كم دقيقة دزتلي رساله من نفس التلفون الي اطيته الها كاتبه فد نص ساعه ودك على التلفون ..هاي القصه كلها سيدي
ايسر : يحجي وانا كلبي انعصر على رفل شكد اذيتها وهي ما الها ذنب ..اسم المرة شنو او رقمها
مروان : والله ما اعرف هي مجانت تتواصل وياي بس من التلفون هذا نفسه
ايسر : زين شكلها
مروان : جانت مبوشيه يعني ما اشوف منها شي
ايسر : بعصبية. . شطلعت هاي تساعد وحدة ما تعرف حتى شكلها زين تورطت شلون شتسوي
مروان : والله سيدي ما اعرف عنها شي انا الفلوس عمت عيوني جنت محتاج وهاي اجتني وتعب قليل ما رديتها
ايسر : عمت عيونك الفلوس مو !!.. نزعت الحزام وطبگته ..هسه اعلمك شلون تعميك الفلوس مرة ثانيه
مروان : لا سيدي فدوة
ايسر : بعده ممكمل وانا ضربته ..ضربه اقوى من ضربه طلعت حرگة كلبي كلها بي تذكرت من جنت اضرب رفل شكد توسلت بيه شكد بجت وانا ولا اهتزيت ولا صدكت .. هذا هم نفس الشي توسل بجه بس انا وين وهو وين ..صرت اضرب بلا شعور لحدما دخل ضرغام يحاول يجرني منه وانا ارجع علي
ضرغام : ايسر خرررب ايسر ولك عوفه
ايسر : ما اعوفه اليوم اموته
ضرغام : بهمس ..ولك لا تبلينه عوفه
ايسر : جرني ضرغام من الغرفه وانا اسب واغلط علي
ضرغام : شبيك انت ولك مرايد روحك
ايسر : طلعت لعبه ضرغام طلعت لعبه..احجي واضرب بقبضه ايدي على راسي ..ولك انا غبي وما صدكتها
ضرغام : تعال يابه تعال خلي افهم شصاير وياك
ايسر : كعدنا بالمكتب وحجيتله السالفه كلها
ضرغام : اياا جلب.. و ما عرفت منو هالمرة
ايسر : لا راح اتخبل والله. .ضرغام موتتها للبنيه كطعتها اعترفت بشي ما مسويته من وره الضرب تخيل ردت اكتلها الا شوي
ضرغام : بس انت هم صوجك يعني المفروض تتأكد قبل لا تسوي هيج بيها يعني يومين تضربها جان عرفت منو صاحب الرقم
ايسر : بعصبيه ..ضرغام لا تخبلني زيادة ..انا من سمعته يكلها حبيبتي ذره عقل ما بقى بيه والله فقدت ..حط نفسك بمكاني ضرغام شتسوي وانا مارة علي سوالف اشكال والوان شتريد افكر مثلا
ضرغام : الله يساعدك ما اتخيل نفسي بمكانك ابد.. اصلا تدري كرهتني بالزواج كله ذنبي بركبتك اذا ما تزوجت
ايسر :ههههه ولك انا بيا حال وانت تحشش علي
ضرغام : اضحك اضحك ما تسوى خليها على ربك هو يحلها
ايسر : الله كريم .. مرت ايام وانا كلما اتذكر الي سويته بيها اموت الف موته ..الي اسمه مروان طلعوا اهله ﻷن عدهم عرف بالمركز و توسطوله بس انا 3 ايام ضرب ما رحمته حاولت اعرف منو المرة بس لحد الان ما عرفتها ..جنت شاك بأمي ﻷن بس هي الي تكدر تصعد للغرف وتسوي هيج بس للاسف ما عندي دليل عليها واذا واجهتها راح تنكر اكيد وهم مخلي كم وحدة من الي يدخلن علينا للبيت من قرايبنه او الجوارين ببالي اخاف هم استغفلوا امي والبنات وخلوا التلفون .. جنت اجي للبيت متأخر حتى لا كريم يشوفني
علما اشوف شلون افاتح رفل بالموضوع واجيبها اكيد مراح تسامحني بسهوله ..امي هي الوحيده السعيدة بطلعه رفل من البيت ايلاف جانت ما تحجي وياي اما سيف هذا وضعه كلش متخربط حتى يفز بالليل ما اعرف شبي مرات اسمعه يصيح بأسمها انا اعرف متعلق بيها بس مو لهالدرجه.. وره ما طلعت من المركز رحت وي ضرغام لبيتهم
ضرغام : يلا تعال تغده
ايسر : اي جاي
ضرغام : الحمد لله والشكر ..انت ما تستحي كول لا مشكور ما اريد ازاحمك اكل بالعافيه شي كلشي ماكو
ايسر : خب دولي .. بديت اكل وضرغام يدردم فوك راسي
ضرغام : اكلك شسويت على موضوع مرتك
ايسر : ما مسوي شي ..ما ادري اريد اروح بس شنو اكلها انا غلطان وشكيت بيج رجعيلي
ضرغام : اي شكو بيها واعتذر همين
ايسر : بربك ضرغام وين تقبل .. خاصه رفل ما تطخ راس ابد هذاك اليوم من ضربتها واعتذرت ما قبلت ابد شتحجي انت
ضرغام : يعني هسه شناوي تسوي
ايسر : جاي افكر والله تعبت وحتى سيف هم حالته حاله من يوم الي طلعت من البيت
ضرغام : الله يريح بالك
ايسر :  امين ..بهالاثناء دكت علي رهف ..اول ما كالت الحك على رفل عفت كلشي من ايدي وركضت للسيارة
ضرغام : شنو السالفه يمعود فهمني ..هذا  شبي وين راح هيج
ايسر : السيارة ضلت تطير من السرعه الف فكرة سودة اجت ببالي ..والله اذا صارلها شي ما اسامح نفسي ابد ****
رفل :  تخبلتي انتي شنو انزع ملابسي
امل : اذا ما تنزعين معناها صدك كلامنا
رفل : ما انزع وكريم منا فاهمه
امل : لعد تعالي للغرفه حتى اشوفج اخاف تستحين من كريم
رهف :  خفت لا رفل تروح وي امل وتكشفها صحت عليها ..حرام عليج جاي تكلكم ما مسوية شي ليش مصرين واذا حجي امل صحيح جان ايسر هسه كتلها خلاص او يكلكم على الاقل ميضل ساكت
امل : الولد خاف من الفضيحه علمود هيج محجه
رهف : مو بكيفج تحجين انتي .. هي جاي تكول ممسوية شي يعني ممسوية
امل : والله اكص ايدي اذا ما انتي تعرفين بالسالفه همين
كريم : بعصبيه.. كااافي اثنينجن ررفل كومي وي امل تشوفج يلا بسرعه
رفل : احس كلبي صارت دكاته الف كريم اذا تأكد مراح يلزمه شي گبل يموتني اباوع على امل الحقيرة الضحكه شاكة الحلك ..بهاللحظه اندك الباب
كريم : دخلن جوة يلا علما اشوف منو بالباب
رهف : كريم راح يفتح الباب وامل جرت رفل من ايدها
امل : يلا تعالي
رهف : لزمتها من ايدها..انتظري خلي يجي كريم يلا
امل : اشو وخري
رهف :  بعصبيه ..لا ما اوخر
امل : بسيطه خلي يجي كريم واكله حتى انتي
انتي متفقه وياها
رهف : اي كليله
رفل : اباوع لرهف تحجي بثقة هاي شبيها شحال لو ما تدري بالسالفه ...
ايسر :  طلعلي كريم ..من شافني شكله كله انگلب
كريم : ايسر؟!! .. شتسوي هنا
ايسر : ردت اسأله عن رفل ..بس انتبهت ايده الثانيه وره الباب لمحت طرف مسدس بسرعه خطر ببالي انو عرف شي عن الموضوع لذلك كلت اتفاده الموقف .. شنو شسوي هنا اجيت من السفر واريد اخذ مرتي وياي
كريم : بأستغراب.. تاخذها ؟
ايسر : اي شبيك
كريم : ادخل ادخل تعال نتفاهم
ايسر : ماشي دخلت وراه للاستقبال .. شفت رهف وامل واكفات ورفل كاعده شعرها جان مهووس وملابسها مخربطه ..اول ما شافتني فتحت عيونها على وسعهن وضلت تبلعم ..شكو شصاير هنا
كريم : اكعد هنا وفهمنا ليش رحت وعفت اختي عدنا شصاير شمسويه
ايسر : ما مسويه شي كتلك رحت سفرة طالبيني بغير محافظه واليوم رجعت حتى اخذها
رفل : هو يحجي وانا مصدومه
كريم : لعد امك تحجي غير حجي
ايسر : بأستغراب.. شنو غير حجي مثلا
كريم : كالت ﻷمل لاكفها وي واحد
ايسر : بعصبية.. شنو هالحجي وانت ليش تصدك بهاي بلا
رفل : اباوع ﻷمل ضلت تبلعم و وجهها صار اصفر
امل : انا ما الي علاقه امك هي كالتلي
ايسر : انتي وحده جذابه وهالحجي انتي مألفته
كريم : بعصبيه ..ايسرر الزم حدك الي جاي تحجي عليها مرتي
ايسر : مرتك !!.. لعد خلي اكلك شي على مرتك المصون ..بعدني ما حاجي وعاطت
امل : كررريم لا تصدكه ترى والله جذاااب
ايسر : على كيفج خلي احجي وبعدين كولي جذاب
كريم : عاقد حواجبه.. شكو شصاير
رفل : عقلي وكف شكو بين ايسر وامل ..ضلينا انا ورهف وحدة تباوع للثانيه وامل تكمز وتصيح جذاب ما جذاب
ايسر : انا اكلك شصاير ..قبل لا تموت رنا دخلت عليها رفل وسحبت منها حجي انا جنت بره واسمع المهم العرفته هو وياها بالكليه من طلعت رفل دخلت انا جنت ناوي بس اعرف اسمه بس ما لحكت عليها سحبت المسدس وكتلت روحها
كريم : بأستغراب.. يعني مو انت الكتلتها
ايسر : لا هي انتحرت .. وره مدة رحت سألت بالكليه هي تطلع ويامن تحجي ويامن ..اخر شي عرفته الولد اسمه وائل والمصبية طلع ابن عم امل
رفل : هو يحجي والكل مستغرب
ايسر : المهم سحلته للمركز ساعه ضرب واعترف بكلشي ..طلع هو حاط عينه على رنا من عرسك انت وامل ومحاول وياها وما انطته وجه فهو الشفيه راح على مرتك وكايللها تقنعها ترتبط بي وهي ما مقصرة ضاله تحش براس رنا لمن اقتنعت وسوت علاقه وياه وحتى من راحوا
اول مرة للشقة جانت امل تدري وعلى فكرة ابن عمها جان مهدد رنا ينشر الفيديو الي اعتده بي عليها ومهدد بنات هواي وامل تدري بسوالفه كلهن فوك 100 فيديو لكينه عنده وصور كومه ..ها واذا تريد اثباتات عندي اعترافه كله مسجله
رفل : ضلينا مصدومين من هالحجي ..بس كمل امل كامت تبجي
امل : كريم والله ما ادري بي هيج يسوي وروح ابويه حسبالي يحبها وساعدته والله
رفل : كريم دفعها بعصبيه..وعاط بيها
كريم : لعد ليش ما كلتي تعرفينه ليش من احنه نلوب نريد بس رنا تحجي ما حجيتي انتي ليش من ماتت رنا ما انهزت الج شعره هاا ليش ولج فوك هذا كل يوم تحجين على خواتي اشكال والوان رهف كل يوم جايبه عليها حجايه تريدين تبطلينها ورفل تتهمينها بشرفها ولج انتي شنو من بشر ..التفت على ايسر ..اخذ مرتك وروح
ايسر : هو كال هيج لو كلبي ظل يركص .. احم يلا رفل جيبي غراضح وتعالي
كريم : لا بلا غراض هسه روحي وياه وبعدين اجيبلج غراضج
رفل : صرت مثل الثوله ما اعرف شسوي ليش راح ارجع وي ايسر مرة ثانيه ..بقيت مصفنه لحدما جابتلي رهف جبه وشال ..لبست بسرعه بسرعه وطلعت وي ايسر .. ضلينا ساكتين الى ان وصلنا لبيتهم .. شنو راح ارجع هنا ؟
ايسر : اي لعد وين نروح
رفل : شوف انت ممجبور تخليني ببيتكم اردي سويت هيج حتى تطلعني مناك بس اكدر اروح ﻷي مكان حتى لو لبيت عمي رياض
ايسر : بتنهيدة.. رفل فوتي جوة
رفل : بعصبية.. ما اريد ارجع لهالبيت مرة ثانيه
ايسر : بعصبية.. يعني وووين اوديج هسه ما تكليلي شراح تكولين لعمج اذا رحتيلهم مو الله ستر وكريم ما سوه شي ..يلا دخلي جوة
رفل : راح ادخل بس كم يوم وتطلكني و ارجع لبيتنا كلهم ما تراهمنا عندنا مشاكل اي شي المهم بعد ما ابقى وياك وانت هم ما تريدني غير انا خاينه شكو مبقيني
ايسر : اللهم طولج يا روح ..اي خوش بس دخلي
رفل : اول ما دخلت شافتني عمتي و شهگت
اسماء : يااا هااي شكو جايبها
ايسر : بعصبية.. وحق الله اذا حجيتي حجايه زايده الا اطلعج من البيت .. وبعدين نتفاهم على الحجي الحاجيته ﻷمل
اسماء : انا ما ...
ايسر : قاطعتها ..اششششش ولا كلمه.. يلا رفل دخلي
رفل : رحت بأتجاه غرفة ايلاف
ايسر : بعصبية.. وووين رايحه
رفل : لغرفه ايلاف وراح ابقى هنا لحدما تنحل مشكلتنا ..دخلت وعفته
ايسر : هاي كل عقلها تحجي ...
ايلاف : بصدمه .. شتسوين هنا
رفل : راح استقر يمج هالفترة
ايلاف : ههههه هلا بيج ..بس صدك شصار شلون
رجعتي اكيد انكشفت الحقيقة ورجعج مو
رفل : لا .. كريم عرف بألي صار
ايلاف : يااا شلون
رفل : انا اكلج .. حجيتلها السالفه كلها وحتى على وائل
ايلاف : ايدها على حلگها.. ياااا صخام بوجهها كون وهسه شسوه بيها
رفل : ما ادري هو طلعنا انا وايسر حتى ياخذ راحته ****
رهف : اول ما طلعوا ايسر ورفل هجم كريم على امل سحلها من شعرها سحل وشمرها على الگاع
كريم : ولج انتي شنو من بشر كل هذا يطلع منج من الله ينتقم منج وفوك هذا تشمرين بالتهايم على غيرج
امل : وهي تبجي.. كريم الله يخليك اسمعني انا ما ادري بي هيج يسوي وما كلتلكم ﻷن خفت
كريم : خفتي ولج ما خفتي من الله ما خفتي يسوي بيج مثل ما سويتي بيها من الله ياخذج
رهف : كعد يضرب بيها وهي تصرخ وتتوسل و هو ولا يمه صار شكله يخوف حتى انا خفت منه .. عافها وراح ركض جاب المسدس واجه ..يمه انا كلبي بهاللحظه طاح بين رجليه ركضت علي لزمته ..عووفها كريم لا تورط روحك بيها
كريم : عووفيني خلي اموتها واخلص من شرها
رهف : عووفها لخاطري انا منو يبقالي اذا صارلك شي عووفها فدوة ..باوع عليه وبعدين التفت على امل وصاح
كريم : انتي طالگ
امل : لا فدوة الله يخليك لا
كريم : اششش.. عشر دقايق ما الگاج بالبيت كله
امل : كرريم لخاطر العشرة الي بينا
كريم : يا عشرة وانا من اخذتج ما شفت يوم راحه يلا كوومي بسرعه لا وحق الله اطردج بهدومج الي عليج
رهف : كامت وهي تبجي لمت غراضها و دكت على اهلها ..ما طولوا واجو حاولوا يتفاهمون وي كريم بس ما انطاهم مجال كت الاولي والتالي من سمعوا الحجي اخذوها وراحوا ..اول مرة اخاف على كريم هيج جان وضعه مخربط دخل لغرفته بعد ما طلع منها لليل ..دكيت الباب علي ..كرريم العشا جاهز تعال اكل
كريم : ما اريد
رهف : بتنهيده ..براحتك .. ضليت منتظرة بلكت يطلع ماكو لثاني يوم هم نفس الحاله سويت الغده وهو ما طالع ..دكيت الباب ..كريم تعال تغده
كريم : رهف عوفيني كتلج ما اريد
رهف : لا إله إلا الله.. دكيت على ام وسام حتى تحاجي عمي ويجون يشوفون حل اله انا ما اكدر لوحدي علي .. والله ربع ساعه واجوا
رياض : خير عمي شبي اخوج
رهف : كريم طلگ امل و من ساعتها هو بالغرفه ما طلع
رياض : بأستغراب.. طلگها !!.. ليش ؟
رهف : كعدت حجيتلهم السالفه كلها وزودت شويه بهارات عليها
ام وسام : صخاام الصخمها صدك جذب ما كالت ما حجت.. حل بيها والله زين طلگها
رياض : انا راح ادخل احجي وياه ..!!!..يتبع
#ارجوان