جزء مخفي

بارت 1

سلام عليكم..

#جزء_مخفي
_________________________________________

مرحبا اني حور ..يكولون سماني ابوية حوور لين طلعت حيل حلوه ما اشبه احد من عمامي و اول ما شافني بابا كال هاي حوريه ...

مواليد 90  عندي 3 اخوان محمد وحسن وادم  واخت وحده شمس  ترتيبنا هشكل ..
محمد 88 بعدين اني وراي حسن 92 بعدين ادم 93 وشموس 95 ..
ابويه دكتور وامي ربه منزل وعايشين بفلسطين وعادي حالنا حال هوايه ناس ..

نبدي القصه من سنه 1978

☆علي..

اني علي روحي من هل دنيا الونسه احب كلشي بي ونسه رغم حيل اخاف الله وادرس حوزه من عمر 15 سنه وعايش ويا اهلي عندي 5 اخوان اني الوسط عندي تثلاثه اكبر مني حسين وجسام واحمد و  اني نوب بسام   واخوات ثنين سميه و فضيله ..

فتره مراهقتي بالسبعينات جنا على كد حالنا عادي وضعنا ابويه موظف  وامي ربه منزل وابويه مكفينا جان همه كله نتعلم وندرس يكول الدنيا ضربه حظ دامني موجود  عيشو بخيري وخلي شهاداتكم تفيدكم بعدين  ...

عندي  عم واحد عندا 9 بنات  وولد واحد مثنى بنات عمي ولا شايفهن ولا اعرفهن ابد عمي ميحبنا ابد لين هوه حيل متمكن وعمارات وفلوس ومعارض سيارات ما ادري منين اله ولا شلون بس جان روحه من دنيا مثنى ومثنى صديقي حيل ويضوج مني اصلا لين هشكل اصدقاء...

حسين اخويه متزوج هنايه وجان عندا  ولد ثنين  مؤيد و باقر توؤم .. و واختي فضيله زوجت احد تحبه شون حبته ومنين ما اعرف بس حاس هشكل لين وضعها وعيشته  وصعوبه رجلها واطباعه الا هيه متطي بي حرف .. طبعا اني مو ضد الحب ابدد بس تبقه اخ شويه تحز بخاطري سوت شي من وراي بس اكول حمد لله عايشه على حلوه ومره ويا وهوواي تمنيت مررتي مثلها خاف الله ما يوفقني وما اتمكن بعدين  ..

امي متوفيه من قبل 7 سنين تقريبا .. واختي سميه عايشه ويانا هيه مسؤوله علينا كلنا   ...

ابويه حيلل  يحب جهال هوايه  جان حسين متزوج بس مرته مو من ذبتنا وعايشين بنفس منطقه اهل مرته وجهاله بالسنه مره نشوفهم  يجي بس هوه رغم حييل ابويه يتوسل بي بقيهم اشوفهم  ما يقبل ويطلع كل مره عذر شكل بس بالاخير شنريد نسوي اله ..

اني اقرب واحد لابويه   اني مو كد حمل مسؤوليه صح احب جهال بس ما اتحمل مسؤوليه بهل عمر.. عمري هنا 18 سنه تقريبا  من اشوف ابويه رجال جبير ويريد احفاده انقهر حيل  بس شسوي اكعد اواسي ..

علي : يابه بس اتزوج الا اجيب 8 جهال واملي الك بيت كله  اسويهم هيج روضه اخليك تكرهم همين ليش ضايج هيج ..

فاضل : يا بعد ابوك انت بس انت تعرفني شريد.. بس اني ما اعتب على مره اخوك  عمنهه ما تحبنا ولا ثوبنا بس اخوك ليش هيج اني غير جدهم واحبهم وتدري روحي بجهال حتى لو ما شايفهم هوايه ..