جزء مخفي

بارت 12

سلام عليكم

#جزء_مخفي

_________________________________________

دخلت للجامعه متاخره واصلا مالي خلك وتوترت منه مدخلت اول محاضره بقيت بالسنتر وحدي كاعده ..

بالجامعه ما عندي ابد علاقات وحيل مو اجتماعيه  يادوب عندي غفران صديقتي  احجي وياها ومتدري بياسر اصلا ولا تعرف شي خاص بيه..

غفران : هاي انتي هنا عرفتج والله  ولج دكتور عمار سال عليج ..

حور :  هلا غفو شنو شبي هذا خفيف يسال عليه..

غفران  : هنيال كلبج ما يعرف يحب ولج بنات ساحلاات روحهن علي وهوه يتوسل بيج توسل وانتي فوكاها حتى محاضراته ما دخليهن ..

حور : جيت متاخره والله بعدين اني شدخلني بيهن ساحلات روحهن اشو هنه حتى لو قرد هم يسحلن روحهن ..

غفران : بهاي غير حقج  والله .. بس دكتور عمار ترا مبين كلها تدري بي يريدج ..

حور : وداعتج غفو مالي خلك لاحد هسه يوم جريت نفس خليني ارتاح ونروح للمحاضرة وراها ..

غفران : زين لشوكت تبقين تفرضين ناس حلوه هاي لا دكتور بالجامعه رضيتي لا اهل اسنان ويانا رضيتي بيهم لا جماعه طب عام قبلتي بيهم شتردين انتي..

حور : اريدج سكتين ..

غفران : اوف اوف اوف حور الكلاسك شتوقع يعني  تنعجب باحد ..مستحيل ..

حور : ههههه خبله انتي والله اخلص من زهراء تطلعين انتي ..

غفران : دمشي ناكل شي مالح دكتور عمار صعد سكر عندي كد ما مرتب خلاني محاضره كلها معلك سكري...

حور : ههههه اغبى شي بحياتي شفته انتي شون داومتي اسنان ولج ..

طلعنا اني وغفران  ناكل  داخل جامعه طبعا عمو احمد ميقبل ابد اطلع برا لا سفرات لا كروبات ولا ولد ولا اي شي وحدي اني وغفران وغفران نفس وضعي صح عدها بنات تعرفهم اكثر بس وياي مخلصتها بحيث اذا اغيب هيه تغيب ...

وخلص يوم وبالي مو وياي ليش عصبي عليه معقوله لين حركته ..

وفاتت ايام جان ادم سادس وخطيه حيل متعب نفسه يريد يصير دكتور الا مثل ابويه واذا مطلع معدل يعيد لو الف سنه مهم ما يدخل اهلي ما اعرف شنو الي هيج محمسه ..
ومحمد سنه اخيره واني جنت ثالثه وزهرء هماتين ثالثه بس زهراء تحاليل مرضيه وحسن سنه اولى هندسه معماري اختياره جان وابويه براحتهم مخليهم مهم يكملون .. وتقريبا كلنا جانت مرحله مهمه عدنا  و ضعنا و ظروف تعبتنا جنا كلنا متحمسين نروح للمزرعه  .. بس اني خايفه ما ادري شبيه اخاف يطلع مو ياسر خاف يطلع احد ثاني  توتر وقلق واني جان عندي فقر دم  وهواي ضغطي يهبط ما ادري حاله نفسيه لو صدك تمرضت من هل هوسه...