جزء مخفي

بارت 13

سلام عليكم

#جزء_مخفي

_________________________________________

فزيت من صوته صوته حيل يخوف عصبي 24 ساعه ونبرته  تخوف ..

حجيه : حقك يمه حقك اني هم ما عبالي هيج ..

ياسر : حجيه صدكين تجذبين ..

اني اخذت ايد حجيه ودخلت وهوه مد ايده سد باب حيل ..

حجيه : لا تكمزين يمه هوه هيج هذا بس هوسه لا تباعين اله كلبه فارغ ..

حور : ههه لا بيبي قابل شعليه بي بس اني اخاف من صوت عالي ..

حجيه : سالفتنا طويله لعد يمه ..

حور : شنو بيبي ؟

حجيه : هيجي بعد امج هيجي..

اخذتها  وكعدت وباستنا كلنا وهيه تسالني كلساع هاي عيونج هيج زرك ؟  مسويات تجميل مسويات شي بوجوهكم لابسين عدسات  ..

بنات يضحكن وياها وهيه سوالفها تونس رغم  جبيره بس تحجي طك بطك لا تخاف ولا تحسب وفشار بنص حجي واحنا ميتين ضحك ..

حجيه : هاي سميره مملوحه بيها بخت .. شسمج ولج نسيته ..

شمس : شمس بيبي ..

حجيه : اي هاي شميسه  ولج لا تكللي بيبي كولن حجيه  شيخه ...  مهم انتي  ملامحج حاده  وعيونج لونهن يخبل مثلج .. مو مثل هاي اختج شكلها فاهي ما احب بيض اني..

زهراء : حجيه واني بربج مو اخبل ..

حجيه : غديي شمالج ياهوه ياخذج وانتي هيج خفيفه .. راح ضلين على كلبنا ..

زهراء : على بختج مو بس اني كتلج حجيه ليش هيج تكسرين واهسي  ...
جنا حيل متونسين ونضحك  وهاي زهراء ماخذه حجيه على كعد عقلها ومخربتنا ضحك  ... لحد  ما خلص عصر صلو كلهم وتعشو وبدو حفلتهم بال 7 بنات تبوشن ام فهد وام سامر لين اول مره يجونا عود واحنا لبسنا صاياات فوك فساتين ولفينا حجاباتنا بس بقه مكياج  عادي..

ودخلو ولد كلهم مرتضى  و محمد وحسن وادم ومصطفى وبهاء و ذيب وياسر وعمو بسام وابويه وعمو احمد وباقر و واياد ابن عمتي فضيله همين جاي اكبر من باقر بسنه ..

عمو احمد اجه وكف يمي حضني من جتفي ويسولف ويا بهاء وذيب و ياسر بطرف عينه يباوع النا مشكله حتى ميحجي حتى افتهم شنو وضعه .. وملامحه عصبيه  اجذب اذا كلت مره شفته يضحك  ولا مره شايفه ابتسامته اصلا..

ذيب : ولج جنج انتي صاكه حور موو ؟؟

اني بس ابتسم واهز براسي ..

احمد  : اي هاي حوري وهاي شمس وهاي زهراء  .. هاي الي تعرفهم انتم باقين ما شايفيهم ..

محمد  اباع اله عيونه بكصته ما ادري  شبي ..
وياسر اصلا ميباوع النا من الاساسس ..
مرتضى اول مره اشوفه يدخن كبالنا بس مبين يباع لشمس وهيه جانت صايتها ضيقه مبين شلابسه فستان جوه...