جزء مخفي

بارت 4

سلام عليكم

#جزء_مخفي

_________________________________________

علي : شنو الي صار هسه عشتي تونستي طلعتي ودرستي برا ارتاحيتي ؟؟؟

ياسمين : عمري ما شفت رجال مثلك حبني وخاف عليه وراقبني مثل ضلي وحيد انت حسستني اني صدك ضعيفه واحتاج احد وياي الي عشته كله ونستي وطلعتي كلها ما جيب هاي كعدتي وياك وهاي وكفتك النا بعد الي صار كله وكاعد تواسيني همين ..

علي :  ما ردتج تتندمين... هيج اكثر واحد يعرفني أخوج تمنيت سمعين كلامه  ولا هيج صرتي لو ماخذج بذاك وكت  جان هسه كلشي تغير ..
بس هسه اكلج شغله انتي مو بالي ابد ولا تفكرين كعدتي وياج لين عيني عليج لو شي ابد والله اني ورود عاشت على مره وحلوه وياي مداريتني واخواني وابويه وكلهم اخواني يموتون عليها  مو بس اني وام جهالي هيه واخاف الله بيها   بس سالفه وحازه بكلبي وردت اعرفها وعرفت ..

ياسمين :  ادري بيك واني همين ما افكر اخذ رجال من مرته ولا جهاله ان جان اكو غلط هذا غلطي اني لا يضل بالك ...

علي..ذبيت حسره.. : زين الله يستر عليج يا بت ناس  كومي نامي ساعه 4 باجر تكعدون تجيكم ناس..

عفتها ونزلت حسره بكد دنيا على صدري منا موت مثنى ومنا وضع ياسمين .. كعدت بالشارع لحد ال 6 صبح ادخن و دمعه بطرف عيني وكلبي تعبان حيل تعبان..

مرت ايام واني ما شفت ياسمين بعد بقه جسام يتردد على عمي لين عمي لهسه ما يطيقني وزادت سالفه موت مثنى حقده عليه  واني كفيت شري خيري ما اكدر ارجع اشوف ياسمين وهيه  حب بعيونها الي الي حجيته الها جان مجرد حجي لسان اني كلبي وكف من حجيها اصلا ..
ومرت سنين و صار عندي  حسن وراها ادم  واحمد ما صار عندا  بقت حوريه اميره بيتي  كلهم يحبوها حيل ومدلله كلش ما تتحاجه بس هيه من الله روحها باحمد وابويه تحبهم حتى اكثر مني ..

ورود : علي وين حور   متروح جيبها خلي انوم ادم موتني بس يبجي ..

علي :  عوفيها يم ابويه تلكيها لو يم احمد وين تروح ..

ورود :  اكلك عمي من رجع من دكتور لهسه حالته مو زينه حتى دم لكيت متقيء ..

علي :  شسوي يا ورود هذا خامس دكتور اخذه اله غير يعوف جكاير تعب ورجال جبير .. اصبري الي اروح اشوفه واجيب هاي ملعونه همين ..

علي :  ها يابه منوم حوريه يمك يوم وانتي عيني خاتون عمرج 9 سنين شوكت تبطلين هل دلال نايمه على صدره هوه تعبان..

فاضل : ولك بويه عوفها ريت كل تعبني منها  كون كول امين  ..شوفها شحلاتها كاعده تبوس بيه وتكلي جدو لا تتمرض بس تتمرض اتمرض وياك ..

علي : وانت شكبرك مقشمرتك بهل حجي صدك جذب..

فاضل :  بويه تعبان ومابيه احجي عوفها نايمه يمي ما كلبي حاس يريدها وجيب لي محمد ابوسه قبل لا ينام ..