جزء مخفي

بارت 35

السلام عليكم

#جزء_مخفي

_______________________________________

من رجعت  جانو الكل منتظريني ومحمد خطيه  مخابر بابا من جنا يم دكتور وعارف اني زينه جايب الي كيكه  و منتظرني ارجع  ..

رغم ما يخلوني اكل بس اكلت لخاطره حيل جانو فرحانين ..

جان هنايه بدايه دوام يسار وابويه ما اعرف شون رتبوها الي  بس ما اداوم وكت امتحانات بس  وابويه يكعد يقريني ومحمد يشرح الي تقريبا يفتهمون اقل شي يساعدوني اترجم ..

وادومي حبيبي صار دكتور  وحيل فرحانين بي ومحمد تعين بس من كثر ما جانو ملتهين بيه ما خطبو زهراء ولا شمس ولا شي نسدت سالفه  بس الاهل اخذنا من طرفين موافقه  يعني امور شكليات وخطبه باقيات بس..

رجعت و جانو كلهم موجودين  و اني نزلت يسار كامش ايدي و اول مره  اشوفه مبتسم  ورا هل 5 اشهر كلها حتى ضعفان شكله متغير حسيته تعبان ...

كعدنا بالصاله هوه بصفي وابويه عينه عليه حسيت هم بكلبه جان ونزاح  ...

نور : فدوه اروح الك ربي يوم صرتي زينه والله يحتاج الها نذر ..

ياسر : اني ذبحت وزعت على سلامتها ...

أحمد  : والله  يا ياسر ما اعرف شكلك بس وكفتك ما تسولف ابد اني صدك هسه مأمن  بتي يمك ...

ياسر : حقك  ما اكلك شي ما تعرفني ولا تعرف طبعي عليك بالي شفته مني ... وهاي مثل ما هيه عزيزتكم ترا هيه عزيزتي هيه اهلي كلهم اصلا  ...

والي سويته ما ينحجي بي  هذا واجبي اني رجلها واني احبها واتحملها بكل حالات ..

علي : ونعم منك رجال وما قصرت واللله ..

ياسر : دام هيج تمدحوني يوم وحابيني دطوها الي  اخليها بيتي وعيني عليها ...

احمد : اصبر النا ما ضل شي ..

ياسر : شصبر باع شضل بيه شوف شعري ابيض صار ..

علي : ههههههه والله حقك شكلك بس مشيها هل شهر نشوف وضع والله تدلل اخذها ولا جيبها النا بعد خليها يمك اشبع منها شوف لحد ما تمل ...

ياسر : اخ دخلي ازوجها اشوفكم ياهو يجيبها بعد..

جنت اباوع الهم و مبتسمه عليهم شكد انسانه محظوظه عندي ناس هلكد تحبني وتخاف عليه ...
سمعت من امي مره جمله كالت المدلله يم اهلها ..يجيها احد لو يكمل دلالها لو يطيح حظها ..

حمد الله من نطاني يسار وكمل دلالي وزيده  شكد ما اتعبه ما يغثني لو يضوجني ..

محمد : اي انتي شو مبتسمه جنج مكيفه ولج ما تجين النا ...  والله حور اشلع اذانج كل سبوع اجيج اذا ما تجين ...

نور : خطيه رجال ارحمو  بحاله ادري مزوجكم كلكم لو مزوجها الله يساعد كلبك خاله يوم اخذت عزيزتهم ..