جزء مخفي

بارت 20

سلام عليكم

#جزء_مخفي

_________________________________________

جنت ساكت كعده كلها صافن على باقر وافكر افكار ما تجي براس شيطان  اكص راسه لو اكتله هيج  لو اضربه طلقه ماكو شي مجرم ما اجه بالي ساعتها..

فزيت من شفتها تكوم من مكانها وحدها .. مدري شجاني كمت وراها  بلا وعي ..

شفتها  كعدت يم شجره حيل ارتاحيت  ونفسي ستعدل ..
شغلت الشعر الي احبه خليتها سمعه وهيه حبته ..

كعدت يمها و احس روحي تعبان اريدها بس ما اعرف شسوي واخاف عليها مني ..

واكيد ضليت امسلت  من ختنكت هسه تكول شلون يعرف شنو مريض نفسي هيج مراقبني ذبيتها براس صديقي واني بعمري ما عندي صديق نوب لزمت ايدها اكلت من كيكتها جربت احسسها ابين الها او هيج بس  جنت متوتر من هل خطوه  ..   خربت ام السالفه من اجيت سالتها على شجره حتى لو حست بيه من اكلت طيرت سالفه كلها من حجيت.. جبت العيد  ..

نبهتها على ملابسها .. بس من حطت عينها بعيني ضيعت دنيا  وهيه فاهيه منا بقيت اعرك  ما ادري تبهذلت ..

اكره احد يحجي وياي برشا وهيه سألتني لين مزوج ضجت  .. بس كلت اداهرها كتلها عندي بنيه جان بالي يمها اقصدها بس هيه ادريي بيها شمرت بعيد .. وعصبت وراحت ضليت اضحك عليها وعلى عقلها..

بس مكدرت اتحمل اشوفها ضايجه  ..  كوه كدرت أمن جوه محد يصعد ورحت الها  اني هذا فستانها لازم اششكه قبل لا اروح لين اذا شفتها مره لخ بي اطلع من الاسلام ..

والي يقهرني اني بس افتر وراها ما عدهاا احد ممكن هيج يسوي الها شلون ما عرفتني تحجي وياي عبالك ما تعرفني  واني بسرعه اعصب عليها ..

ومن كالت اشوف حياتي مجرد احتماال صغير يخليني اتخيلها مزوجه غيري اموت والله.. عصبت وطلعت الوب بالغرفه ادخن وافكر اكلت روحي  لحد ما رحت اشوفها نامت او لا اني احب اشوفها وهيه نايمه ادخن يم راسها جكاره اصفي فكري بوجهها .. بس ملكيتها طلعت للبلكونه شفتها  شغلت جكارتي  اباع الها شون جانت عصبيه شنو هسه تضحك وعساس تخزرني عود هيه قويه  .. عفتها وطبيت انام ..

وصبح من كعدت وشفت ملابس ومكياج واحنا رايحين للديره  عقل مضل براسي اباوع الها مو يمها ابد ..طريق كله الوب عليها ومن تخربطت اني من يمي وجهي صوفر  حيل خفت عليها وهذا احمد راد ينومها على رجله حسيت حراره بنص معدتي من قهر .. همزين  كملو طريقهم  ..

وصلت واني بالي كله يمها شون تنزل هيجي وناس هناك تختلف خابرت بهاء وذيب كتلهم  ما اشوف اي طير بالمزرعه غيرنا  حتى ولد عمي ما اريدهم وهمه نخبصو وياي ...

من نزلنا راد يشيلها دعيت ربي واني بمكاني ...

ياسر : ربي اذا شالها كباالي اموت اخذ امانتك ولا تخليني اباوع الها هيج ..