جزء مخفي

بارت 26

سلام عليكم

#جزء_مخفي

_________________________________________

رغم جان مقهور عليه بس حسيته جان يريدني جان خايف يخسرني  ..

نمت واني بالي كله يم حياتي شون نكلبت بيوم وشون هيج صارت رغم اني نومي ثكيل بس وكتها من كثر ما طبو عليه نور ورود و زهراء وميار وشمس  وامي كلساع احد يجي يباوع الي ويسد باب  وتروني حيل و تعبو تفسيتي كد ما شفتهم يبجون عليه ..

كعدت بال 6 لكيت شمس وميار وزهراء يمي نايمات  زهراء يمي  على جربايه وميار و شمس بالكاع..

ضحكت على منظرهن خطيه ما طاهن كلبهن انام وحدي...

نزلت على كيف توضيت وصليت و دعيت الله يسهل وضعي لين جنت حيل ضايعه احساسي جان غريب ما عبالك مريضه  صح تعبانه وخمول ويغمى هواي عليه بس بيه حيل بعدني ...

شفت رشا نزلت  بس هل مره  باوعت الي من  بعيد ونظرتها تخوفني مدري ليش  بلعت ريكي لا بيه اعوفها و اعبر بنص باب واكفه ولا هيه تتحرك ..

مدري شجاني الخوف مشه بجسمي  خفت اسوي الي شي  ومنا ذكرت حجي يسار هيه مريضه مدري متكأبه  تخيلت هيه تدري بيسار يحبني وهيج الوضع رجليه ضلن يرجفن ..

ما حسيت الا يسار دخل للمطبخ ..

ياسر : خير رشا شعندج هنا ..

رشا : تشبه امك هاي  نفس الوجه..

باوعت اله عصب حيل ولوه ايدها حيل ورا ظهرها مبين لزمته قويه واذاها ..

ياسر : اكص لسانج اذا قارنتيها هيج  مره ثانيه  لو جبتي هل طاري على لسانج ..

هيه مبينه متعوده بحيث ما بجت ولا طت رد فعل وخرت ايدها على كيف وصعدت فوك  مشكله ابد ما تطلع  ما اعرف 24 ساعه شسوي بغرفتها حتى ما تنظفها كل سبوع مره...

تقرب الي ياسر .. : شبيج ليش ترجفين ما تكدر سوي الج شي ترا بس هيج  ما تاذي احد ..

حور : مدري خفت حيل منها حسيتها راح تكتلني ..

ياسر : ههه ما عاش الي يطخج واني موجود..

حور : ليش ضجت من شبهتني بامك ..

ياسر .. عقج حاجبه .. : شلج بهل طاري ليش تعصبني مو كتلج عوفي  سالفه ...

حور : لا اريد اعرف شهل سر هيج ماثر بيك ولا احد يرضه يحجي بي من خوف حتى محد يهمس بالموضوع...

ياسر : لا ضايكين خلكج بهل سالفه مالي خلك احجيها همين تلعب نفسي ..

حور : بس اريد اعرف مو وعدتني تكلي ..

ياسر : اوف منج اني وين اكدر الج اصلا .. هاهيه تعالي نكعد بالحديقه واكلج ..

حور : اصبر اصب جاي النا ...