جزء مخفي

بارت 2

سلام عليكم

#جزء_مخفي

_________________________________________

سميه : كول خويه شنو موضوعك

علي : تعرفين ياسمين بت عمي ..

سميه : اي و يانا بالمدرسة  هيه سنه خامس يمكن انت اكبر منها بسنتين  ..

علي :  شرايج بيها باخلاقها زينه هيه بالمدرسه صديقاتها ..

سميه : والله ياخويه انت تدري بيهم ما يحبونا واصلا ما تكلهم اني بت عمها تستنكف منا ودومها كال ابويه وحجه بابا  وبابا يسفرني وبابا هيج .. وبيني وبنيك أحلامها بالعالي تريد تدرس وحدها برا ..بس بالنسبه الها اخلاقها امانه الله مابيها اي شي حبابه وما عدها سوالف مكسره حتى الي يحجي وياها  لو يريد يتحارش بيها  ما ترد ولا شي غرورها اصلا ما يسمح الها ترد

فاضل : شجابك عليها نوب رحت على بزر كعده ماته  هوه ما يخاف الله وزع بناته على مسؤولين وعلى الي عدهم مراكز وشافهن يوميه وحده يمه الي زعلانه والي تطلك والي مدري شبيها هيه ضلت هاي عده تريدها يطيها الك ..

علي : ما احب هل حجي يابه ليش تستنقص مني وانت كلتها محد منهن مرتاحه شكو بعد اني احبها صار فوك سنه موتت روحي وما وصلت الها ولا شي كلت خاف يفكرون بيه بشي مو زين  بس هسه رايدها اني على سنه الله ورسوله شكو حتى يرفض اصلا ..

فاضل : شوف ابني  اني اخويه واعرفه  مايدك بابي شمحتاج شرايد ..تر..

علي..قاطعت ابويه :  احنا ما حتاجين شي منه حمد لله انت مكفينا  وجسام يساعدك همين واني هسه اشتغل واعين روحي هنه كم سنه واخلص والله يوفقني مجاي نجدي منه  اطلبها من عندا والي بي خير يقدمه ..

*جنت حيل ضايج واني اسمع حجي ابويه ما ادري ليش ما مخلي النا اي اعتبار رغم احنا احسن من بناته واحسن من ابنه حتى ورافعين راسه بكل مكان  ابويه ليش هلكد فقير  ما ادري ..

فاضل ..وهوه يهز براسه :  هاهيه رايدها ما اكسر خاطر احد بيكم من رفضتو كلكم حسين ياخذ ام مؤيد ما طيت بي ولا هسه اطي بواحد بيكم الي تريد يا ابني بس ما ردت احد يكسر كلبك ..

علي .. كمت على ابويه بسته من راسه : ما تقصر ابو حسين دومك على ماينا واوعدك لا انقص منك ولا امس كرامتنا اني همين ما اقبل احد يمسنا ..

سميه : زين شوكت نروح نخطب  اوف عدنا عرس..

علي : دصبري ولج يا عرس دخلي نشوف  عمج وين يودينا ..

وراها  بشهر و 12 يوم ضبط رحت لبيت عمي نخطب  جان مثنى يدري وخطيه خايف من رد فعل ابو  وطريق كله يوصني احنا اصدقاء مالي علاقه بالي يحجي ابويه واني وين الكه احسن منك لاختي ..

ادري ما يحجي هوه حجايه فوك حجايه ابو بس بقه موقفه يخبل عندي ..

ابو مثنى : هلا والله حياكم الله شعجب  جاينه ابو حسين