جزء مخفي

بارت 15

سلام عليكم

#جزء_مخفي

_________________________________________

حضنت زهراء وابجي من كل كلبي عبالك احد عندا ميت ..

زهراء : سوده عليه هيه  ساعه عفتج عبالي نمتي والله جنت اشتغل جوه شبيج ..

حور : ليش تعوفيني كلبه ليش تخليني هيج انقهر ليش تخليني بهل موقف ..

زهراء : دهدي والله ما ادري  من نزلنا رحت ورا محمد صحته اخذت صوره ويا للذكرى هوه خله ايده على جتفي ودهور اوضاعي ويا وعفته وكمت ..
رحت للمطبخ ويا امي  و  نور  نشتغل لين خاله ورود كاعده يم خطار نوب رتبنا فراشات  وصعدت الج جان مرتضى الا يتعشه وصار ساعه اسوي بس كملت صعدت .. 

حور : اوف شوفي شسوه هذا ياسر..

زهراء : شبي هذا ابن خايبه موتنا ..

حور : بديت  احجي الها كلشي وحجيه  من كعده حديقه لحد ما صعد ..

زهراء  : هسه  حتخبل كل ما اقرر اكول مو هوه مستحيل هوه يسوي سالفه يخليني اشك من جديد  اكول لا هوه .. بعدين شهل تصرفات شنو يسوي هيج اشوفج اطلكج اعوفج اجيبج  ...

حور : ما ادري  كلبي ورم تعبت والله اريد اروح باجر بس حتى  اخلص  من هل سالفه افصخ عقد و ما اشوفه مدى حياه  الله لا ينطي يوم ساحل كلبي ورا وهيج يسوي هل مريض نفسي هذا ..

زهراء جانت حاضنتني .. : كافي يروحي  يطبه مرض الف من يتمنتاج تاج راسه همين كافي الناس الي تخطبج من جامعه ومن  ابوج من حوره هسه شايف نفسه...

رفعت راسي ومسحت دموعي .. : بيش ساعه هسه ..

زهراء : 3 ونص ..

حور : هاي بيش ساعه فرشتي الهم  ..

زهراء : من 12  وسويت اكل  لمرتضى ان شاء لله سم من 1 وربع ...

حور : وليش ان شاء الله سم ..وليش  بال 2 ياله صعدتي...

زهراء : خايس اسوي اله عشه ويكلي خلي شموستي صعده الي  من اشوفها نفسي تنفتح واشوفها قبل لا انام همين يابه ماسوي الك هيه لعد ...لاخطيه اخاف عليها تتعب ... جيت ادفنه الطلي من هسه يفتر وراها ..

حور : ههههههه صدك يحجي هذا واكع محد مسمي علي.. ايي ما عرفت همين ليش تاخرتي ..

زهراء : يا طويله عمر جنت اسوي كبه وهاي سوالف للخايس اخويه جان يطب محمد ..

محمد : متسويي الي وياج اني همين جوعان ..

واني اسكت طبعا لا ما اسكت ..

زهراء : مو زين على جسمك ورا  9 بالليل ..

حور : ههههههههههه لا صدك ما تسكتين شذكرج بيها ... اي وبعدين

محمد : هاا لزمتيها عليها ...

زهراء : لا شكو تدلل اسوي الك بس عبالي ما تكدر..