جزء مخفي

بارت 28

سلام عليكم

#جزء_مخفي

______________________________________

جان ياسر يحجي  رغم هادي صوته ناصي بس حيل عصبي و  حسيته شايل هم دنيا على جتافه يعني صدك انسان بحياته ما شايف راحه ..

جكاره ورا جكاره ساعه ونص يسولف خلص بالباكيت ..

صراحه مجنت اعرف شرد علي ولا ادري شون اواسي بس حيل نقهرت شون هل حب هيج يخلص شون هيج تسوي امه ..الفين ليش وشلون براسي بس جنت مصدومه  ..

الي  خوفني كتل امه .. اكو انسان يكتل امه اني ما ربتني امي كد ما ربتني  عمه نور بس اذا شفتها تبجي ابجي وياها  هاي امي يعني شون كدر هيج ..

ملكيت كلمات تعبر على وضعي من جهه حقه ومن جهه يخوف وما عرفت شسوي بقيت بس اباوع اله ومبين عليه جنت مصدومه بس اكو جانب جان يكلي حقه الي عاشه مو شويه ...

ياسر : ليش ما تردين عليه همين كرهتيني لين هيج سويت؟؟

حور : لا  ... بس نصدمت ما عبالي  سالفه هشكل  .. اسفه فتحت الك  هيج موضوع من صبح..

ياسر : لخاطرج عادي احجي بس هل مره وراها تنسيها ولا تحجين يم احد ابد  لو شيصير ما تنفتح هل سالفه بالبيت ..

باوعت اله وهزيت راسي.. بمعنى...اي

ياسر : باعي  ادري الي سمعتي صعب عليج بس ثقي بالله اني يمج غير والله اتغير اني ما انزل روحي لاحد ابد وعمري ماثنيت كلمتي بس انتي لا من اشوفج حتى ابرد واعصابي ترخى لا تخلين موضوع ياثر عليج ...

ولا تفكرين ممكن امد ايدي عليج لو اذيج لو شي ابد والله اذي روحي ولا اطخج بحرف ..

جنت جاي ارده  واجه عمو احمد ..

احمد : صباح خير ..
حوري باباتي .. شسووو هنا  من شوكت كاعدين..

حور : صباح النور عمو .. قبل شويه  كعدت  خطيه  ياسر جاب الي عصير وكتله يكعد يمي حد ما تكعدون ..

عمو يخزر ياسر بس ما يكدر يحجي شي واحد بعيد عن اللخ اصلا ..

احمد : ليش دخن يمها مو زين عليها..

ياسر : لا هيج  وحده  وهيه بعيده مو يمي مو هلكد تشتمها..

حور : عادي عمو مابيه شي ..

احمد : شون صرتي ان شاء لله يوم نرتب وضعنا ونرجع  ونراجع خليج قويه ما اريدج ضعفين واهم شي حالتج نفسيه ما اريد شي يضوجج ابد   ..

جان يحجي وياي بس يباوع لياسر  وياسر توتر كبل ..

احمد : اي شيخ شكد جرجر بسالفه العقد بعد ..

ياسر : والله يا احمد تدري بوضع وتركضون بحور شوكت اكعد واحاجيكم ..

احمد : اليوم كاعدين  قبل لا نرجع حلها وخلصنا ..