جزء مخفي

بارت 5

سلام عليكم

#جزء_مخفي

_________________________________________

خلصت فتره واني موت ابويه اثر حيل بيه حسيت بيت غربه عليه وحور حيل تغيرت من جان ضحكها وصوت لعبها مالي بيت صارت حيل هادئه واكلها حيل قليل ورود ما تلحك الهم كلهم ولد وكحين حيل وادم على دلال امه لين صغير ما ينحمل ...

دومي اجي الكا حور كاعده وحدها لو تباع لاخوانها من بعيد رغم احمد ممخليها ابد روح بروح وياها بس اخاف عليها حيل ونشغلت عليها اجاني بعثات ومؤتمرات واسافر وابقه برا فترات طويله ما اشوفها هلكد ..

لحد ال 95 نصدمت من سمعت ورود حامل جان هذولي مكفيين ما ردت اكثر جهال وضع عراق تعبان ابد مجان وكتها بس هيه قسمه بيد رب عالمين قابل اتبطر... اجتي شمس شمس سمره مملوحه تشبه سميه حيل سمار وحده معانيها مخليها حيل جذابه وشكلها تحسه جدي وحاد من تباوع الها عكس فهاوه وبراءه الي بوجهه حور..

اجتي فتره تعبت حيل اني والا احمد كلنا نفسيتنا تعبت وضع عراق همين تعب صادف ما مر هواي على سقوط صدام ونفسيتنا تعبت كلنا من حبسه البيت رغم ما حسينا فترت التسعينات هلكد لين جنا كلنا متمكنين وعدنا لهيج اواقات .. فقترح احمد يروح يم واحد من خوالي بالعمارة عندا مزارع وحالته ماديه زين حيل بس هوه يحب اجواء ريف وناس اهل عشاير وعلى كولتهم خبزتهم ترد روح ..
اقترح احمد نروح يمهم كم يوم نغير جو ونتونس همين وكتها اخذنا اجازه كلنا واني ورود وجهال واحمد ونور رحنا ... جسام جان مسافر هنا لسوريا ..
تقريبا ب 2005 او اقل من رحنا جان جو حلو بدايا شته حوريتي عمرها 15 سنه تقريبا وحيل حلوه ماخذه كلبي بشكلها وهدوئها محد يعرف شنو الي بالها حجبتها من كثر ما خفت عليها احمد ابوها ثاني ليل نهار يمه واني مطمئن لين بحكم شغلي وتعب ما انتبه هلكد وامها الله يعينها على ولدها وعلى شموسه ..

فتره هاي تونست حيل يمهم وغيرو النا جو نطلع ونفتر بالبلم ونروح للحيوانات حور حيل حبت الاجواء وكلنا متونسين عليهم ..

علي : شبيك احمد ليش ضايج ..

احمد : يا اخي هاي بتك فتنه ..

علي : ياهيه من بناتي نوب سويتها فتنه ...

احمد : اوف اكو غير هل حور الي ما تنحزر ..

علي : ولك شبيها وينها ..

احمد : لكيتها متمدده بنص مزرعه وتباع للسمه وابتسامتها شاكه حلكها وابن خالي ياسر بس يرزلها واكلها بعيونه  وراها لكيت ذيب يفتر وراها ... واني روحي شاطت والله اجيت ادفنه كوه سكتت ورحت دخلتها ..

علي : هههههه شجاك احمد ياسر اكبر منها ب 10 سنين يخلي عقله وياها وذيب اكبر منها بسنتين  بعدين شنو تغار عليها..؟

احمد : والله يا علي هيه بس بالاسم بتك ترا هاي اني ربيتها خلصتها يمي مااكدر احد يمسها والله ادفنه..