جزء مخفي

بارت 3

سلام عليكم

#جزء_مخفي

_________________________________________

علي كعدت ويا ورود وخجل بعيونها ابد ما عدها لا صلافه ولا غرور ياسمين فرق بينهن من سمه للكاع..

استغفرت ربي ما احب اقارن هيج اخاف الله بيها حتى الله يباع الي ..

ورا كم شهر جهزت اموري واني حمد لله عندي جان بس جسام اصر ساعدني وكدرت اتزوج ..

ما انكر فرحتي يوم شفتها وهيه بيتي بس اكو فد غصه بكلبي تمنيت هواي سوالف بس هيه قسمه وهذا الي صار...

ورا شهر ونص ضبط حبلت ورود وكتها دنيا عندي بجهه ورود والطفل بجهه تمنيت من الله تجيني بنيه واحقق رغبه ابويه وارتاح اشيل هم من كلبي ..

جانت مره احمد حيل حبابه وفقيره همين وهيه ويا ورود شايلات لبيت وسميه سنه ثانيه كليه ازوجت بقه بيت النا ..

اول ما رحت اشوف جنس طفل جان ماكو هلكد سونار وهيج لحد ما جابت كالو الي ولد ما انكر فرحت بس تمنيته بنيه احب بنات حيل مثل ابويه بس ما اطاني الله خوات هوايه ...

جابت ورود محمد بال 88 ليل نهار يم ابويه ينومه ويوكله واحنا ابد ما نكسر بخاطره كله يمه مبقي ..

ورود : علي ما جيب محمد انومه خطيه شلع كلبه لعمي ..

علي : عوفي هوه متونس علي شسوين اله هسه بس ناخذه يكول شنو رجال جبير اني شنو هيج تحجون ..

فاضل : ترا اسمعك علي لا اجيك ولك لا عبالك تكبر وعود عندك جهال ..

علي : هاج شفتي عوفي يمه حروح اني عندي شغل حفتح عياده محتاجه شي ..

ورود : اي اريد اسوي تحليل حمل ..

علي : لابربج حمودي عمره سنتين بعده..

ورود : شنو وحدي حبلت يعني ما تدري انت حمودي عمره سنتين ..

علي : اوف منج يلا تعالي إن شاء لله تحبلين يارب بنيه فدوه اروح الك ..

ورود : هسه دخلي اشوف اول شي ..

علي..وكتها ا طلعت ورود حامل و فرحه جبيره نضافت للبيت انقهرت حيل من اجيت بشرتهم ومره احمد دمعه بعينها وهيه تبارك النا جان سبب منها بس احمد حيل يحبها هواي انتظرها ما يقبل ابد نفتح سالفه زواج لو شي واحنا ما نحجي ولا ندخل بخصوصيات احد اصلا ..

حسين يمر النا فترات ولده كبرو وعمرهم بال 10 سنين تقريبا بس ما عدهم محنه علينا مثل مايحبون اهل امهم .. سميه عدها مرتضى اكبر من محمد ب 3 سنين وحبلت ضبط ويا ورود فرق كم شهر بنيهم و اما فضيله عدها 6 ولد وبنيه .. اخرتها باقر بكد محمد ..

وكت رحت المستشفى من جابت وكالو الي بنيه كعدت برا بجيت لحد ما تعبت وناس عبالها ما اريد بنات و تواسيني ما يدرون هاي اميره بيت حتجي تنورنا كلنا ..