جزء مخفي

بارت 24

سلام عليكم

#جزء_مخفي

_________________________________________

طبينا للدكتور رغم بالعماره بس عرف ابويه و دخلنا اول شي وسولفو سويه وحجيت ويا..

سالني دكتور على وضعي ومن شوكت وليش وابويه حجه اله سالفه أمراضي وهيج بنيتي ضعيفه..

دكتور : انت هم جراح وتعرف مو اكيد يعني بيها شي اول شي لاحظت اكلها حيل قليل وهذا يخلي بنيتها ضعيفه وما تتحمل شي ..

بس اني حسوي تحاليل عامه وتتأكد من كلشي ياله ما اخلي دكتور علي يكول عليه مو خوش دكتور..

علي : ههههه الله يخليك دكتور والله عندي معارف بغداد هواي بس اجيتك هنا اتاكد ادري بيك كلش زين ..

اخذني ابويه للمختبر وسوا الي تحاليل كومه هلكت من تعب بحيث دوخه شكلت عندي مو طبيعيه كوه امشي ولازمه ابويه..

لحد اخر تحليل رادو بعد دم من شفتها سحبت الي دم هبط ضغطي واغمه عليه ...

كعدت لكيت روحي على سديه يم دكتور ويفحصني ..

دكتور : حور بابا انتي عندج فوبيا من الابر..

حور : الي بالعضله اي بس هاي عادي صار سنين احلل كل شهر مرتين لو 3 ..

دكتور : ماشي بابا لا تخافين عادي تصير هسه تطلع تحاليل ونفتهم ..

وكتها ابويه سندني وخابر على ياسر يجي ياخذنا لين تاخرنا لحد ال 5 يم دكتور وتحاليل وسره طويل وهوه رايد الفين تحليل ...

طبك ياسر سلم على ابويه وعينه عليه ..

ياسر : ها علي خير ان شاء لله شو كوه كامشها شهل مغذي شنو تخربطتي ..

ابويه يفتح باب سياره ويحجي ..

علي : ماكو شي بعدنا باجر لازم اخذها للمستشفى اكمل الرنين ...
افتح الي باب خليها اصعدها تمدد..

مشه ياسر فتح الباب بدل ابويه وسندوني كعدت...

علي : تمددي بابا طريق طويل وازدحام هسه اعلك الج مغذي بالسياره...

تمددت وياسر حيل ضايج وبس يباوع الي وعصبي مبين عليه تعب رغم صبح مابيه شي جان..

طريق كله ساكته اني ومنعسه مدري شجاني تكسلت حيل بقيت الوب ما اعرف انام بالسياره ابد ..

ورا ساعه ضبط ياله وصلنا للبيت عمو احمد عصبي بالباب..

احمد : شنو علي جان خابرتني اني اجيكم .... شبيها حور شو عمو شجاج متكلليلي..

نزلني عمو وساند ايدي و شالو المغذي .. ياسر ما خله احمد يدخلني ...

ياسر : احمد بنات منا خليها هيه تدخل لو صيح امها تاخذها من باب ..