جزء مخفي

بارت 10

سلام عليكم

#جزء_مخفي

_________________________________________

فتحت الرساله..
( كلبي يوجعني بيج شي ؟)

زهراء : هذا مو صاحي لو شنو بعدين اذا ياسر مفروض يعرف  وضعنا اكلج هسه تاكدت مو هوه..

حور : والله حتخبل شون مو هوه منو هذا يربي ..
خليت ايدي على وجهي وابجي حيل بجيت  وزهراء حضنتني ..

زهراء : شبيج حور شجاج خلي يولي  عليمن هيج تبجين اصلا لو ياسر جان يدري وضعكم ما يدز الج هيج ..

حور : واذا طلع هوه ويلعب باعصابي ..

جان توصل رساله ثانيه ..
(  من تبجين كلبي يوجعني اكثر )

تهسترت طفرت من مكاني ادور بالحديقه بالباب حتى فوك شجار وينه هذا شمدري ابجي شون شافني ..

زهراء : شبيج تخبلتي وين خاتل يعني ويشوفج اكيد مجرد تخمين كافي حتموتين ..

اخذتني ودخلتني  بغرفتي تمددت  واني صافنه  على سكف ..

زهراء : كافي يا ربي كافي حتموتين الله ياخذ هل حب هذا يابه يجي يوم واعرفه واذا ما خليته يزوع العافيه على هاي سوالفه فلا اسمي زهراء بالقران..

حور : ما اريد اعرفه اصلا خلي يولي ..

زهراء : اوف سوده عليه  ... بس حور معقوله وصل هل مرحله من حب كلبه يوجعه  عليج هيج وهوه ما يدري بيج هل درجه مخبل بيج يعني ..

حور : ما ادري اني  ساعه احس بروحي تريده  وساعه اكرهه ..

زهراء  : امنيتي محمد يحبني ربع هل حب عمي بس يباوع الي قابله ..

حور : شعاجبج  بي بله هذا ابو بننات ..

زهراء : والله هنه يذبن روحهن علي هوه حباب سوده عليه ..

حور : ربي اذا تريد تلطف بيه زوج زهراء  لمحمد وخليني اخلص تعبت نفسيتي من وراها حتى كرهت اخويه كد ما تحجي بي ..

زهراء : امين يربي امين اسمع الها ....

اكلج حور  شمس يوم حيل هادئه وشفتها مركزه ويا مرتضى ما ادري حستيها عينها علي ..

حور : هاي صغيره هسه تفكر مرتضى سوبر مان مالتها  وهوه اكبر منها بهواي ما توقع اصلا يفكر بيها .. اني المح الها  من استفرد بيها  لا تاخذها افكارها فوك غيم ...

زهراء  : امانه الله اخويه فقير وما عندا حب وهل حجي بس ما اتوقع حط عينه على طفله اصلا وخطيه هيه خاف ينكسر كلبها شي ..

حور : الله كريم خلي نام تعبت ورانا ايام طويله ...

...........................................

مرت ايام فاتحه الرجال الي مات  او نقتل ما ادري بالضبط يعني ..
هاي احنا كل يوم نفس لمه يلتمون هنايه جسام عمي طالع برا عايش بالسويد ..
وبسام ماخذ مرته علاج بتركيا صار اله بالشهرين وما يكدر يجي ..وعمو حسين اصلا مستقر من قبل سنتين  بتركيا  همين  فكله على عمو احمد واكع..