صدك اكلت وشربت دواي وراها ما شفت احد من ولد ابد وغرفه شمس صايره الصالون مالتنا ..
و اول ما دخلت للغرفه صوت هلاهلهن مله البيت و زهراء جانت تصورني واني ادخل عود ...
وبلشت بيه اول شي واغاني ومعلي ويركصن ويخلن مكياج زهراء مخليه نفسها وشمس من صبح من 8 مخليه الها فجانت اسوي شعرها ..
خليت مكياج حيل سمبل ومابي اي شي طوخ غير حمره ولبست هذا فستاان..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
حرفيا جان حيل حلو عليه وشعري رفعته ..
زهراء : اكلج خاف ياسر يتخبل وياخذج هسه شنسوي...
شمس : اللهم صلي على محمد ما عبالي هلكد حلوه طلعين ولج هسه صدك يتخبل ...
حور : صدك فدوه لكلبكم ..
صعدت عمه نور وامي وامي دمعت وحضنتني وكلهم كالو الي شكد حلوه طالعه بس جنت متوتره مدري خايفه خفت لا اتخربط لو اخرب هل يوم جنت حيل حذره وكلساع اخلي شي بحلكي حتى لا يهبط ضغطي ولا اتعب ولا امشي هوايه ...
لحد ما صارت بال 2 نزلت و لكيت كومه ناس جوه ..
ام ميار و ام فهد وام سامر وحجيه وبنات عمه كومه ما اعرفهن وبنات عماته كومه كومه ناس ..
كلهم جانو عيونهم عليه كاعده بالكوشه واجتي حجيه باستني ...
حجيه : ان شاء لله يا رب تكومين بالسلامه وتجين يمنا ...والله يحميج من عين يمه صلوات على محمد طالعه فلعه كمر ...
