عندما تعشق الشيطانة الطاهرة / الكاتبة منال منولة

۝ 1۝

في قرية من قرة تركياا ..

ليلة تاع عاصفة ...الريح والمطر يعزفو على البيبان .. برد كبير .. بصح يقولو بلي البرد فالقلوب .. عائلة صغيرة كانو راقدين في حالهم ..اما مش عارفين الي قاعد يقارعلهم ..

طموبيل كحلة حابسة في كارطي صغير .. كي وصلت 12 تاع اليل نزلو منهااا ..هدفهم محدد .. بدون رحمة ولا شفقة ... زدمو على دار ..طيحو لباب نتاعهااا كيف ماطيح ورقة الكارطااا ..ودخلو برشاشتهم ..

رؤياااا .. وش كاين ..وش صرا ( كانو راقدين)

احمد (رفد الطفلة من فراشهااا ...) ادخلي للداخل تخباي وهاذ لطفلة ..

رؤيا (شدتلها عليه )وانت احمد وين رايح ..

كانو يحكو حتى زدمو عليهم للداخل .. وبدون اي مقدمات .. بقاو يرشو فيهااا بالرصاص .. طاح احمد هو الاول ..ورؤيا خرجت في هاذيك الشتااا .. تحاول تحمي بنتهااا .. حتى صابت كي شغل صندوق صغير .. حطتها فيه .. ودارتلها سلسلتهااا .."هاكي هاذي تحميك من اي شر ..نحبك " ..

اول ماطلعت الشمس ..

الشرطة القضائية محاوطة المنطقة كامل .. الصحفيين عن لباب .. والناس واقفة .. منهم الي حزنان على وش صرا لهاذي العايلة ومنهم الي بالنسبة ليه شئ عادي يصرى لاي عايلة ..

المحقق ...شاف الجثة .. احمد يافوز .. باحث كيميائي ..

المحقق 2 .. بقا يعاين فيه .. مانظنش بلي حساب قديم بينهم puisque هذا السيد استاذ فالجامعة وزيد عندو مخبر للتجارب ..

المحقق 1 هاذيك هي مالا بلاك طلبو منو كاش حاجة .. وهو قال لالا ..

يتبع ..

·
الحلقة 2 يوم عادي .. في قاعة لمحكمة .. المتهمة مقابلة القاضي .. وخايفة بلاك ليوم رح تكون اخر يوم تكون حرة فيه .. ولا بلاك لمحامي تاعهااا يقدر يخرجهااا كيما الشعرة من لعجين ..راهي فالوسط وخايفة من الميزان لاتترجح الكفة ..

المحامي .. سيادة القاضي .. من فضلكم اخبروني .. لماذ يقتل المرء .. لماذ ..

هيئة المحكمة قاعيين يستمعو ليها ..

المحامي بقااا يعدد بصباعتيه .. لاثلاث اسباب .. للمال .. للانتقام واخيراااا لرد الاعتبار .. اما موكلتي لم تكن تملك اياا من هاذه الدوافع .. كانت انسانة عايشة في سلام حتى نهار الحادث ..

هيئة المحكمة بقاو يستمعو ليه .. ومرة على مرة يتشاور مابينهم ..بعد نص ساعة تماما..

خرجو كامل من قاعة المحكمة .بعد اصدار حكم البراءة ...كانت تتمشى بكل فخر ..الي سماوها الملكة ماغلطوش .. تضحك بكل فخر واعتزاز ..

المحامي (قرب منهاااا .). كيما العادة خرجتي كيما الشعرة من العجين ..

جيهان (قربت ليه .). كيما موالف ..ديما فالصدارة والقمة وثعلب واحد مايقدر عليك