عندما تعشق الشيطانة الطاهرة / الكاتبة منال منولة

۝ 14۝

·
الحلقة 66

· ماتحبو ماولو . بكات دموع لندم على حياتهااا وعلى ولادها الي ضاعو منهااا..اما شكون السبة امجد اكيد ولازمهااا تتهنى منو ..

وصلت ساعة لحفلة ..

كان كلشي انتيك .. الفرقة الموسيقية تعزف على جيهة .. والناس بدات تدخل .. كلشي كان بالكريستال .. هبطت جيهان وهي مكروشية ذراع خديجة .. وخايفة ميتة .. اي واحد يعرفها رح تروح في شربة مية كيما يقولو خواتنا المصريين .. كانت تتبسم مع الناس وتتمشى بهاذيك الغوب صواغي فالاخضر ..وشعرهااا دايرتلو شنينيون عينيها الزرق الكبار .. الماكياج زادهم سحر وسر ..

فارس دخل للحفلة .. وعارف بلي هذا الشئ خطر وخطا وقادر يخسر كامل لحالة .. اول ماشفها من بعيد تضحك حس بروحو انسرقت منو .. حس باحساس يخطف النفس .. قلبو با يدق وحس بفرحة وقشعريرة في كرشو .. مهما كامن حاكم روحوا لا انو قداهااا كلشي يطيح .. بقا يتمشى ويتعشق فيها من بعيد قرب منهاا وهمسلهاا ..كون تعريتي خير

جيهان دارت وشافت فيه .. حتى مش قليل .. كان في كامل اناقتو حتى البارفان الي داير منهااا داتلها عقلهااا ..

_ وش راك دير لهنااا..

فارس( تنهد ..)تسقسي بزاف تحكي بزاف ..نورمالمون لقاتل مايكونش هكااا

جيهان )شافت في خديجة وتبسمت باه ماتحلبش لناس .).وش تستحق

فارس (شدلهااا البوشات حطلها لتلوفن لجديد) هذا رح يكون صاحبك من وهاك حرزك تودريه ..اي حاجة تقدري تسكاني بيه حتى تحلي لي مودباس بيه ..

جيهان بقا ت تشوف في خديجة الي جياة من جيهتهم ..

_ جيهان بنتي ارواحي للمنصة حابينك نتي تقولي لكلمة تاع السهرة ..

بعدت جيهان على فارس ..بقات تتمشى وهو شد مشروب وبقا مقابلهاااا ..هياا جيهان وريلي شطارتك نعرفك قافزة ..

خديجة وقفت قدام الميكرو ..( اعزائي ضيوفي لكرام .. ليوم تجمعنا لحاجة مهمة بزاف .. وهي اني قدرت ولا قدرنا نصيبو بنتنا الي غابت علينااا من اعوام .."

خديجة كانت تحكي .. وفارس مركز معاهاا ولانها لابسة غوب كحلة بانت فيها نقطة حمراء ..فارس طلع راسو صاب سنايبر لفوق مع الي دايرين لحلفة في حديقة ..

خديجة كملت تحكي وفارس بقا يمشى من ناحية خديدة وجيهان .. غير بلعقل باه مايخليش الانتباه كامل عليه .. بقا يتمشى حتى جيهان لاحظت انو جاي اما شتت انتبهاها خديجة الي جات تحلطهاا عقد على عقنهاااا .. شوية وفارس جا قدامهااا ..ماشافو غير غبار يطلع .. والناس بداو يهربو .. جيهان من الهول الي كان قدامهاا وهي تشوف في فارس يطيح طاحت تغاشات

الحلقة 67

حنان كانت مع ريسال ..ولات خطرة على خطرة تروح تقعد معاه مع ان عندو نوغيس تاعو اما هذا الشئ يريحهااا ويخليها تبطل تخمم في ربيع الي راح ودا قلبها معاه .. وي / بففف هاني جاية ...خرجت تجري ..