عندما تعشق الشيطانة الطاهرة / الكاتبة منال منولة

۝ 9۝

·
الحلقة 41

· فارس (بلع البيسي ...) هاذي هي خطتنااا ..رح نكونو محاصرينو من كل جهة .. رح نعرفو شكون لممول ونعرفو شكون الي راه يطلب منو هاذي التعيلات الجينية ..

جيهان ناضت وخرجت تجري .. شادة يدها على قلبهااا وتتنفس الصعوبة ..

فارس( لحقهااا .. دورها ليه .). لاول مرة مهمة سهلة ..رح تنقضي امة كاملة ..

جيهان (شافت فيه بتحدي .. )رح ترميني في فم السبع وتقلي تنقضي امة ..انا نقتل ماننقض حتى واحد

فارس (زيرها على يدها الي فيها البلاطر ..)الي نحكيه رح يتنفذ فهمتي ..لاول مرة في حياتك كوني فايدة خمي فالناس .. بدل ماتقتليهم حاولي تعاونيهم ..

جيهان (عينيها تعمرو دموع لانو وجعهااا ..)خلاص طلقني طلقني خلاص ..

فارس طلقهاا وبقا يرد فالنفس .. كيفاش تحول هكاااا معهااا ...بصح هي الي خلاتو يكون هكاا..رح يعذبها ويدمرهااا .. كيما هي دارت رح يخلص كلشي منهااا ..

حنان كانت كملت لخدمة .. ورايحة لعند فارس لانها موجدتلو مفاجاة صغيرة .. تسوق وتشوف فيه فالطروفيزار فالكرسي تاع لبيبي .. شوية والتلفون صوناااا ..اول ماشافت النيمرو حكمتها الرجفة ..

ربيع كان خارج من عملية ..

_وينك

حنان (تبسمت) رايحة لعند فارس ودايرتل مافاجاة صغيرة ..

ربيع (ضحك )واحناا لايجوز فينا المفاجاة ..اه ياقلبي عشقت في وحدي ناشفة

حنان (طلعت حاجبهااا) حبيبي هذا الي كاين ادي ولاخلي ..

ربيع( دخل للبيرو وقعد ... )لالا ندي كي نخلي .. مانعرف كي تولي بين يدياا لاه ماتحكيش هكااا..

حنان( ضحكت وعضت شفتهااا ..)لاني نخاف ونكون راقدة فالعسل ..

ربيع (بدا يضحك )بمناسبة لعسل ..وينتا نتلاقاو اه ..

حنان شوف هاذي لسمانة مشغولة مع لقرايا وزيد عندي مؤتمر خلي كي نرجع

ربيع( بقا يدور فالستيلو ..) واكي راني نقارع ..وش عندي ماغير نقارع لالاة حنان ..

حنان( تبسمت .. )اوكي تهلى في روحك .. كوبات وبقات تحاول تقاري قدام دار فارس .. هي حبست وهو حبس موراهااا ..

فارس اول ماحبس ..شاف في الكارطي .. مش حنان هاذي غير لخير .. كي تاكد بلي هي دار لجيهانن الي كانت في عالم اخر .. نتي مرتي فهمتي ..تعاملي على هذا الاساس ..

جيهان شافت فيه ورجعت سهات ..

الحلقة 42

فارس شاف فيهااا ..تتعودي حتى النهار الي نريح فيه منك ..انزلي ضرك .. نزلو للزوج .. فارس راح عند حنان .. حتى شافها تجبد في حاجة .. عينيه تسوعو .. ماتقوليليش بلي ..