عندما تعشق الشيطانة الطاهرة / الكاتبة منال منولة

۝ 15۝

· لحلقة 71

· جيهان غفلت لحالة ... خلات الياس خرج ودخلت للبيرو نتاعو .. كان حاط ماسح للبصمات عند لباب وقفت عند لباب وعيطت لمجد الي كان مع فارس في دارو يخدمو كيفكيف ..اول مشاف النيمرو استغرب ضرب فارس للكتف ..جيهان راهي تعيط

فارس (حط الورق ..)رد عليهااا شوف وش بيهااا كاش مادرات ..

مجد (رفد وحط السبيكر .).وي جيهان

جيها (تحكي بلعقل àراني عند لبيرو تاع الياس بصح حاط ماسح للبصمات ..

فارس كح كح ..قلهاتوصل تلفون بالطبلات ونتااا شوف كي دير ديزاكتيفي السيستام

جيهان (سمعت الكحة والصوت نتاع فارس وصلت التلفون بالطابلات ..)خلاص اسمع مادلنا 5 دقايق بعدها السيستام تا الارم ينطلق منال منولة

مجد.. بقا يخدم في خدمتو ..دخل للسيستام كان معقد بزاف ..ااااماا هوعندو خبرة كبيرة يقدر يدير اي حاجة..شوية وسنيالا عند جيهان ..والباب انفتح ..

جيهان (فتحت لباب .. )خلاص انفتح لباب رح نعيط ممبعد ..

مجد حرزي روحك .. كي تدخلي حرزي كاش كاشف للحرارة ولا ينطلق

جيهان كوبات حطت تلفون في جيهااا .. دخلت كان مكتب عادي وهي الي تخيلت رح تلقى صوالح وجثث ..ضحكت على روحها عل غبائهاا ..دخلت بقات تدور بقات تشوف الميكرو مفتوح ني مودباس ني والو الشئ الي هبلها كثر وكثر .. بقات تقلب اما مكان حتى حاجة ..ناضت وبقات تدور .. مكتبة كبيرة كل لكتب تحكي على لكيمياء والجنات.. هبطت لتحت للارض موالف ناس يكون دايرين مخبا سري بقت تشوف اما مكان حتى حاجة .. وقفت عاجزة شوية حتى شافت كتاب شوية طايح .. راحت تسقمو حتى سمعت تش تش .. والباب انقتح والضو اشعل ..تقول عالم اخر ..دخلت ولباب تبلع ..

**

حنان كانت قاعدة كيف لعادة ..حاطة يدها على خدهااا ..مقابلة لشميني ..والشتا طيح وهي تتحسر ووتفكر وش خسرت .. حياتهم كانت عاد تتسقم حتى رجعت انخربت من جديد .. كامل الدفا الي كانت فيه كيف دفاا ربيع الي كان يحسسها بيه ..وضحكتو الي كانت تنحيلها على خاطرهااا .. ماحبت تخسر كثر لوقت رفدت تلفون وحبت تسمع صوتو ..لمجرد 5 دقايق حابة تتنفس لاتها مخنوقة ..وحاسة روحهاا تعبانة ..كوموبزات النينمرو وظغطت على زر الاتصال ..كل مكان يصوني قلبها يدق كثر وكثر .. شوية حتى سمعت الو ..

حنان ماعرفتش واش دير .. ردت النفس وطرقت بالبكااا ..

ربيع( كان قاعد ..اول ماشاف نيمروهااا استغرب) حنان وش بيك

حنان (حطت التلفون على صدرها وبقات تبكي ..) وش راك ...

ربيع استغرب منهااا وخصوصا كي قاعد يسمع في شهقاتهااا ..كان قلبو يق كثر منهااا

منال منولة

الحلقة 72

حنان وي ربيع راك معايااا ..