عندما تعشق الشيطانة الطاهرة / الكاتبة منال منولة

۝ 6۝

·
الحلقة 26

· حنان كملت خدمتهااا ..بعد يوم طويل من لمعاينات ..والعمليات والتفكير الزائد .. دوشت وجات خارجة ..حابة ترقد ماتزيد تنوض ..بلاك تقدر تريح من كلشي .. تمشي رايحة للباركينغ وشادة تلفون تعيط لفارس حتى فرينات طموبيل كحلة قدامهااا ..

حنان عينيها توسعو .. وش بيك لعمى حكمك شوية مادخلت فياااا .. ( تحكي وتعيط عليهم) ..

هبطوه اذو الرجال من الطموبيل .. وحكموها وهي تعيط ..وش راكم حابين ..وش راكم حابين مني طلقوني" ..واحد دارلهااا كمامة على فهمهاا في حاجة .. ترخات بين يديهم ركبوهاااا .وانطالقو ..

في غرفة التحقيق .. منال منولة

قاعدة على كرسي .. يديها مربوطين مورا ظهرهاا .. وجها مضروب شوية ..كي تشابكت مع فارس .. قاعدة تلعب برجليهااا .. مش عارفة وش الي يقارلعالهااا .. حاسة روحهاا ضعيفة .. حست بلاك فارس كان فايق بيها من الاول وكان هكاك مصر عليهاا ..ويظل يحاول يطيح فيهااا ..

واقف مورا الزجاج تاع غرفة التحقيق .. مربع يديه .. كانو عينيه حمرين .. مقلق لدرجة انو قادر يحرق الدنيااا كامل .. حاسس بروحو غبي ..انو طفلة صغيرااا مازل مافتتش العشرين دورتها عليه ..وقاعدة تلعب فيه على صباعتبهااا .مش مصدق بلي جيهان نفسها الي جاتلو عقلو هي الي قاعدة تقتل وتخرب الملاك الي شافو خرج هو الشيطان الي قاعد يخرب ويدمر فالبلاد مش مامن ومش قادر يستوعبهااا .

مجد جاب الدوسي ودخل معاه وحطو فوق الطابلة الي موراه ..

فارس (شاف فيه ..) هذا الدوسي تاعهااا ..منال منولة

مجد( تكا على الطابة )اهيه .. ماتقدرش تتصور ..وش فيه ..

فارس( بقا يقرا فيه .).وكل صفحة تخليه ينخلع كثر وكثر ..

مجد (ضربو للكتف) هاذي بنت امها تاع الصح ومارحش تحكي هكاك فهمتني .

فارس (جا يحكي حتى صونا التلفون ..)وزاد دهشتو كي شاف النيمرو تاع امجد ..غمض عينيه ورفد وي وش تحب

امجد( قلبو خارج .).اختك داوهااا ..خطفوهاا ..

فارس( ضرب الطابلة ..)خلاص كوبي نتااا راني عارف شكون داهاا.ناض وضرب الزجاج بالتلفون دابو طراف طراف ..

مجد .وش كاين ..فارس وش بيك ..

فارس (حل الباب تاع الغرفة التحقيق .. ودخل كيما الثور الهايج اول مادخل راح ديراكت لجيهان ..جبدها وطلعها للفوق بجيافة .). وين راهي اختي انطقي ربك ..

جيهان( كانت خايفة ميتة بصح مش حابة تبينلو ..) ماعلاباليش

الحلقة 27

فارس( هبطهااا ..وطاح فيها بالفكفوف .. وبقا يعيط عليهاااا ) احكي ولا نقتلك لهناااا ..انطقي ختي وينهااا ..