عندما تعشق الشيطانة الطاهرة / الكاتبة منال منولة

۝7۝

·
الحلقة 32

· اول مادخل للبيرو تاع طارق .. صاب فيروزة قاعدة امامه وقدامها المحامي تاعهااا ..بلع الباب وقعد فالكرسي ..

· _سمعت بلي راك تحوس عليااا ..

طارق (طالع حاجبو) فيروزة تاش ديمير راهي تتاهم فيك بلي سرقتلهااا بنتهااا وعذبتهااا ..

فارس (شاف في فيروزة وضحك) انااا عذبتهااا ..

فيروزة (ضربت لبيرو )ايه نتاااا ..وكاين شهور على هاذي لهدرة ..ردلي بنتي ..

فارس (طلع حاجبو .. )كون جات بنتك صح تعرفي خبارهااا كامل ..

فيروزة راك تشوف ..

طارق .. (شاف لفارس .).وش درت فالطفلة ..

فارس (ضحك ..) كنت نخرج معاهاا ممبعد عجبتني تزوجت بيهاااا ..

فيروزة( انصدمت) تزوجت بجيهان .. مش معقول

فارس( طلع حاجبو) لالا معقول .. كنت حاسب لي تعرفي وزيد قاتلي بلي رح نخربروهااا في اقرب وقت ..

طارق( ضرب البيرو) وقت تمسخيرك ..

فارس (ضحك )معليش ماكش مصدق ..اذا تسمحلي نجيبلك عقد زواج ..

فيروزة (انخلعت) ..مش معقول جيهان عمرها لارح تقبل بيك ..

فارس صحااا .. مالا رح نجيبلك الدليل ..العقد تاع الزواج وتصاوير عرسنااا .. بصح من ليوم ورايح اذا زدتي درتيلي اي مشكل رح نخبر عليك وعندي دوسي صحيح . .

خرج وخلاهم مبهمين ..رجع للبيرو رفد لفاست وركب فالطموبيل ديراكت لدارو .. اول ماوصل دخل للشمبرااا الي فيهااا جيهان .. كانت راقدة هادية .. ركلها من رجلهااا

_ نوضي ..

جيهان طلعت راسها بلعقل .. وناضت هجمت عليه .. حابة تديلو لكابوس ..ويضربها بكف طيحها للارض _ مازلتي ماتترباي .اه ... جار رايح يكمل عليهااا بصح شاف حالتهاا غاضتو بزاف ..

رجعت لبلاصتهااا وتكمشت ..

فارس (دار رجل على رجل ... خرج ورق من لفاست وحطهملهااا ..) امضي

جيهان وش هذاو ..مارح نمضي على حتى حاجة ..

فاارس( حب يستفزها لانو عرف نقطة ضعفهااا ..) تعرفي درت تحقيق عليك بقيت نحوس على ماضيك وعايلتك ..

جيهان( عينيها توسعو وبدت تسمع)

الحلقة 33

فارس بعد وقت صبتهم ..عايشين فرحانين مع ولاد اخرين .. ديت تصاوريك ورحتلهم وقتلهم بلي صبناك .. تبسم تعرفي وش قالي باباك ... قالي ضاعتلناااا في خرجنااا بيكنيك ..

جيهان ناضت وبقات تسمع .. وعينيها معمرين دموع ..

فارس ناض قتلو علاش ماحوستوش عليهااا ..قالي حوسنااا بعد وقت طويل لقيناهااا بصح اول ماعرفناااا بلي هي تقتل وتسرق ماحبينا تكون حتى علاقة معهااا .. استغربت منهمم قالي بلي حنااا كنا نحوسو على طفل ...كي جاتنا طفلة وزيد نظن كنتي معوقة كانو حابين يتخلصو منك باي طريق ..