عندما تعشق الشيطانة الطاهرة / الكاتبة منال منولة

۝ 5۝

·
الحلقة 21

· دخلت للبيرو .. كانت الدنياا غافلة .. ربيع قالهااا روحي للدار وقارعيلي .. دارت السبة رح تروح للدوش ممبعد راحت تجري لبيرو .. اول مادخلت بقات تقلب ..تحاول تصيب اي حاجة اي حاجة تفيد بيها امجد .. جات تحل الخزنة حتى سمعت الباب ينفتح ..راحت تجري تخبات فالدوش الي جاي تمااا ..

امجد (دخل وبلع لباب ..) وش بيك علا ش راكي كل خطرة تولي تحكي كيماا هكااا

فيروزة. ولدي هرب منالدار لانو عرف بلي ولدك فهمتني ولالا

امجد( شعل سيجار .).قتلك طيحي البيبي اول ماعرفتي بلي راكي بالحمل ..ونتي قسحتي راسك تفضلي

فيروزة (عينيها توسعو )من نيتك نتاااا .. كيفاش نطيح روح

امجد (ضحك) هاكي خليتيه ..كيما قالك المصري طلعتي من المولد بلا حمص ..

فيروزة (ضرب البيرو ..) نتااا مش انسان نت حيوان ..كيفاش تقول على كبدتك هكااا ..

امجد( نسف الدخان على وجهاااا ..) وش تحبيني ندير

فيروزة حاباتك تعاوني نحوسو عليه .. نفهموه

امجد (زاد ضحك مبعد رجعت ملاحو جدية .. )انا عندي 3 اولاد برك واحد مات وربي يرحمو وفارس وحنان ..لباقي ماعندي حتى دخل وبركاي ماتعيطي تكسريلي راسي .. خرج وخلى فيروزة قاعدة وتبكي كبدتها محروقة ..

حنان مسحت دموعها . وبقات تشوف في تصويرتهااا مع ربيع .. ماقدرت تقول والو .. ماقرت تنطق بحتى حاجة وكل ماتتلقاه تحس بلي راهي تخون فيه من جيهتين ..

**

جيهان اول ماخلصت المهمة تعهاااا ..ماقدرتش تمنع روحهااا تخرج تشم هواا ..بقات تتمشى وساهية حتى صابت روحهااا قدام الميتم الي كانت فيه .. وش بيها حنت للبلاصة ماهي كانت عذابها طول الاعوام الي فاتو .. حنت للمسؤولين كانو يعاملوهم معاملة لكلاب .. لاماكلة لادنياا لامستقبل .. شدت السلسلة الي في عنقها وبقات تلعب بيهااا .. شوية انفتح لباب وخرججو الاولاد يلعبو .. تبسمت وقربت .. شوية حتى شافت راهبة خارجة موراهم ..تعرفهاا الملعلمة .. قربت منهااا .. قاع ماتبدلتيش ..

المعلمة شافت فيهااا .. كانت ملامح لكبر على وجهاا ..الزمان بهدلهاا .

__.شكون فكريني والله ماحصيتك ..

جيهان( تبسمت وجبدت السلسلة ..)

المعلمة (عينيها توسعو ..) جيهان هاذي نتي بنتي ..

قاعين مقابلين بعض فالبيرو تاعهاااا .. جيهان تشوف فالبلاصة حاجة ماتبدلت كل ش بقى هو هو ..حتى الريحة .. شوية ودارت لمعلمة .

. _جيت نسقسيك ومتمنية من قلبي تجاوبيني ..

لمعلمة اي حاجة تفضلي ..