عندما تعشق الشيطانة الطاهرة / الكاتبة منال منولة

۝ 12۝

·
الحلقة 56

· مرة رقد عليه .. دخل لشومبرتهاا بقا يتخيل فيهااا اما خلاص ماهيش لهنااا...شوية ورفد مخدتهاا ودخل للشومبرا نتاعو .. حط راسو عليهااا ورقد ..

حنان الي ضيعت ربيع ..كانت عايشة في حالة حزن .. عايشة تمر على روحهااا ..هاذي المرة حبست البكااا .. حبت تخرج وتعبر على حزنها بطريقة اخرى .. بطريقة جديدة ..

قعد ت عند لبار .. شاف فالبار مان .. واحد تيكيلا بليز.. مدلها طلبهاا وقعدت تشرب .. حتى تسمع في صوت تعرفو جاي من بعيد ..

مجد .حظرة الطبيبة ..وش راكي ديري لهنااا

حنان( شافت فيه ..) اوه سيادة لمحقق .. راني نعبر على الحزن تاعي

مجد (ضحك وطلب واحد مارتيني .). معليش نعرف علاش لحزن هذا كامل ..

حنان (شربت الكاس الزاوج .. )اقعد نحكيلك ونصدعلك راسك .. ولا نقلك هيااا نروحو لبلاصة اخرى ..

مججد (شاف فيهاا اول مرة يشوفها في هاذيك لحالة ..) تباني قراف ..نتي عمرك لاكنتي هكااا

حنان (عينيها تعرو دموع ..)راح وخلاني .. بصح انا السبة

مجد (سقم روحو فوق لكرسي .. )علاش راح .. اكيد حتى هو عندو يد فالي صرااا

حنان( طرطقت بالضحك ..) مزية الي رارح .. كيما راحت ماما وفارس كامل راحو وخلاوني ..

مجد( شدها من ذراعتيهاا ..) واحد مراح ..غير نتي برك راكي حاسة روحك هكااا

حنان (عينيها دمعو ..) حسيت مرة في حياتك بلي نتا تعبت من كلشي وقررت تهرب ..من الواقع لخيال .. حسيت روحك ثقيل لدرجة انك نكرت كامل الشئ الي عايش فيه ..

مجد( شرب ضربة وحدة ..) عادي اذا كانت حاجة مش عاجبتني نبدلهااا ..نعيش حاجة اخرى .. كان يحكي حتى صابها غفات ..رفد البوشات تعهااا ورفد بين يديه .. باينة شربت بزاف حتى رقدت ..

الحلقة 57 ..يوم جديد طلع ..

جيهان قلقهااا ضوء الشمس في عينيهااا .. حكتهم وناضت تقعدت مليح وبقات تشوف فلبلاصة شوية باه تفكرت وش صرا لبارح .. ماحست الا بالطبيطيب على لبباب . .. سقمت روحها مليح ..ادخل

خديجة( دخلت وهي تتبسم) ..صباح لخير بنتي ..وش رقدتي مليح

جيهان (تبسمت معاهاا ..ا)اول مرة علابيهااا لازمني نتعود

خديجة( مسحتلها على راسهااا ..)تتعودي تتعودي بنتي ..هياا نوضي باه نفطرو مع بعض

جيهان مسحت على شعرهااا اوكي ..

دخلت جيهان للدوش ..وبقات تشوف في روحها فالمريااا .. خديجة شعال حنينة تبان بلي تعذبت بزاف من فراق بنتهاا الي ضاعت .. اه شعال تحس في روحها حقيرة .. وكامل هذا الشئ على جال السي فارس بفففف ..