عندما تعشق الشيطانة الطاهرة / الكاتبة منال منولة

۝ 20۝

·
الحلقة 96

· فارس خرج مع مجد على جال شغلات .. وبعد ساعتين رجع للدار .. كان تعبان طل على ريسال كان راقد ممبعد راح للشومبرااا .. استغرب من الضو الي طافي .. بقا يحوس على جيهان .. دخل للدوش مكانش ..هبط للجنينة مكان حتى حد استغرب .. رفد تلوفن يعيط يشوفها وينهااا .. اما يعطي مغلق .. موالف تخليلو لخبر بلي روحت عند خديجة .. رجع للشومبرااا جا يقعد حتى صاب ورقة فوق المخدة .. قراها وكرفصهااا بين يديه .. وبدا يعيط اععععععع ربك منين تفهمي ..

هبط يجري ركب فالطموبيل .. راح ديراكت لوين ساكنة خديجة ...لطريق حرقهااا كون صاب كون طار .. هبط يجري .. وراح لباب بقا يططب ... جيهان جيهان اخرجي نحكي م معاك ..

كان يعيط حتى خرجت مراة كبيرة فالسن ..

_ وش بيك يولدي تعيط

فارس )دار وشاف فيها من لفوق لتحت .).ادخلي نتي وش دلخك

العجوزة .. لمهم الي راك تحوس عليهااا خرجت منااا ..

فارس (ضرب لباب) ياز*** ..فهمتي غلط ياجيهان فهمتيني غلط بفففف ..

رجع ركب فالطموبيل ..وبقا يدير فااتصالات للي كانو يخدمو معاه .. بلاك يقدرو يصيبوهااا .. ممبعد روح لكل بلاصة ممكن تكون فيهااا .. كيفاش خلاها زوج سوايع برك .. خلاهها زوج سوايع راحت ...بفففف كي رح يدير ضرك وين ياجيهان وينك ..فهمتي كلشي بالمقلوب .. منال منولة

فوت هكاك ايام كل يوم يحوس عليهااا .. وهي تقول فص ملح وذاب .. حياتو تبدلت بزاف ..بعدما كان فيهاا طعم ..رجعت مرة بلا روح .. الحاجة لوحيدة اي كانت خلياتو في عقلو هي ريسال ابنو ..ماكنش حابب يكون كيف امجد .. كان حابب يكون لقدوة ليه .. يكون اب مليح .. عمرو لاكان يعرف بلي جيهان صح تعنيلو في حياتو .. وهي صح المراة الي كان يحوس عليهااا ..

من جيهة اخرى .. ربيع كان حاسس بلي حنان تبدلت بزاف عليه .. رجعت انسانة اخرى .. وهو يعرفها كيما يعرف يدو .. قاريهااا وعارفهاا ..اول ماتصرا حاجة تبدااا تهرب منو .. تحب تخزن ككيماا الجاجة .. عارفهاا بلي خوافة .. اا وش هي لحاجة الي مخليتها متبدلة هكااا .. بقا يحوس موراهاا ينسنس مورهااا .حتى ليوم الي شافهاا نازلة عند كلينيك ... راقبهااا اول ماخرجت طلع ..

ربيع .. من فضلك نحب نحكي مع الطبيبة ..

السكريتار عندك موعد ..

ربيع (وراهااا البطاقة نتاعو )انا طبيب ومحاتجهااا ..

السكريتار دارت تلفون صغير .. خلاتو يقارع شوية .. وهو كان قاعد على اعصابو .. ممش عارف اما متوقع كلشي ..

الطبيبة اتفضلي دكتور .. بواش نقدر نعاونك

ربيع (تقعد مليح ..) نحب نعرف وضع خطيبتي حنان ..