عندما تعشق الشيطانة الطاهرة / الكاتبة منال منولة

۝ 10۝

·
الحلقة 46

· جيهان ناضت وبقات تروح وتجي ..حست براسها يوجع فيهااا .. بعدني وش تحوس مني ..هاك ديني للحبس مارحش ندير وش رح تقلي مارح ندير .. بقات تعاود في ذيك لهدرة وتبكي وتضرب في راسها على الحيط فارس عبرف بلي كثر بزاف حكمها من كتافهااا شوفي فيا شوفي فيااا

جيهان بقات تفارع فيه وتجدب في روحهااا منو ..نكرهكم نكرهكم كامل ..نكرهكم كامل ..بقات تعيط باعلى صوتهااا .. فارس ماعرف وش يدير كيفاش يتحكم فيهااا ..جبدهااا وعنقهاااا وهي بقات تضرب فيه على صدرو وهو كا ماتضربو يزيد يحضنها بكل قوتو .. مايحبش يطلقهااا ولا يخليهااا ..دموعهااا كانو غازرين حست بالضعف بعد ماكانت هي القائد .. ولا هي هكا كانت ديمااا ضعيفة ..

فارس حس بيهاا .. بالعذاب الي راهي فيه .. والي راهي فيه .. ولاول مرة قرر يكون في صفهااا..على الاقل ليوم برك .. على الاقل ليوم رح يكون مليح معاهااا ..بعد مدة من المقاومة غفات على صدرو ..وضفارهااا في كتافو .. بقا هكاك ماحبش يزعجهااا ..لان حس بيها بلي اول مرة ترقد من وقت الي حبسها فيه .. بقا يضحك على روحو على الغباء الي راه فيه .. وعرف بلي في قلبو مشاعر بزاف لجيهان وبلي هي عندها جانب مشرق وحلف انو رح يخرجو قبل مار يتفارقو ..

ربيع (حط السماعة في بلاصتهااا ..وقعد حذها فالفراش ..).مابيك والو غير راكي تتقلشي علينا برك ..

فيروزة( هبطت الكم نتعهااا .).والله الدوخة راهي تحكمني بزاف ..

ربيع (باسها من راسهااا ..)خصك ترتاحي وتخلي الخماج الي راكي فيه من اعوام رح يجيب اخرتك

فيروزة( شافت فيه .).الخماج هو الي كبرك ..هاذي خبزتنااا ..ارثننااا

ربيع (مسح وجهو بيديه .. )على كثر ماعاودت هاذي لكلكمة حتى كرهتهااا ..خبزتنا اذا اكنتش فالحلال مارح تنفعنا بوالو كيما قال بابا الله يرحمو مكانش هدرة شابة بلا كذب وماكنش ملك بزاف بلا حرام

فيروزة (غمضت عينيهااا .. )غير جيهان الي تفهمني ...منال منولة

ربيع ياريتك حافظتي عليهااا ..ياريتك عرفتي قيمتهااا ..بصح راهي فالحفظ والصون ماتخافيش ..

فيروزة( تنهدت )رح ننتقم منو فارس هذاك ..علاابلي ره يعذب فيهااا ..

ربيع (وقف عند الباب ..) ره يتهلى فيها ماتاخافيش ..رح يرجعها للطريق مع انو عمري لاحملتو بصح علابالي هو الي ره يعدل المايلة ..

حنان كملت خدمتها هي لخرى .. جات رايحة للدار حتى صابت روحهاا قدام باب دار تاع فارس ..حابة تهرب من امجد وجحيم امجد .. صونات وبقات تقارع حت فتحتهلا لخدامة الباب ورافدة ريسال بين يديهااا .. ضحكت وشدتو بين يديهااا ..عمتو هاني جيتك

فارس( كان هابط ..) جي غير على جال صوالحك ..تسمااا غير هو الي جي علاجالو

حنان (دخلت ورفدت حاجبهااا ..) ناناك ماشي ..ونتا ثاني نشوفك ..