مملكة الشياطين. "قلوب مكبلة بوثاق الحب" _ منى عيد محمد

الفصل الثاني

#الفصل_الثانــي.
#مملكة_الشياطين.

"أستغفر اللّٰه الذي لا إله إلا هو الحي القيوم وأتوب إليه.
سبحان اللّٰه وبحمده عدد خلقه ورضا نفسه وزنة عرشه ومداد كلماته"

____________

_ لا طبعًا معندناش بنات تشتغل، عايزينها تشتغل وتعمل زي أمها..
فما كان هذا غير سيف هتف بحقد.
صاح به آسر بغضب: أنت بتقول أيه؟! أنت اتجننت.
_ أيوة اتجننت عشان بقول الحقيقة بقيت مجنون، أميرة هانم اشتغلت وبعدها عملت أيه، هاا، راحت اتجـ..
قطع حديثه نهوض جاسر وهو يطرق السفرة بغضب هادرًا:
سيف، احترم نفسك، نور مش زي أي حد أنت فاهم، أنا لسه جايبك من القسم فـ الصبح ومستعد أرجعك تاني.
نهضت رضوى أيضًا تهدئ الوضع ولكنها لم تفلح.

صاح سيف بغيرة وحقد: عملت أيه نور عشان الكل يحامي عنها كدا، يعني هتطلع لمين غير أمها، يا ترى بقا مراقبين تصرفاتها؟
تقدم منه آسر بغضب جم وأمسكه من تلابيبه: واللّٰه لولا أنك ابن عمي كنت قتلتك ع كلامك دا.
هدر بهما جاسر بحدة: خلاص أنتوا الاتنين، وأنت يا سيف، مش عايز أشوف وشك فـ القصر لحد ما يرجع أبويا أنت فاهم.
نزع قبضة آسر المتشبثة بتلابيبه، وغادر القصر وهو يحقد عليهم ويتوعد لهم.
أما هي بالأعلى كانت تبكي بشدة كانت تتابع حديثهم، ولكن أكثر ما وجعها حديثه عن والدتها، هي لا تعلم ما فعلته والدتها، ولكن ما تعلمه أنها ليست مذنبة فما ذنبها أن هذه والدتها.
دخلت غرفتها وهوت إلى فراشها، تنتحب بشدة.
________

بعد منتصف الليل كانت تتسحب على أطراف قدميها ببطء، وصلت المطبخ وأنارته، فزعت عندما وجدت آسر خلفها يمسكها من خلف عنقها.
فقال عندما رأها تمسك المعكرونة: بتعملي أيه يا نور، هتسرقي مكرونتنا يا نور هتسرقينا.
أخذت أنفاسها تسبه فى نفسها وهتفت بسخرية وهي تلوي شفتيها: بعمل شوبينج، أي خدمة حضرتك.
كاد أن يوبخها على حديثها حتى أحس بحركة شخص ما.
همست نور له: أشش شكله حرامي، بص أنت تاخد المكنسة وأنا همسك الطاسة وأول ما يدخل نموته.
كاد أن يتحدث، باغتته ووضعت المكنسة بيده، والتقطت الطاسة وأخذت وضع الإستعداد.

دخل يوسف يتسحب هو الأخر.
ضحكت نور بشدة عندما عرفته: دا الأهبل بتاعنا يوسف.
فزع يوسف عندما وجدهما داخل المطبخ ونور بيديها الطاسة: يخربيت كدا بتعملوا أيه هنا؟! 
آسر: أنت اللى بتعمل ايه هنا؟
أجابه ببساطة: زي ما بتعمل البت نور هنا. جوعان يا عالــم.
نهرته نور: يخربيتك أخرس هتصحي الناس.
نزلت رضوى على صوتهم: أيه دا الكل منور هنا.
نور بعرض: بنعمل مكرونة تاكلي معانا.
_ يا ريت أنا جعانة. هصحي نادين وأنزل.
وقف بجوارها آسر وهي تعد المعكرونة: نور متزعليش من كلام سيف، أنتِ عارفة أنه غبي ومش بيعرف يتكلم.
ابتسمت له بحزن: لا مش زعلانة.
هتف يوسف: طب يلا ياختي عشان ناكل، مع أني شاكك فـ مكرونتك دي.
نور بفخر: يا بني دا أنا نور الشيف الشربيني، بص هبهرك.
ضحكا على حديثها المرح، فهي برغم ما حدث تضحك وتضحك الجميع معها.

نزلت نور ونادين وتجمعوا على طاولة المطبخ.
تحدثت رضوى لنادين: نادين تعالي بدري بالليل ممكن، محتجاكِ.
أماءت بلامبالاة: أوك.
نهضت نادين: تصبحوا على خير.
نهضت رضوى أيضًا: وأنا كمان هطلع أنام وبلاش دوشة يا نور هانم.
أعدت نور كوب من القهوة. فسألها آسر لمن هذه فأجابته: لـجاسر، صاحي فـ المكتب بيشتغل.
ضحك يوسف بمرح: يا حظك يا جاسر، أوعدنا يا رب.
خجلت من حديثه وتحركت من أمامه قاصدة غرفة جاسر.