السلام عليكم ورحمة اللّٰه وبركاته.
آسفة مش هقدر أنزل الفصل النهاردة لأني تعبانة شوية ومفيش تركيز خالص، وطبعًا مقدرتش أجي أعتذر وأيدي فاضية فجبتلكم إقتباس صغنن كدا عن أكثر ثنائي مجنون. 😂🤭
أنا كتبت مشاهد كتير من الفصل يعني تقريبًا فاضل مشهد أو اتنين بس والفصل يكتمل بس لما تعبت معرفتش أكمل.
قراءة ممتعة.♥️
_ معلش يا هند، طلعي صنية الأكل دي ليوسف وكمان البرشام ما أكلش حاجة خالص وكمان الجروح هتلتئم عليه.
تفوهت بها ليلى، فهزت هند رأسها وأخذت الصينية منها قائلةً وهي تتوجه للأعلى قاصدة غرفته:
_ حاضر يا مرت خالي.
وقفت أمام غرفته للحظات تستعيد شجاعتها طرقت الباب بهدوء ولكنه لم يجب، فإضطرت للدخول، وجدته نائمًا على السرير ولكنه يتململ بعدم راحة ويتأوه من جروحه، وقفت بجوار السرير تناديه:
_ يوسف.
نهض سريعًا بفزع يهتف:
_ حصل أيه؟
حزنت على وضعه فقالت سريعًا:
_ أهدى يا يوسف، مفيش حاجة واصل.
اعتدل في فراشه سائلًا إياها:
_ في حاجة ولا أيه؟
_ مرت خالي ليلى قالتلي أطلعلك الوكل.
ابتسم لها بلطف فقال:
_ ماشي فين الأكل بقا؟
أحضرت الصنينة ومدتها له وبغير قصد تلامست أيديهما لتسرى رعشة فى جسديهما فانتفضت هند وسحبت يديها سريعًا قائلة:
_ أني نازلة لو عزت حاجة خبرني.
_ عايزك.
هتف بها فى بلاهة وكأنه مغيب عن الواقع، فصاحت بحدة:
_ اتحشم عاد، خابر روحك عتجول أيه يا ولد خالتي!
برر يوسف سريعًا:
_ مش قصدي واللّٰه اللي أنتِ فهمتيه، قصدي عايزك تجيبي مايه عشان أشرب الدوا.
اومأت له بنظرات حادة وخرجت لبضع دقائق وعادت له بكوب من الماء ووضعته أمامه تسأله ومازالت على حدتها ونظراتها:
_ رايد حاجة تاني يا يوسف؟
_ سلامتك.
قالها ببسمة متسعة فصوبت نظراتها الغاضبة نحوه فقال بحنق:
_ خلاص متسلميش خالص، وبعدين واللّٰه مش هعرف أكل وأنتِ بتبصيلي كدا.
خرجت من غرفته تغمغم:
_ واللّٰه مخبول وراسه طاقة.
#مُنى_عيد.
#مملكة_الشياطين.
أنت تقرأ
مملكة الشياطين. "قلوب مكبلة بوثاق الحب" _ منى عيد محمد
Romanceالمقدمة: هم مملكة عريقة مترابطة يجمع بينهم الدم والحب والأخوة، تتكاتف قلوبهم، معروفون بسيماهم الحسنة، وبأخلاقهم، ولكن ما يخبئونه من شر خلف أقنعتهم؛ تجعلك تتقن أنهم ليس إلا مملكة عريقة من الشياطين، شياطينهم التي تستوطن أجسادهم عندما يعشقون ويقعون فري...
