خيوط_الزمن
مساء الخير
بقلم رفل الكناني ✍✍✍
بارت٥
اعتذر اذا البارت بي احداث جريى بس ماكدر اخفي حرف لأن شي مرتبط بشي فتحملوني بهاي القصه بذات وياريت يكون الدافع توعوي وليس اباحي
،،،،،،،،،،،،،،،،
شسمك ؟
ع ع م ع
ااااااحجي عدل شبيك
من م منو انتو منو
جاووووووب على كد السوال لاتلغي اكثر
عماد عماد اسمي عماد
اها اي عماد بله ليش تسب الريس؟
اسب الريس؟
كلمه وحده هدت كل حيلي
منها عرفت اني نتهيت
ومنها ايست من حياتي
ندفرت على وجهي وكعدت وشتغلت عليه العصي من كل جهه
صحت
حلفت
محد صدك
جسمي خدر
عضامي ونت
مدد جنت مربط واحس شي نزل من مواخره راسي مشى على ركبتي
حار يجوي
غمضت ترطب حلكي ونزلت حروره على شفتي بلعت ريك لساني سحبه ملوحه صارت بي
غمضت مئيس من شفت روحي شربت دمي
هناك روحي طارت بستان خوالي بين هروش العنب وذيج امي بنص خوالي يعبون بلصناديك
وهذا خالي يصيح
يله صعدو مضل وكت ضلمت الدنيه
وين اني وين
ههه اني بديالى مسير على خوالي
وهاي امي
الله شكد مشتاقله
حشك حشك كعدنه بلسياره واني حيل حاصر روحي بحضه
كون افوت بضلوعه
وضلوعي تون تحركت مكدرت فتحت المكان اضلم والكاع تفتر بيه
صوت بذني
عماد عماد
مكدرت اجاوب
واسمع بس الصوت
هوه والله هوه سيدي اعرفه حق المعرفه خطيه عربنجي ومعيل أهله حتى عنده اخ من ذوي الاحتياجات الخاصه
سلمان لاتورطني تره حتى انت تروح بيها زين صار شهور ملكوح هنا اشو محد سئل عليه
ماعنده احد مو كتلك ياعيني هوه بس هالاخ الاخرس والثاني لابس يخدم عسكريه
دمشي امشي نحاجي الرفيق عبدالله ونشوف شلون تصفى
ختفى الصوت ورجعت غمضت بس ضايج حيل ضايج رطوبه جوايه وحيل محصور احس روحي
ضليت الوب الوب وستسلمت اقنع روحي اني فاقد مادري بنفسي
لايمكن ميت وهاي حياه ثانيه
رخه جسمي رتاحت احشائي
سكنت
فتره ونشحطت
اااااخ جسمي يون مكسر
عطشان حيل
دوي دوي اسمع
حجي ممفهوم وندفرت
اااخذه رفيق سلمان بس هاا هاي لخاطرك مصعدت اوراقه للريس يصحى وفهمه يضب لسانه تره نوبه لاخ يروح بيها
صار صار رحمه الله والديك الله يطول عمرك
ونشلت
منو سلمان شنو رفيق
شنو ضب لسانه
شبي لساني شحاجي اني
ريحه هوا طيب لاوالله هاي ريحه محلتنه وحياطينه لمدهنا
نحطيت بلكاع بصفي نفس يلهث وهاي دكه باب خشب
صوت زكيه
منووو منوووو
بتسمت كون اكدر افتح راضي والله راضي ارجع على ايد زكيه بس كون اخلص من الوجع البيه
نفك السركي
بيمممممممه عماد ولك عماد
وايده دكلب بيه
أبا أبا اااااااااااااااااااااااااا هه هه هه أبا أبا
ولك وخر يمصخم شكو جمدت عليه متشوفه جثه دوخر دشوف ميت عدل
شيله شيله سحبه وياي
نجريت وصوت جوقي ترس روحي يعن يعن يتلمس بيه
اااخ نطخ راسي بحافه الباب
ااااخ ضهري نشخط بحديد لمنهوله لمشدنخ صايره بعتبه لباب
تنفست روحي هدت
اني بحوشنا اي بحوشنا هاي لبنكه ملتنا اعرفه توصوص من تشتغل
وهاي زكاوي تدردم
الله اعلم وين جان من نزول عليك دورنه حكه ومكه وملكيناك وين جان بالله بيمممممه شوف الدم لاطش على هدومه لاوشوف ريحته تكتل عذه شوف شمدهرب شمسوي واكيد جنت محبوس مبين عيوني مبين
صرخ جوقي
ااااااااااس ونترت
كبور حتى كبور شعلو صوتك جفلتي
اكوم انام احسن هذا واحد اجه والثاني الله ليعلم بيا هبيه
لاوش لاوش لاوش
هههه جوقي يلولي لججه
بيته والله اني بيتنه
ااامنت ونمت مرتاح
لااكو كتل لااكو صوندات ولااكو مي حار يحركني
شكد ضليت
لشوكت مادري
بس فتحت عيوني اني بحوش بيتنا وهذا شاكر لعركجي يغني
خدري الجاي خدري
وتعيط حوريه
تشرب سسسسسسم
وصار صوت مراكع كتلها
عتيك للبيع خبز يابس للبيع
فااافون للبيع
صفر للبيع
منووو عنده نعالات للبيع
خرب هذا شجابه هسه جوقي يشيل نعال زكيه ويطلع يبدله بشو شنو وتكب انوب ماكدر اكوم اخلصه منها لو افازع مبيه حيل
ابا أبا ااااا ابا عم عم
يدقني بيده جوقي لزمته الله جابك كلشي ولاتطلع لابو الفافون
بتسم فرحان يتلمس وجهي كصتي صحيت حيل راسي شثكله جر لوصله تلمسه ورجع نكعها وخلاهه على راسي اوووف رتاح صفه
شويه شويه تماما صحيت وريحه حميسه شكت خشمي
فتحت حلكي ايد جوقي بلهفه ترسته
وبديت اكل اكل بكل شراهه
نص كعده كعدني ومسح لطاوه على ايدي وبعدني جوعان دولكه ماي شربت
رتحت جريت النفس مرتاح جوقي يئشرلي شصار وين جنت مديت بلاجمي رافع جتفي
ماادري
زكيه تفوت وتطلع تغلط وتدعي
خريه عارات يمتى اخلص منكم يمتى
دار عجزه دار ايتام تاكلون وتنامون براس زكيه واني دك خفارات واديه مكسره من مسح الممرات والوصاخه بلمستشفي داحط بحلوكم من الله يموتكم
ااااااابر اااااابر
وغمه جوقي
شالت نعاله وشمرته اجه براس ججه بحضنه صرخت وتخبل لكف لنعال شمره على سطح وكعدت تولو
الاخيرس ابو نص السان كوم جيب نعالي
مرد عليها للعصر اايست صاحت على ابن لجوارين جابه واجه
يوم يومين سبوع شويه شويه ردت عافيتي وبديت استرجع ذاكرتي
لذاك اليوم وقبل متجي المره ام سعديه وفوزيه ورسميه الي كرتني وماشفت منها فلس
جنت كاعد والعربنجيه داير مدايري
يحجون ويتبسبسون
شكال الريس وشحجه الريس شوكت يخلص حكمه ويمتى الله ياخذه
مدخلت اسمع وساكت لحدما اجه رزقي وكمت منهم
