مساء الخير
#خيوط_الزمن
بقلم رفل الكناني ✍✍✍
#بارت٣١
،،،،،،،،،،،،،،،،،،
،،،،،،،،،،،،،،،،،،
الدنيـا بيـه تعيـل
وانـي اصفـن الهــــه
صفنـة عجــوز ابليـل
طاردهـــا ابنهــا
،،،،،،،،،،،،،،،،،،،
من شفت سرمد بهذا المنضر
غمضت كل قوتي واحس ايدي الي لازمه الوصله ثقبته
ثواني
وفتحت مليانه خوف
بس مالكيت شي من الشفته
لتفتت اتاكد
باب المطبخ فارغ
رجعت اباوع للجامه مال الطباخ ماكو كلشي
شنو معقوله اني اتخيل؟
لامستحيل
وشمرت الوصله وطلعت ركض
ماشفت احد
الهول فارغ
الممر فارغ
كعدت ولازمه راسي
لااني الدوه خبلني وخلاني اتخيل شغلات لا علبال ولا على خاطر
سمعت صوت خطوات تقربت مني
رفعت راسي شفت سرمد واكف وجنطه بيده
وكفت وتراجعت ليوره
اباوعله بخوف
بتسم
سهام اني رايح للدوام انتي نضفي براحتج حتى من ارجع اوصلج للبيت
حجه وطلع
واني بصدمه
وشكله الشفته بي مفارك خيالي
زين فرضا اني اتخيل ليش اتخيلته بهذا المنضر
راسي حيل كام يوجعني
توجيت على حايط وكمت بديت اشتغل بس بالي شارد
وجع راسي كام يزيد
تركت كلشي وغسلت وجهي
اكب ماي وقوي بروحي
اني متوهمه
الدوه مئثر عليه
صبر تركي الاوهام من راسج وخليج بلي جيني عليه
صحصحت
وستغليت عدم وجوده فرصه حتى بلكي الكي شي يخص تماره
فتت غرفته وبديت انبش بكل مكان
جرارات كناتير
بلفراش
كلشي مالكيت
كعدت بين الهوسه وافكر
اني بطرانه هوه بيتهم الصحيح ذاك ويجوز هاي الشقه اصلا متدري بيه تماره زين اني شلون افوت لذاك البيت وبيا صفه
الساعه دكت موسيقى
فززتني وعتني هم
كمت والملم واعزل بلهوسه
رجعت كلشي بمكانه
واقنع بنفسي
بعدني بدايه المشوار
ولازم يجي الوكت لفوت لبيته بس خل اصبر
لل١٢ اضهر لمعت البيت تلمع
وكعدت بلهول
اتخيل هاي شقتي
واني ماخذه حقي
ومدمره تماره
واخلي رجل على رجل عود تماره كبالي وتتوسل
بيه حتى نصير خوات واني مااقبل كارهتها
وابتسم على شكله شلون تبجي
علت ضحكاتي
وادفر برجلي عود هيه كبالي ودادفرهه
سمعت صوت يكلي ضحكينا وياج
غابت بتسامتي
ندرت شفت سرمد واكف بلممر مجتف ايده ضام ضحكته
وكفت افرك بيدي ميته خجل
تقدم ويكلي
كملي كملي شنو دتمثلين شو تضحكين وتسولفين ويه نفسج
رتبكت وماعرفت شنو ارد
صار كبالي
خله ايده وره ضهره ميل راسه وقدم جسمه شويه
تراجعت خطوه
همس
سهام انتي مريضه شي
فتحت عيوني على وسعهم امتمت
ل ل ليش دكول هيج
ندار ويمشي ويحجي راح للمطبخ واني وره كال
مادري بس اشوفج خوافه هواي وتباوعين للواحد بخوف
هواي تصفنين وهواي تحجين ويه نفسج
تره لاتنسين اني دكتور
صحيح مال اطفال بس اكيد بمراحل الدراسه قارين على مثل حالتج
