مساء الخير
خيوط الزمن
البارت الثامن
بقلم رفل الكناني ✍✍✍
،،،،،،،،،،،،،،،،،،،،،
كُبرنا هواي واحنةة صغار
كل دَمعةة بكُبر خدنةة
چا والليل
چا والشوگ
چا والشيب ؟
باگ هواي مِن عدنا
،،،،،،،،،،،،،،،
جيتت مغمضه كل قوتي وصوت اقدم تتقرب خلاني ارجع اكوم واركض
وين مادري
الاعرفه أريد اروح لبيتنا لجوقي
بكل سرعه ولهفه اركض منطقه حلوه حيل بيوت هواي وحراره تنزل على رجلي
كمت الهث واتلفت وصلت شارع بي هواي عالم هواي
وكلها فرحانه وتركص
بيهم شايلن غراض اشكال
تلفزيونات كراسي لعيبات كزاز وناس تصيح فرهود فرهود
ضليت صافنه
اشياء حلوه هاي منين ديجيبوهه
امشي امشي واكو لمات بيه ولد هواي شايلين صور يضربون بيها ويكسرون
هاي ليش هيج يسون هذا البصوره جنا بلمدرسه نغني عليا يا بابا صدام وصورته بلصف ملتنا
شويه وصار ركض ركضت اني هم ويه ليركضون وكفت سياره بيها جنود كومه نزلو يضحكون والناس مجلبه بسياراتهم نزلو يوزعون قواطي كومه وعلب مربى طيبه حيل فتحت وحده وكعدت على رصيف اكل وهمه يطكون صور
بعدين صعدو بلسيارات والناس مجلبه وراهم جان اذب لمربى من ايدي وجلبت اني هم ومشت السياره شكد حلو عبالك لعبه همه يباوعون علينه ويضحكون واني اباوع للناس الجلبو شويه شويه كامو يخلصون كل ساع يجيت واحد واني باقيه مجلبه
السياره صارت سريع تمشي والجنود ندارو بعد ميباعون لتراب عماني
لسرعه تخوف جان اهد ايد وكبل انبطح بلكاع
اااااخ تعورت وكعدت ابجي ايدي تشخطت ورجلي دم لازك بركبي
بجيث والتراب هواي صار
الدنيا صفره صارت
الهوه عالي والريحه تخنك
تعبت
وخشمي نسد ميفوتله هوا بعد مددت على رصيف وغمضت بعد ماكعدت اله على صوت الطلق قوي حيل قوي
تلفتت ضلمه صميت اذني حيل وكمت اصرخ
يمممممممممممممه جووووووووووقي
وابجي
مدري شكد ونتبهت لروحي
اني حجيت
طلع صوتي
كمت اضحك وابجي
وكمت اركض بنص الشارع واضويه تضرب بعيني
احمر
اخضر
ازرق
عيوني عمت
صميتهم
واصوت مراكض وكلام ماعرفه
كاوو
كاوو
ستوب
ستوب
فتحت جنود كبالي ورشاشات بوجهي صرت ارجف وابجي
بينهم حجو وجرو ايدي بهدوء نرعبت وصرت اعيط واصرخ قوي
هدوني مبتعدين وركضت خايفه يجلبون بيه فتت بفرع وبي بيوت كمت امشي وادك بلبوب بدون وعي
والدمعه مافاركتني
لا أحد فتح باب
ولا سمعت صوت احد
رجليه وكعن من المشي والركض صار كبالي جامع جبير بابه كعدت وحاجي روحي
اني ضيعت امي وجوقي
وانوب ضيعت البيت الجبير والجهال الجنت يمهم
اني ماندل جوقي ليش طلعت
هسه الجهال الام حجتلهم قصه ونامو وباجر يكعدون يسبحون ويلعبون بلحديقه اني ليش عفتهم وشلون ارجع عليهم؟
بسم الله الرحمن الرحيم
اصبحنا واصبح الملك لله
ياساتر يا حافض
يبنيه انتي منين
