مساء الخير
خيوط الزمن
بقلم رفل الكناني ✍✍✍
#بارت٤١
،،،،،،،،،،،،،،،،،،،،،،
وأنتــظرڪـُم
هَلبـت دروب الخــذتَـڪُم
تـستـحـي وليـه تـردكم
،،،،،،،،،،،،،،،،،،،،
المكان دخوليا ال .......
الوقت ١١مساء
الموقع سيطره وهميه
منين جاي
من ديالى
وين رايح
البغداد
انزل وافتح الصندوك
بس اني نطيتك باج شنو هاي السوالف بعد
امر عنده رجاء لتعطلنه
عماد .. نزلت فاير فور اني وباجي منو يكدر يوكفني بسيطره
توقعتهم يتفيكون كلت اسايرهم بعدين اسويلهم جره اذن جانو ٤
نزلت بعصبيه حيل طبكت الباب السويج بيدي فتحت الجنطه من الدكمه
ثواني مو اكثر شو همجمو عليه جتفوني
كمت ادفع بيهم وارفع برجليه ادفر بيهم غصب نجر راسي ونحط على وجهي وصله بيه ريحه خنكتني
هدت حيلي
جسمي خنطل
ونسحلت بعدهه عيني مفتحه
بس مالي قدره اتحرك جسمي مات
لوين وحسيت على دوي وسوالف مخربطه
تحركت مكدرت
جسمي مربط
ايدي مشدوات بحبل خشن تلمسته
المكان اضلم حيل
واكو صوت دمام بعيد
حيل بعيد بس صدى صوته موجود
اني وين وشنو هذا الصوت
وبديت اتذكر
اي هذا صوت الدمام احنا برمضان هسه
اني جنت يم خوالي
والامر خابرني كلي على مئموريه
وتوقف تفكيري يم السيطره وشكولاتهم
غمضت حيل عاصر اي
اني مخطوف والله مابيه مجال
منو
وليش
وعلى شنو مادري
احاول افتح الحبل مداكدر
ارفع بيدي كوه واتلمس محزمي نار وتشب بيه
سلاحي ماكو كلشي ولاسلاحي
فقدت واصيح
وينكم
تعالو طلعوني
مجرمين جبنا خونااااااااا
اذا انتووووو زلم واجهوني
ماكو احد
نبح صوتي ومحد رد
يمكن حدما طلع الصبح اني ماهديت ونفتحت الباب
رجال جبير كلش راسه تارسه الشيب وياه ثنين شباب منا واحد ومنا واحد
تقرب يمشي تجاهي واباوعله بغضب
ثنى كبالي كلش ويباوعلي مركز
عصبت وكمت اصيح بوجه
منووووو انتو وشتردون مني ليش مربطيني ولكم هدوني هدوني جبنااااا
بتسم بهدوء يئشر بيده
على كيفك على كيفك
ستفزني عيوني كامت تطلع منه نار وغمضت صاك سنوني لشتي ترجف اعصاب
دك على جتفي بخفه وكف يضحك جتفى يهتز
ويكلهم
عفيه عليكم ذيابه والله هوه العمده بشحمه ولحمه هذا الشبل من ذاك الاسد الله يرحمه
صفنت وفتر راسي منو الله يرحمه منو ذاك الاسد
اباوعلهم تركوني وطلعو
الباب تزنجلت واصيح وارهم ملتفتولي
بقيت اصيح واستريح بس بلا فايده
الحايط رن من صدى اصواتي وهمه ماردو
نتهى اليوم واني فكري يودي ويجيب
افكر بااهلي وهسه ينتضروني
هسه دكو كومه عليه
افكر بجوقي وشيكدر يسوي وحده
افكر بصبر هناك تركته وكلبي عليه نار خصوصا بعد ماعرفت بلقيس مسويه بيه دكه الحبوب
والوب شلون بيه
كل ما افكر بااحد منهم
انهار صياح وغلط حدما اتعب وانمطل حلكي يابس
وين ونفتحت الباب دخلو الشباب نفسهم واحد بيده صينيه اكل خلاهه كبالي والثاني حاط السلاح براسي
سئلته
شكوو حابسيني ولشوكت أريد اعرف
مارد
زين صيحلي احد احجي وياه
مارد
وتقرب يفتح ايدي
فتح بس وحده والثانيه ربطه وشدهه بلشباك
اشرلي اكل
بسقت بوجه
ماريد منكم كلشي طلعوني
وكف مسح وجه بفانيلته ورجع شدني وبتعد
قفل الباب وطلعو
نصيت رأسي عاجز مابيدي اسوي اي شي مربط اني لاحول ولاقوه
وبقيت على هذا الحال لثاني يوم لااحد فات عليه ولا شفت احد
الاكل بمكانه واباوعله المركه سودت والتمن يبس
بطني احسه تغلي جوع
ومثانيتي راح تنفجر
كمت اصيح
حماااااام أريد يا جلاب
واعصر بروحي أريد الزم نفسي
ماكو
بقيت اصيح إلى أن فتحو الباب الشباب نفسهم حلوني وكوموني ردت حاليا بس اوصل حمام ماريد غير شي
اركض بديهم حتى ماباوعت وين اني
وصلوني للحمام وسدو الباب
وره شويه طلعت هسه اله شفت دربي يمشوني واتلاوه وياهم اسب بيهم وهمه عبالك خرسان
وصلوني لمكاني كعدوني شدوني واحد منهم عاين للأكل وكال
لاتعب نفسك بلصياح محد راح يرد عليك وانصحك تاكل حتى تقوي روحك وتشوف جاره الروحك لان بقائك هنا هوه نهايه حياتك
وطلع
يمعود شتقصد تعال فهمني ساعدني
مارد
زين اني اذا مخطوف علمود عملي شو مقتلوني لاحققو وياي
واذا مخطوف علمود فلوس شو متفاوضو لاكالو الأهلي
والله راسي ندار مداعرف راسي من رجليه
فتره مرت
ايست اصيح
ايست احجي
ستسلمت الاكل ليجيبو احاول اكل اسند نفسي
ومحافض اعرف الدنيه رمضان اريد ابقى صايم اكل متاخر حيل لأن ماعرف اليل من النهار
المكان عباره عن جملون كبير فارع
والحمام جملون صغير ياخذوني وخبلوني كلمه ميحجون
اسئل ميجاوبون
وبقيت هيج فتره واعد
اليوم الخامس
اليوم السادس
سبوع ونفتحت الباب دخل الرجال الجبير
جنت كاعد راسي بين رجليه
رفعته اباوعله جابوله كرسي خلو كبالي كعد ويعدل بسترته
مد ايده بجيبه طلع تليفونه ويكلب بي
احسه بارد ثلج
وهل برود ديقتلني
كام يعاين بلمبايل ويعاينلي نبص نضره
كال
عمده ان شالله الولد ما قصر منك
ان شالله ضيفوك زين
زنبرت
لاخلف الله عليكم ماريدكم ولااريد ضيافتكم أريد دكلولي ليش خاطفيني وانتو منو واهلي يدرون
هههههههه على كيفك انت ليش دمك حار وعصبي تره اني كلش اعزك وانت تهمني اريدك مرتاح ومريش حتى نسولف بهدوء
سكتت داخلي يرتعش وعقلي ينفض
بس داشوف وين يريد يوصل بكلي افهم شيردون مني
وجه المبايل كبال وجهي
فكيت عيني كلها متفاجا
شجاب هذا على مهدي
صورته هوه ومهدي كاعدين بصف بعض
رفعت نضري اله مستغرب بتسم
مهداوي تعرفه لاتنكره اخوك تره
