مساء الخير
#خيوط_الزمن
بقلم رفل الكناني ✍✍✍
#بارت٣٢
،،،،،،،،،،،،،،،،،،،،،
ألطعنه ألـتوجعك..
مــو مـن بشــر مڪروه"
من ذاك ألعزيز ألـ روحك تريده
،،،،،،،،،،،،،،،،،،،
عماد .. نعم تفضلو
الضابط.. عدنا تبليغ من المركز من قبل الدكتور سرمد على احد افراد عائلتك
العفو سيدي بس على كيفك وحده وحده سرمد منو وشتقصد وعلى منو من اهلي التبليغ
على بنت اسمها سهام اخ عماد انت بسلكنه وتعرف شغلنه ياريت تتعاون ويانه لان بوكفتنا هاي انت عطلتنا
لحضه سيدي اني مقدر الي ددكوله
بس انت يمكن متوهم لأن حتى بعائلتي ماعنده الاسم الي ددكول عليه
تمام
اجي وياك بلكلام بس مع هذا اني عندي شاهد والعنوان هذا بيدي ومع نزول الشاهد اني عندي امر بتفتيش البيت
كلامه سكتني وكفت متفرج فقط
ندار تجاه السياره وصاح
تعال ابني نزل المشتكي
نفتحت الباب
ونزل شخص اني شايفه بس من رهبتي ضليت مركز بي
وعاني الضابط
هاا اخي تعرفه
مارديت واعيد وازيد بشكله
هذا رجل تماره
راسه مضبر
زين شديصير؟
نركيت من جتفي على جنب واشر الضابط للجنود
دخلو
عترض جوقي مد ايده يصيح ويدفع بيهم
ميقبل يدخلون
كدامي بشرى وصبر متحاضنات وبصفي سرمد وصيح ماد ايده
سسسسسيدي هاي سهام هاي سيدي
وااشر على صبر الي مباشره صارت وره بشرى
خاله رباح على صفحه اباوعله متلفله بعباته على وجه ودموعه عشره عشره وهذا بصفي يلعلع وجوقي يدفع بلجنود
فصل عقلي وجيتت زنكته من ياخته اعتت بي
صم حلكك لككككككك ولاتصيح منووو انت وعليمن جاي
تقدم الضابط جر ايدي
صرت لاحول ولاقوه حتراما اله قرب راسه عليه حيل
كال
اااخ عماد للمره الثانيه اكلك ياريت تتعاون ويانه والمتهمه ضهرت امامنه بشاهده المدعي عليها اذن راح ناخذه وتعال للمركز نتفاهم بلا فضايح افضل شوف الناس شلون تباوع
ودار راسه تجاه الشارع الطرف كله متجمع
سكتت
وتقدمت على جوقي جريته على صفحه نفتح طريق كبالهم ركضو على صبر بهروله
الخوف والصدمه الي بعيونه نحرتني نحر
جروهه
ونتفضت بلا عقل جيتت ادفع بيهم
وهيه حيل مجلبه بيدي اضافرهه خترقو جلد ايدي
عماد لاتعوفني
عماد ممسوووويه شي
عماد فدوه لاتخليهم ياخذوني
ابجي وارجف
وعماد فاتح ايديه ثنينهم كبال الجنود واني ودي اطب بروحه
اختل
لو اختفي واتبخر ولا اروح للسجن
بعد هوسه وجر وعر والضابط كل شويه يوشوش باذن عماد وعماد يغمض
نزل ايده
عرفت استسلم الهم وراح ياخذوني
صرت بس ارتعش حتى صوت شهكاتي نكتمت بصدري
نجريت وجوقي يشيل ويلطخ بنفسه بشرى لازمته وعماد ايده بجيبه منصي راسه
خاله رباح بس جسمه يختض يعلن انهياره بلبجي
تفرهدت روحي
لمه الناس
ونضرات سرمد المتشمته ويه صوت انذار السيارات ولمضه الوان ضواهه سوالي رعب
نحطيت بسياره الشرطه وعماد فرفح يتوسل بضابط
سيدي الله يخيلك زين خليه بسيارتي
هاي هاي سيارتي براس الفرع واني الحكم
اعذرني والله ماكدر امر القاء قبض هذا وانت سيد العارفين بقانونه
حجه وصعد بلسياره
مشت
وصفاره الانذار شتغلت
مضلت بيه روح
ركبتي نكسرت
ملتافه تباوع على عماد شلون يمشي بهمه ورانه
نتهى الفرع لافت السياره وعماد وصل يم سيارته
بعد ختفى شكله
بين خوفي
وبجيي لكيت روحي كاعده وسط ثنين عسكر
زدت بلبجي
ومبطلت حدما وصلنه المركز
نزلوني جاريني من الكلبجات
اسحل بروحي
وتوقف بيا الزمن هنا
مثل طفل يخاف من ابره واهله غصبا عنه يردون يضربو
مثل طفل يريد اهله وغير ناس اخذو غصبا عنه
دكيت رجلي بلكاع رافضه ادخل المركز
رافضه ارجع الايام السجن من هول ما شفت منه
كمت ما ابجي لا كمت اعن مثل مصاب الصرع
سرمد نزل من سياره ثانيه ومجتف ايده يباوعلي بستهزاء لو عندي قدره واكدر اكوم ورجلي تعيني لشرب من دمه وكلبي ميبرد
بكعدتي تلفتت على صوت بريك قوي ونزل عماد بهمه
شفته كمت انده بااسمه وصوتي ميطلع
تقرب وبلهفه كومني
وكفت ورجلي وحده تطك بلخ وعماد نضره نزل الهم
كل عاده هل ماكان اعرف بي من زمان مابي لاواسطه لا بي شفقه
لا رحمه
رغم الكل واكف من ضباط وجنود يعاينون على رجفتي وبججيي وخوفي بس محد نقهر عليه كلمن من جه يصيح يله دخلوهه تااخرنه
همس عماد بذني
صبر كومي اني وياج لاتخافين
اني يمج ماعوفج
تحركت اطرافي
كنما كلامه انطاني جرعه مسكن
جرعه مخدر
ومشيت بخطوات ثقيله وشهكات متتاليه
دخلوني غرفه ورفضو دخول عماد رغم شكد حاول بس قفلو جروني منه وعيوني تستنجد بي
سرمد جان كاعد بلغرفه
كدام رتبه ماعرفه شنو
وكفت كدامهم
وامسح بعيوني لدتغوش من الدمع
سئل الضابط
اسمج
وعمرج
وسكنج
مرديت
وضرب علميز كدامه صيح
معوده فضيني اهووو راح تشتغل رحمه الله هسه تسوي روحه خرسه
سرمد .. سيدي فد وحده حياله مكاره مراح تاخذ منه لاحق ولا باطل ميحتاج تسئله التصوير كدامك واضح
رجاء دكتور خليني اشوف شغلي
سكت سرمد ورفع نضره الضابط عليه
سئل بملل
عندج هويه
