اليله مفجعه بمعنى الكلمه فيها غادر حبيب الامه إلى السماء ويتم بني ادم من مشارق الاض حتى مغاربه صلو عليه كي يرد عليكم وتكونو من الذاكرين
اللهم صل على محمد وآل
مساء الخير
خيوط الزمن
البارت 21
بقلم رفل الكناني ✍✍✍
،،،،،،،،،،،،،،،،،،،،
گلـولهم
واگــــف جــرح
طوله ويـه طول غيابهم
ڪلمـا
تغمـض صفنتـي
يلچمنـي شوگ فراگهم
،،،،،،،،،،،،،،،
امشي واركض بكل قوتي
الهوا يضرب بيا والمطر نكع جسمي من فوك ليجوه
ضلمه وصوت الرعد يرعب
حلكي يبس ورجليه تطرفس بلماي صارت
وماريد اوكف أريد انهز ماريد ابقى ماريد اعيش
خليني اركض
بلكي اتعب بلكي اموت
وتنتهي معاناتي
بس طلعت داحلم
كعدت لكيت روحي بلغرفه
الوصله على كصتي تلمسته حاره جمر
لتافت عيني جوقي بصفي غمضت وبديت اتذكر شصار
شكد بجيت شكد لطمت حتى فشار وغلط فشرت واجذب بيهم
اكلهم انتو متردوني وتتحججون اني مو بنتكم
عماد خرط الاول والتالي بعصبيه واني متهستره ممركزه ومساكته مستمره اغلط
جان يردلي الكلمه بكلمه
الغلطه بخزره
والفشار بضربه وجوقي بينا يفازع حدما دفعني من ايدي التوجعني كد ماعطت قوي فقدت ومكعدت غير هسه
شسويت اني شعملت بروحي والله لو باقيه بلشوارع ولا لاكيه هذا الصد منهم
جوقي دقني
انتي زينه ؟
درت وجهي مغمضه
جني بحلم وماريد اكعد منا
تركني وسكت بقى يسويلي كمادات واني هادى
يمكن الهدوء البيه جان الهدوء الي يسبق العاصفه
تماما وعيت وكمت لحيلي جوقي وكف الوكفتي نصيت راسي ومشيت امسح بوجهي واتلمس بجسمي
وصلت المحزمي
نخرطت خوف
مسدسي ماكو
تهسترت
رجعت اتلمس بجسمي واكلب بلمكان النايمه بي ملكيته
باوعت لجوقي ااشرله حركه مسدس
يهز براسه شنووو
مفهم عليه
طلعت من الغرفه طايره
العلع واصيح
عماد المسدس وين
لكيته كاعد على قنفات يدخن
وكفت متخوصره
اسئله
اني موياك عماد المسدس وين
مد بلاجمه رفع جتفه
مادري
غمضت صاكه ايدي حيل
كعدت تعبه الهبطه بيا بعده
لزمت راسي كوه احجي كتله
عفيه انطيني المسدس ادري بي عندك
والله مدام نكرتوني بعد متشوفون وجهي نطيناه وخليني اروح منا بعد لاعرفكم ولاتعرفوني
وكف شال باكيته ضمه بجيبه ورفع بنطرونه عدله
دار راسه تجاه الباب
يكلي
الباب كبالج رجعي منين مجيتي
والمسدس عندي ومانطي من كتلج عصابجيه ومجرمه مصدكتي ولاعترفتي بس الله هوه فضحج
شايلتلي مسدس مال علاسه وتريدني اصدك بحجياه. سمعي اكلج اني طالع اجي مالكاك واذا لكيتج هل مره بيدي اسلمج
طلع واني صافنه عليا
بله هذا شيفرق عن مهدي ؟
كعدت حيلي مهدود
جنت بوحده صرت بعشره
هذا لوتي شرطي كبل عرف المسدس وشنو اصله
على هذا الحقد الي بوجه ماستبعد يبلغ عني
